1 थिस्सलुनीकियो 2

थिस्सलुनीकियो मा पौलुस क खबर काम

1हे भाईस, आरू बहनीस तुमू आप ही जानता होय कि हामरे तुमरे साथे आवने व्यर्थ नी हुयो, 21वरना तुमू आप ही जानता होय क तुमरे साथे आवने पेहल फिलिप्पी गाव मा दुःख हाकलिया आरू झगड़ो करावनो सहने पर भी हामरे यहोवा–भगवान ने ओसो साहस दिदो, कि हामु यहोवा–भगवान क खुश खबर भारी विरोधी क हुयसे हुयो भी तुमू सोमवाया। 3काहकि हामरा शिक्षा नी भ्रम छे आरू नी विटळ शिक्षा छे, आरू नी चालाक क साथे छे। 4पर जोसो यहोवा–भगवान ने हामु योग्य ठेराया खुश खबर सौप दिया, हामु ओसो ही कयो करता छे, आरू इनीये मा मानुस क नी, पुन यहोवा–भगवान क, जो हामरे मानो क हेरता छे, खुश करता छे। 5काहकि तुमू जानता होय कि हामु नी तो कदी चापलूसी करी वात कर्‍या करता हुता आरू नी लोभ क करता वयाड़नु करता हुता, यहोवा–भगवान गवा छे। 6तभी हामु मानुस छे विजुत नी जूवता हुता, आरू नी तुमू छे, नी आरू काही छे। 7आरू यद्यपी हामु मसीह क प्रेरित हुयने क कारण तुमू पर बोझ नाखता सकता हुता। पुन जिना तरह आश आपने पोर्‍य क पालन पोषण करती छे। ओसो ही हामु ने भी तुमरे विच मा रयन मोटी कमरता देखाय छे। 8आरू ओसो ही हामु तुमरी लालस करता होया ने केवल यहोवा–भगवान क खुश खबर पर आपसा–आपसा हामु तुमू मोंगावु करता छे, भी तुमू देने क तीयार हुता एरकरीन कि तुमू हामरे मोंगावु होय गया हुता।

9काहकी, हे भाईस, आरू बहनीस तुमू हामरे मेहनत आरू कष्ट क स्मरण राखता होय; हामु ने एरकरीन रात दहाडू काम धंदा करता होया, तुमू मा यहोवा–भगवान क खुश खबर कर्‍या कि तुमू छे काही पर भार नी होय।

10तुमू आप ही गवा होय, आरू यहोवा–भगवान भी ओसो छे, कि तुमू विश्वास क विच मा आमरो व्यवहार कोसो चुखलो आरू सच छे आरू ने निर्दोष रया। 11तुमू जानता होय कि जोसो आश बास आपने पोर्‍य क साथे व्यवहार करता छे। ओसो ही हामु भी तुमू मा छे हर एक क करता छे। 12शिक्षा करता आरू शांती देता, आरू समझता हुता कि, तुमरो चाल चलन यहोवा–भगवान क योग्य होय। जो तुमू आपने राज आरू महिमा मा आरू सहभागी हुयने क करीन बुलाया छे।

13एरकरीन हामु भी यहोवा–भगवान क धन्यवाद निन्तर करता छे की जव हामरे द्वारा यहोवा–भगवान क खुश खबर क वचन तुमरे साथे पुचाड्या तो तुमू ने ओको मानुस क नी पुन यहोवा–भगवान क वचन समझीन आरू सचमुच यो ओसो ही छे। मान्य कर्‍या; आरू वो तुमू विश्वासीया मा जो विश्वास राखता होय, शक्तिशाली छे। 142एरकरीन तुमू हे भाईस, आरू बहनीस यहोवा–भगवान कि उन मंडळी कि सी चाल चालने लाग्या यहूदि या मा मसीह ईशु मा छे, काहकि तुमू हाव भी आपने मानुस छे ओसो ही छल देखता जोसो त्या यहूदि या छे देखता हुता। 153जिन्होने पोरबु ईशु क आरू भविष्यवक्ता क भी मार नाख्यो आरू हामु क सताया। आरू यहोवा–भगवान उनछे खुश नी, आरू वो सब मानुस क विरोध करता छे। 16आरू वो गैरयहुदी यो छे ओको यहोवा–भगवान क उध्दार क खुश खबर सोमवाता क करता हामु रूकता छे कि सदा तुमरा पाप क नपुआ भरता होय। पर उन पर यहोवा–भगवान क भयानक प्रकोप आय पुचाड़ छे।

पौलुस क दुय कावा मंडळी छे मिवने की लालोच

17हे भाईस, जव हामु थोडी देर क करता, मन मा नी वरना प्रगट मा तुमू छे अलग होय गया हुता, तो हामु ने मोटी लालसा क साथे तुमरे मुय देखने क करता आरू भी सवटो यत्न कर्‍या। 18एरकरीन हामु ने मतलब मखे पौलुस ने एक बार नी वरना दुय बार तुमरे साथे आवने जूवे, पुन शैतान हामु रूक रयो। 19भला हामरी आश या खुश या बढ़ाई क मुकूट काय छे? काय हामरे पोरबु ईशु क सम्मुख ओका आवने क टेहाव तुमू ही नी होय छे? 20हामरी बढ़ाई आरू खुश तुमू ही होय।