Ntrubo Old Testament Project

Nɔɔneŋ 114

Nyeekelɛɛwee Nɔɔneŋ

Iseraetena ketu lee Igyipite,

na Yakɔbe duuluŋ man balaŋ ka lee ŋɔɔla tɛɛle man nɛ,

Yuda bese Wurubuarɛ balaŋ fereŋkyeŋ,

Iserae bese baŋ ɔ ne di be dɔɔ.

Ɛpo naawɔ te ɔ yeuwɔ,

Yɔɔdan besewɔ ɔ wɔle.

Bulase toŋeewɔ ŋgba namense baala nɛ,

bulasebia ŋgba namense bia nɛ.

Ɛpo, woŋ yɛɛna neŋ te n yeuwɔ?

Yɔɔdan, woŋ kɔŋala te n bese n wɔle?

Bulase, weera te ɛ toŋeewɔ ŋgba namense baala,

te bulasebia toŋeewɔ ŋgba namense bia nɛ?

Tɛɛle, seree Degbeŋgyoo siaman,

Yakɔbe Wurubuarɛ ŋon siaman,

ŋon besenaana kpanaŋ yɛɛ depaa,

kpanaŋ doŋte bese loŋse deepue lee.

Ntrubo Old Testament Project. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.