परमेश्वरन सत्य वचन
2 कुरन्थियो 8
उध्दार पुर्वक दान आपने
हिमी हे भाईस, बहनीस हामु तुमू यहोवा–भगवान क उना फोकटन दया क खबर देता छे जो मकिदुनिया की मंडळी पर होया छे। कि तकलीद कि मोटी परिक्षा मा ओको मोटी खुशी आरू भारी गरीब मा उनकी उध्दारता खुप मोटी होय गयी। ओको विषय मा मारी यो गवाय छे कि तीनुक तुमरा शक्ति भर वरना शक्ति छे भी बाहरता मन छे दिदा। आरू इनीये दान मा आरू चुखलो मानसे कि सेवा मा भागी हुयने क फोकटन दया क विषय मा, हामरे सी बार बार खुप रावन्या करी, आरू जोसी हामु ने आश कि करी होती, ओसी ही नी वरना त्या पोरबु क कि यहोवा–भगवान कि मरजी छे हामु क भी आपने आप क आप दिदा। एरकरीन हामु ने तीतुस क समझाया की जोसो त्यो पेहल शुरू कर्या हुता, ओसो ही तुमरे विच मा इनीये दान क काम क पूरो भी कर लेय। एरकरीन जोसो तुमू हर वात मा मतलब विश्वास, वचन, ज्ञान आरू सब प्रकार क यत्न मा, आरू उना मोंग मा जो आपने छे राखता होय, बोढता जाता होय, ओसो ही इनीये दान क काम मा भी बढ़ता जावु।
हाव हुकुम कि रिती पर तो नी, पुन दुसरा क जुर छे तुमरे मोंग कि सच्चाई क पारखने क करता कयता छे। तुमू आमरो पोरबु ईशु मसीह क फोकटन दया जानता होय कि वा धनी हईन भी तुमरे करता गरीब बन गया, ताकी ओका गरीब होय जाने छे तुमू धनी होय जाय। इनीये वात मा मारी सल्ला योही छे यो तुमरे करता वारलो छे, जो एक साल छे नी तो केवल इनीये काम क करने ही मा, पुन इनीये वात क जुवे मा भी पेहलो हुयो हुता, एरकरीन हिमी यो काम पूरो करो की जोसो मरजी करने मा तुमू तीयार हुता, ओसो ही आपसी–आपसी पूंजी क लारे पूरो भी कर्या। काहकि यदि मन की तीयारी होय तो यहोवा–भगवान आप क दान क फोकटन दया हुता छे जो ओका साथे छे, नी कि ओका लारे जो ओका साथे नी। यो नी की दिसरा क आराम आरू तुमू क तकलीद मिवे। पुन बराबरी क विचार छे इनीये टेहाव तुमरी बढ़ती तिनुक घटी मा काम आये, ताकि तिनुक बढ़ती होय तुमरी घटी मा काम आयो कि बराबरी होय जाय। जोसो लिख्यो छे, “जो घोणा बटोरा ओको काही हको तळे नी निकव्या आरू जो थोडा बटोरा ओको काही कम नी निकव्या।”
तितुस आरू ओका सहकर्मी
यहोवा–भगवान क धन्यवाद होय, जो तुमरे करता चो जुर तीतुस क दिल मा नाख दिदा छे। कि त्यो हामरे समझने मा मान करता वरना घोणा जुराको चो वो आपने मरजी छे तुमरे साथे गयो छे। हामु ने ओका साथे उना भाईस क भी मुकली दिदा छे जेरो नाव खुश खबर क विषय मा सब मंडळी मा पसराया होया छे; आरू ओतरा ही नी, पुन वो मंडळी द्वारा ठेराया भी गया की इनीये दान क काम क करता हामरे साथे जाय। हामु यो सेवा एरकरीन करता छे की पोरबु की महिमा आरू हामरे मन की तीयारी प्रगट होय जाय। हामु इनीये वात मा चोकचौळीया रयता छे कि इनीये उध्दारता क काम क विषय मा जेरी सेवा हामु करता छे, काही हामु पर दोष नी लागाड़ ने देखछे। काहकि जो वात केवल पोरबु ही क निकट नी, पुन मानुस क निकट भी भली छे हामु उनकी चिंता करता छे। हामु ओका साथे आपने भाईस क भी मुकल्या छे, जिनाक हामु ने बार बार पारख्या क घोणा वात मा जुराको देख्या छे; पुन हिमी तुमू पर ओको मोठो भरोछे छे, इनीये कारण वो आरू भी सवटो जुराको छे। यदि काही तीतुस क विषय मा, तो वो मारे साथे आरू तुमरे करता मारू सहकर्मी छे; यदि आरू हामु भाईस क विषय मा पुछता, तो वो मंडळी क मुकल्या हुयो आरू मसीह कि महिमा छे। अळते आपनु मोंग आरू हामरे डाहळाय जो तुमरे विषयमा छे मंडळी क सामने सिध्द करीन उन देखाडीस।
Source notes (1)
- Cross-reference रोमियो 15:26
परमेश्वरन सत्य वचन. Copyright © 2025 The Word for the World International and Dhankavi Mandli, Khargon, Raykhed, Nandurbar, Maharashtra 2025. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.