Mazimuriyaa 123

Maarotaa Demanaw Shiishsho Woosaa

Pudetsaa kesiidde yes's'eedda yetsaa

1Neenoo, kawutetsaa araatan saluwaan utteeddawoo,

taani pude neekko s'eellay.

2K'oomay bare godaa kushiyaa s'eelliyaawaadaaninne

k'oomata bare godatti kushiyaa s'eelliyaawaadan,

hewaadankka I nuuna maarana gakkanaw,

nu ayifii Med'inaa Godaakko, nu S'oossaakko, s'eellee.

3Nuuna maara; abeet Med'inaa Godaw, nuuna maara.

Ayaw gooppe, nuw kad'ii dareedda.

4Nuuni ishaluwaan de'iyaawanttu shek'aanne

otoranchchatuwaa kad'iyaa kalleeddo.