2 थिस्सलुनीकियो 3

प्रार्थना करने क अगवाय

1अळते मा हे भाईस, आरू बहनीस हामरे करता प्रार्थना कर्‍या कर की पोरबु क वचन ओसो शीघ्र पुगीयो आरू महिमा देख्या, जोसो तुमू मा हुयो। 2आरू हामु वाकलो आरू दुष्ट मानुस छे वाच रया काहकि हर एक काम मा विश्वास नी।

3पुन पोरबु सच्चा छे; वो तुमू दृढ़ता छे स्थिर करसे आरू उना शैतान छे सोरक्षित राखछे, 4हामु पोरबु मा तुमरे ऊपर विश्वास छे कि जो जो हुकुम मा हामु तुमू देता छे, तीनुक तुमू मानता होय, आरू मानता भी रवछे।

5यहोवा–भगवान क मोंग आरू मसीह क धीरज कि आरू छे पोरबु तुमरे मन की अगवाय करे।

काम करने क जिमेवारी

6हे भाईस, आरू बहनीस हामु तुमू मा आपने पोरबु ईशु मसीह क नाव छे हुकुम देता छे, कि तुमू हर एक ओसो विश्वास भाईस छे अलग रया जो गलत चाल चालता आरू जो शिक्षा त्यो हामु छे देख्या ओका लारे नी करता। 7काहकि तुमू आप जानता होय कि काही रीति छे हामरी जोसी चाल चालने जुवे, काहकि हामु तुमरे विच मा गलत चाल नी चाल्यो। 8आरू काही कि रोटा मुक्त मा नी खाय; पर मेहनत आरू कष्ट छे रात दहाडू काम धंदा करता हुता कि तुमू मा छे काही पर भार नी होय। 9यो नी कि हामु हक नी, पर एरकरीन कि तुमरा आप क तुमरे करता विजुत राखनीया बन्या कि तुमू हामरी जोसी चाल चाल्या। 10काहकि जव हामु तुमरे याहा हुता, तव भी याहा हुकुम तुमू देता हुता की यदि काही काम करने नी जूवे तो खाने भी नी देख्या।

11हामु सोमवता छे कि काही मानसे तुमरे विच मा गलत चाल चालता छे, आरू काही काम नी करता छे, पर दिसरा क काम मा हात नाख्या करता छे। 12ओसी क हामु पोरबु ईशु मसीह मा हुकुम देता आरू समझता छे कि चुपचाप काम करीन आपसी ही रोटा खाया करू।

13तुमू, हे भाईस, आरू बहनीस भलाई करने मा साहस नी छुड़िया।

14यदि काही हामरे इनीये पत्री क वात क नी मान तो उना पर दृष्टी राख, आरू ओकी संगति नी कर्‍या, जिनासे वो लज्जित होय। 15तौभी त्यो दुस्मन मत समझ, पर भाईस्यो साथी जानीन ओको समझावु।

आखरी नमस्कार

16हिमी पोरबु जो शांती क सुवता छे आप ही तुमू सदा आरू हर प्रकार छे शांती देय। पोरबु तुमू सब क साथे रये।

17हाव, पौलुस, आपने हात छे नमस्कार लिखता छे। हर पत्री मा मारो याहा योही सहलानी छे; हाव इनीये प्रकार छे लिखता छे।

18हामरे पोरबु ईशु मसीह क फोकटन दया तुमू सब पर हुयसे रया।