Mazimuriyaa 100

S'oossaa Galatanaadan Shiik'eedda S'eessaa

Galataa immiyaa mazamuriyaa

1Sa'aan de'iyaa asaa ubbaw,

Med'inaa Godaw hintte k'aalaa d'ok'k'u ootsiide yes's'ite.

2Med'inaa Godaw nashshechchan ootsite;

nashshechchaa yetsaanna Aa sintsa shiik'ite.

3Med'inaa Goday S'oossaa gidiyaawaa erite;

nuuna med'd'eeddawe Aa; nuuni aawantta.

Nuuni Aa asatuwaanne Aa k'ooruwaan de'iyaa dorssatuwaa.

4Aa penggiyaa galataana,

Aa dabaabaa sabaanna gelite;

Aa galatitenne Aa suntsaa sabbite.

5Ayaw gooppe, Med'inaa Goday keeka.1

Aggena Aa siik'uu med'inaassa;

I yeletaappe yeletaa gakkanaw ammanettiyaawaa.