परमेश्वरन सत्य वचन
2 तीमुथियुस 4
यहोवा–भगवान आरू मसीह ईशु क गवा करीन, जो जीवतान आरू मरला होया क न्याय करसे, आरू ओको प्रगट हुयने आरू राज की देवाड़ी हाव तुखे हुकुम देता छे। कि तु वचन क खबर कर, टेहाव आरू असमय तीयार रया, सब प्रकार की सहनशील आरू शिक्षान साथ मा सुधार करीन आरू लड़िया आरू समझाड़। काहकि ओसो टेहाव आवसे जव मानसे सचा शिक्षा नी सह सकछे, पुन कान्टा की खुजलीन कारण आपसी लालोच क लारे आपने करता घोणा छे शिक्षा देने वाळा एखठा कर लेछे। आरू आपसा कान्टा सच्चाई छे पुगीन कथा काहनी पर लागाड़ छे। पुन तु सब वात मा सावधान रया, दुःख उठाड़, खुश खबर खबरन क काम कर, आरू आपसी सेवा क पूरी कर।
काहकि हिमी हाव पानी रेड़ाये तसो हुयतो जाय रीयो, आरू म्हारो जानेन टेम आय गयलो छे। हाव वारली कुश्ती लड़ त्योक्यो छे, हाव ने आपसी दौड़ पूरी कर लेदी छे, हाव ने विश्वास की राखवावी करी छे। भविष्य मा मारे करता न्यायी क वो मुकूट राख्यो होया छे, जीनाक पोरबु जो धरमी आरू न्यायी छे, मखे उना दाहड़ा आपसे, आरू मखे ही नी वरना उन सब क भी जो ओका प्रगट हुयने क मोंगावु जानता छे।
व्यक्तिगत संदेश
मारे साथे छाटोत आवने क कोशिष कर। 1काहकि देमास ने इनीये संसार क मोंगावु जानीन मखे छुड़ दिदा छे आरू थिस्सलुनीके क चाली गयो छे। क्रेसकेंस गलातिया क आरू तीतुस दलमतिया क चाली गयो छे। 2केवल लूका मारे साथे छे। मरकुस क लीन चालीन आव; काहकि सेवा क करता वो मारो घोणा काम क छे। 3तुखिकुस क हाव ने इफिसुस मुकल्या छे। 4जो बागा हाव त्रोआस मा करपुस क याहा छुड़ आश छे, जव आश तो ओको आरू किताब विशेष करीन चर्मपत्रो क लेता आवु। 5
अलेक्जेन्द्रिया ठठेरे ने मखे छे घोणा बुराइयां करी छे; पोरबु ओको तेरे कामन लारे बदल आपसे। तु भी ओका सी सावधान रया, काहकि त्यो हामरी वात क घोणा ही विरोध कर्या छे।
मारे पेहल जवाब क टेहाव काही ने भी मारो साथ नी दिदा, वरना सब ने मखे छुड़ दिदा हुता। भलो होय कि ऐरा तीदरा लेखो देनो नी पड़े! पुन पोरबु मारो सहायक रया आरू मखे शक्ति देदी, ताकि मारे द्वारा पूरा पूरा खबर होय आरू सब गैरयहुदी सोमवी ले। हाव नाहरन मुय छे छुड़ दिदा। आरू पोरबु हर एक बुरो काम छे छुड़वसे, आरू आपसा सोरगदूतीय राज मा सोरक्षित पुच जाछे। ओकी की महिमा युगानयुग होयती रोवे। आमेन।
आखरी नमस्कार
प्रिस्किल्ला आरू अक्विला क आरू उनेसिफुरूस क घराना क नमस्कार। 7इरास्तुसन कुरिन्थस मा रया गया,
आरू त्रफिमुस क हाव ने मीलेतुस मा बीमार छुड़िया छे। जाड़े छे पेहल चालीन आवने क कोशिष कर। यूबुस, आरू पूदेंस, आरू लीनुस आरू क्लौदिया, आरू सब भाईस आरू बहनीस तुखे नमस्कार।
पोरबु तारी आत्मा क साथे रवे।
तुमू पर यहोवा–भगवान फोकटन दया हयतो रवे।
Source notes (7)
- Cross-reference कुलुस्सियो 4:14; फिलेमोन 1:24; 2 कुरन्थियो 8:23; गलातिया 2:3; तितुस 1:4
- Cross-reference कुलुस्सियो 4:14; फिलेमोन 1:24; प्रेरितन 12:12,25; 13:13; 15:37-39; कुलुस्सियो 4:10; फिलेमोन 1:24
- Cross-reference प्रेरितन 20:4; इफिसियो 6:21,22; कुलुस्सियो 4:7,8
- Cross-reference प्रेरितन 20:6
- Cross-reference 1 तीमुथियुस 1:20 रोमियो 2:6
- Cross-reference प्रेरितन 18:2 2 तीमुथियुस 1:16,17
- Cross-reference प्रेरितन 19:22; रोमियो 16:23; प्रेरितन 20:4; 21:29
परमेश्वरन सत्य वचन. Copyright © 2025 The Word for the World International and Dhankavi Mandli, Khargon, Raykhed, Nandurbar, Maharashtra 2025. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.