Geeshsha Mexaafa
Mazamure Maxaafa 125
Pude Kezishe Yexxida Mazmure
GODAAN ammanettizayti
mernaas qaaxxontta diza
Xiyoone Zuma mala.
Zumati Yerusalaame katama
yuushon diza mala
hachchife mernaa gakkanaas
GODAY ba deraa yuushon dees.
Xilloti iitateth tamaarontta mala
iitati haarishe
xillota biittan gam7ettenna.
Abeet GODAWU! Lo7o asatassinne
wozina suure asatas
ne lo7o ooththa.
Gido attiin kase
ba geella oge simmizayta
neni iita ooththizaytara
issife gaththa qaxxaya;
Isra7eeles saroy gido!
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.