Mazimuriyaa 114

Paasigaa Mazimuriyaa

1Israa'eeliyaa Asay Gibs'e biittaappe keseedda wode,1

Yaak'ooba golliyaa asay,

allaga k'aalan haasayiyaa asaa yeggiide beedda wode,

2Yihudaa Asay Godaw geeshsha asaa gideedda;

Israa'eeliyaa asaykka aw moodeteeddino.

3Zo'o Abbay hewaa be'iide bak'ateedda;2

Yorddaanoosa Shaafaykka guyye simmeedda.

4Deretuu deeshshatuwaadan buraak'eeddino;

zoozetuukka dorssaa maraadan guferetteeddino.

5Abbaw, neena bak'atisseedawe ayee?

Yorddaanoosa Shaafaw, ayaw guyye simmaaddii?

6Hinttenoo deretoo, deeshshatuwaadan

ayaw buraak'eedditee?

Hinttenoo zoozatoo, dorssaa maraadan,

ayaw guferetteeditee?

7Neenoo biittaw, Godaa sintsan,

Yaak'ooba S'oossaa sintsan kokkora.

8I Shuchchaa zeereeto haatsaa kesseeddawaa;3

zaallaa, haatsaa pulttuwaa ootseeddawaa.