Geeshsha Mexaafa
Mazamure Maxaafa 11
Dawiti Zammareta Kaabbos Yexxida Mazamure
GODAY tani baqata attizaso;
histtiin intte tana ays,
«Neni kafo mala
pude zuma bolla baqata» geetii?
Nagaranchchati wozina geeshshata
dhuman caddanaas
bantta wondafe
dafi oykkida.
Yochcha shuchchi1 woddiza wode,
xilloy ay ooththanawu
dandayzee?
GODAY ba geeshsha
Keeththan dees;
salon ba araatan uttidi
asaa be7ees;
iza ayfeti
asaa pilggi xeelleettes.
GODAY xillotanne
nagaranchchata pilggi xeellees.
Gido attiin geellateththinne
makkallateth siiqizayta
izi keehippe ixxees.
GODAY iitata bolla
eexxiza tama bonqonne
diine tama bukisana.
Dhayssiza gote carkon
istta qaxxayana.
GODAY xillo gidida gishshas
xilloteththa ooso dosees.
Suure asati iza sinth beyana.
Source notes (1)
- Footnote Yochcha shuch: Yochcha shuch gizayssa issi issi bagga gamoththo qaalan magala shuch, harati qasse baasa gishin hessika amaraththo qaalara masarate geetettees.
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.