ዮሃኒሳ ኣጁታ

ዮሃኒሳ ኣጁታ

ጊዶ ቆፋ

ዮሃኒሳ ኣጁታይ ጻፌቲዳይ ኣማኒዛይቲ ዬሱስ ኪርስቶሲ ኢስታስ ጎዳ ጊዲዳይሳ ኤሪዲ ኣማኒዳ ጊሻስ ጎዴቴኔ ዋዬይ ኢስታ ቦላ ጋኪዳ ዎዴና። ጻፌዚ ማጻፋዛ ናባቢዛይቲ ባ ሂዶታ ቃንጾንታ ማላ ኢስታ ሚንናሲኔ ባና ጋኪዳ ጎዴቴኒኔ ሜቶ ጋርሳን ኢስቲ ባ ኣማኖን ሚኒ ኤቃና ማላ ሚንናሳ።

ሃ ማጻፋን ዳሪዛ ባጋይ ዳሮ ዱማ ዱማ ኦይኬቲ ዲዛ ኣጁታታ ኢሲ ቦላ ጋ ኦይኪዴስ፤ ኣጁታቲካ ሄ ዎዴ ዲዛ ኣማኒዛ ኣሳይ ኤራናስ ዳንዳይዛዝ ጊዲሺን ሃንኮ ኣሳስ ቃሴ ጌሎንታ ጹራ ጊዲዲ ሺቂዳ ሌሚሶ ማላን ሺቂዳ ዮኦኮ። ሺሪ ሺሪ ዬጺዛ ማላ ማጻፋዛስ ዋና ቆፋቲ ዱማ ዱማ ኣጁታታ ባጋራ ዱማ ዱማ ሜን ዛሬቲ ዛሬቲ ሺቂዳ። ሃ ማጻፋዛ ቢርሼ ዱማ ዱማ ጊዲኮካ ኢዛስ ኣይፌ ቆፋይ ቃሴ ቆንጬ። ሄሲካ ጾሲ ጎዳ ዬሱሳ ባጋራ ናምኣንይ ባይንዳ ኦጌራ ጻላኤራ ኢዛ ሞርኬታ ዉርሲ ጾናና፤ ሄ ጾኖዚካ ዉሪዳፔ ጉዬ ባስ ኣማኔቲዳ ባ ላጌታስ ኢዚ ኦራ ሳሎኔ ኦራ ቢታ ኣንጆ ላቲሳና ጊዛይሳ።

ሃ ማጻፋይ ኦይኪዳ ኩሜ ቆፋ

ጌሎሶ

ኮይሮ ቤቲዳ ኣጁታ

ላፑን ዎሳ ኬታስ ዬዴቲዳ ኪታታ

ማጻፋዛኔ ላፑን ማታሜታ

ላፑን ጹሩምባታ

ዳዌዛኔ ናምኡ ዶኣታ

ዱማ ዱማ ኣጁታታ

ጾሳ ሃንቆ ጹኣ ላፑናታ

ባቢሎኔ ኩንዴ፥ ዶኣዛ፥ ዎርዶ ናቤታኔ ዳቡሎሳ ጾኔቴ

ዉርሴ ፒርዳ

ኦራ ሳሎ፥ ኦራ ቢታኔ ኦራ ዬሩሳላሜ

ኩሻ ቆፋ