दानियेल

दानियेल नी किताब

दानियेल नी किताब

परिचय

दानियेल न किपात बेबीलोन मा इसराएलीयाक निकावनेन टेमे कागळ्यु दानियेल न जीवाय आरु भोगवानो वोगे गोथी ओगवायती वातोन दर्शन न वाराम छे। यो दानियेल आरु हेरा दुस्तोन एक होट्या रोवने पुठी राजोन आरु दुनियान वाराम भोगवानो वोगे गोथी ओगवायती वातोन वाराम देखाड़े। यी किपात 605 गोथो आंदास 535 साल इसुन आवने गोथो पेहेल लिखायली छे, जां दानियेल न बेबीलोन न च्यार ओलोग ओलोग राजान राजोन टेमो मा चाखरी कोरलु होतु। पेहली रीतीन ओनसारे यो छे की दानियेल आपसु एना टेमो मा बेबीलोन मा कीपात लिखलु, पुन घोना पेहला जानकार ओस कोवे की यो ओळतेन इसुन पेहेल दिसरा सोव सालोन टेमे इसराएल मा लिखायली छे। दिसरा जानकारोन माननो छे की किपातोन थुड़ोक ओलोग ओलोग टेमो मा लीखलो होतो।

दानियेल न किपात मानसोन निकावने मा रोय गोया इसराएली पुठी काठली टेम आवने वावी पीढ़ीन होर आपने कोरीन लिखली होती। दानियेल न जिवायीन होयली वात आरु ओगवाती वातोन जी भोगवानो वोगे गोथी ओगवाती वातोन लारे, भोगवान राजान आरु राजो पोर आपसी ताकोत देखाड़े। बायबोल वाराम यो नोवला सासतुर मा परमेश्वर न राज काजे सोमेजने मा मोदोत कोरे। दानियेल 7:13-14 मा मसीहान ओगवाती वात कोरली छे। चेहली टेमोन वाराम दानियेल न दर्शन न वाराम इसुन लारे कोरलो छे। मत्ती 24:15, मरकुस 13:14 आरु यहुन्ना न सातायली वातोन वाराम छे। दानियेल यिर्मयाह न भोगवानो वोगे गोथी ओगवायती वात पोर वी विचार कोरे (दानियेल 9:1-3)।

रुपरेखा:

1. नोबुकदनेस्सर न राजोन टेम मा बेबीलोन मा दानियेल आरु हेरा दुस्तोन वाराम देखाड़े। 1-4

2. राजा बेलशस्सर न दर्शन काजे दानियेल न लारे वारु देखाड़नेन वाराम छे अध्याय 5

3. डेरीयस न राज मा नाहारोन कुंडा मा दानियेल न वाराम देखाड़े अध्याय 6

4. अध्याय 7-12 मा ओगवाती वातोन होयनेन वाराम भोगवान दानियेल लोगुन उजेन्तु कोरलु छे

अ. अध्याय 7-8 मा दानियेल ओगवायती वातोन वाराम दुय दर्शन आरु तिन्दरे वाराम वारु देखाड़नो

ब. अध्याय 9 मा दानियेल आपसा मानसो जुगु विनता कोरे आरु सोरोगदुत गाबरीयेल न लारे हेरो जोपाप आपे

स. अध्याय 10-12 मा गाबरीयेल चेहली टेम भेळ ओगवाती वातोन वाराम देखाड़े।