Skip to content
BibleKenya

Ntrubo Old Testament Project

Nɔɔneŋ 120

Kefane fa kekyɔ

Me kaale man me wiiwɔ baake Degbeŋgyoo,

te ɔ kpaa maŋ.

Degbeŋgyoo lɛɛ maŋ,

lee akɛrɛɛ nɔɔse,

na akɛrɛɛ laakemse man.

Nyaŋ laakem dekarate,

woŋ te waa mo fa neŋ,

yaa woŋ te waa mo yɛɛ neŋ?

Waa mo yoonɔɔte baŋdaŋ nyeele kyɔŋkyɔŋ,

na nyewalaŋ ŋɛɛ wɔŋ n deŋele.

Nyi me kyaa Mɛsɛke,

yaa me kyaa Kedare kanyaŋ denɛɛ man na maa laako.

Ma te kyaa balaŋ baŋ bɛɛ kɔla wosefɛɛreŋ,

man kyare gbaa.

Maŋ ne gyae wosefɛɛreŋ bo,

mɔna nyi me kolosi na, baŋ ne gyae yoo bo.

Ntrubo Old Testament Project. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.