फिलेमोन 1

अभिवाद

1पौलुस कि आरू छे जो मसीह ईशु क कैदी छे,

आरू भाईसो तीमुथियुस कि आरू छे हामरे मोंगावु सहकर्मी फिलेमोन। 21

आरू बहिनीस अफफिया, आरू हामरे साथे योध्दा अर्खिप्पुस आरू फिलेमोन क घर कि मंडळी क नाव।

मसीह मा आत्मिक बरकत

3हामरे बास यहोवा–भगवान ईशु मसीह कि आरू छे फोकटन दया आरू शांती तुमूक मिवती रया।

4हाव सदा यहोवा–भगवान कि धन्यवाद करता छे, आरू आपसी प्रार्थना मा भी तुखे स्मरण करता छे। 5काहकि हाव तारे उना मोंग आरू विश्वास कि चर्चा सोमवता छे, जो सब चुखलो मानसे क साथे आरू पोरबु ईशु पर छे। 6हाव प्रार्थना करता छे कि विश्वास मा तारो सहभागी हुयने, तुमरी सारी भलाई कि उळखने मा, मसीह क करता शक्तिशाली होय। 7काहकि हे भाईसो, मखे तारे मोंग छे खुप खुश आरू शांती मिवती छे, एरकरीन कि तारे द्वारा चुखलो मानसे क खुश होय गया।

8एरकरीन यद्यपि मखे मसीह मा मोटो साहस छे कि जो वात ठीक छे, ओकी हुकुम तुखे देसे। 9तवभी मखे डाहला पौलुस क जो हिमी मसीह ईशु क करता कैदी छे यो आरू भी भला जान पड़्या कि मोंग छे विनती करू। 102हाव तुमरा पोर्‍या उनेसिमुस क करता, जो मखे छे मारी कैद मा जनमछे, तुखे छे विनती करता छे।

11वो तो पहेल तारे काही काम क नी हुता, पर हिमी तारे आरू मारे दुयू क मोटा काम क छे।

12तीनी क मतलब जो मारे डील क तुकड़ा छे हाव ने तारे साथे पोछु आप देदु। 13तीनाक हाव आपने ही साथे राखने जुवता हुता कि वो तारी आरू छे इनीये कैद मा जो खुश खबर क कारण छे मारी सेवा करे। 14पुन हाव ने तारी मरजी विना काही भी करने नी जूवे, कि तारी यो किरपा दबाव छे नी पर खुशी छे होयती।

पौलुस की प्रार्थना

15काहकि काय जाने वो तुखे छे काही दहाड़ा तक क करता इना कारण अलग होया कि अमरकाय तारे निकट रया। 16पुन हिमी छे दास कि तरह नी वरना दास छे भी वारू मतलब भाईस क समान रयो जो मारो तो विशेष मोंगावु छे हिय, पर हिमी डील मा आरू पोरबु मा भी, तारे भी विशेष मोंगावु होय।

17शेवली कावा यदि तु मखे आपनो सहभागी समजता छे तो उको इनीये प्रकार मान्य कर जोसो मखे। 18यदि त्यो तारी काही अन्याय करी छे, या उना पर तारो काही आवतो छे, तो मारे नाव पर लिख लेय। 19हाव पौलुस क आपने हात छे लिखता छे कि हाव आप भर दिस; आरू इनान कयनो कि काही जरूरत नी कि मारो कर्ज जो तुखे पर छे वो तु ही छे। 20हे भाईस, यो खुश मखे पोरबु मा तारी आरू छे मिव्यो। मसीह मा मारो जीवन क हरो भरो कर दे।

21हाव तारे हुकुमकारी हुयने क विश्वास राख्यो तुखे लिखता छे, आरू यो जानता छे कि जो काही हाव कयता छे तु तीना सी काही बढ़ीन करसे। 22आरू यो भी कि मारे करता ठरने कि धरती तीयार राख। मखे आश छे कि तुमरी प्रार्थना क द्वारा हाव तुमू दे दिया जाईस। 233

इपफ्रास, जो मसीह ईशु मा मारे साथे कैदी छे। 244आरू मरकुस आरू अरिस्तर्खुसक आरू देमास आरू लूका जो मारे सहकर्मी छे, तीदरो तुखे नमस्कार।

25हामरे पोरबु ईशु मसीह क फोकटन दया तुमरी आत्मा पर होयतो रये। आमेन।