प्रेरितन

प्रेरित कि किताब

प्रेरित नी काम

परिचय

प्रेरितन किताब सुरवाती मा मंडळीन बारा मा लिखलो छे, जी यरूशलेम रईन सब यहुदि, सामरी देश आरू चा रईन ओगव क सारीक पसरती गई। जा करीन ईशु सोरग मा जानेन पेहल तीनान सेवकोक कयलु हतु।

प्रेरित किताब ईशु मसीहन जनमक पछव कम से कम 60-64 सालन विच मा लिखली हती, काहकि यी किताब पौलुसन जेलम रईन सुटनेन पेहल खतम होय जाती। लूका प्रेरित पौलुस क साथे यात्रा करलो आरू शायद अंताकिया नगर माहय रयन इनी किताब काजे लिखलो ओसे।

प्रेरितन किताब आमरे करता सोरवातीन मंडळीन उदाहरण प्रदान करे, आरू ईशु मसीह माहयन भुरसो करीन कोसो जीवनु छे चो देखाड़से। आरू प्रेरितन उदाहरण आपुक देखाड़से काय वारली खबर दिसरा क कयनेन करता चुखलो आत्मान ताकद भुरसो कोसो करनु छे।

रूप रेखा

1. चुखली जीवनन आत्मान ईशु मसीहन चाकरीयो पर उतेरनो आरू मंडळीन उन्नती होयसे।

2. यरूशलेम मा रईन मंडळी पर सताव आरू यरूशलेम रईन वारली खबर पसरने।

3. पौलुसन पेहली मिशनरी जात्रा।

4. यरूशलेमन गरीब भुरस्यान जरूतीन बाराम।

5. पौलुसन दिसरी मिशनरी जात्रा।

6. पौलुसन तिसरी मिशनरी जात्रा।

7. पौलुस क यरूशलेम मा बंदी बनावनु।

8. पौलुस क रोम मा ली जानु।