Skip to content
BibleKenya

Dawro Full Bible Ethiopic

ኢዮባ 28

አዳ ኤራተ ትምርትያ

“ብራ ቦክ ከስያሳይነ ዎርቃ ጌሻናዉ ሙሽስያ ሳአይ ደኤ። ብራታይ አሳይ ቢታፐ ቦክና ከሴ፤ ናሃሲካ አ ሹቻ ሙሽስና ከሴ። አሳይ ጾምፕያ አሂደ፥ ማ ጾኔ፤ ቢታ ጪሙዋ ጋኪደ፥ ጵ ጎ ማ ግዶን ሄ ሹቻ ኮዬ። አሳይ ደኢያሳፐ ሃኪደ፥ አሳ ገዲ የ ኤረናሳ ቢደ፥ ሄዋን ጪማ ኦላ ቦኬ፤ ሄዋን ዎዶሩዋን ያነ ሃነ ኩሉሙሺደ፥ አሳፐ ሻከቲደ ደኤ። ካይ ቢታፐ ሞኬ፤ ሽን ሄ ቢታ ግዱ ታማን ሙሺደ፥ አ አ ዎ። ሄ ቢታ ግዶን ደእያ ሹቻፐ ሳምፔርያ ግያ አልኦ ሹቻይ ከሴ፤ አ ባና ግዶፐካ ዎርቃይ ቤቴ።

“ሄ ሹቻ ቦክያሳ አፍያ ኦግያ ጽንግሊ ኤረና፤ ጋጪካ በእቤና። ኢታ ዶአቱ ባረንቱ ገድያን ሄ ሳኣ የ ኤርክኖ፤ ጋሙካ ሄዋና አና።

“አሳይ ምኖ ዛላ መንሬ፤ ደርያካ ቦኪደ፥ ጻጱዋፐ አ የጌ። ዛላ ሉኪደ፥ አያ ኦግያ ከሲደ፥ ሄ አልኦ ሹቻካ ደሜ። ሃ ፑልቱዋ ቦክኖ፤ ጌሜዳባቱዋካ ፖኡዋ ከሴ።

“ሽን አዳ ኤራተይ ሀቃፐ ቤታናዉ ዳንዳዪ? አኬካይ ቤትያ ሳአይ ሀቄ? አሳይ አ ቱሙ ጋትያ ኤረና፤ አያዉ ጎፐ፥ አዳ ኤራተይ ፓጻ ደእያዋንቱ ቢታን ቤታናዉ ዳንዳየና። ጪሙ፥ ‘አዳ ኤራተይ ታ ግዶን ባዋ’ ያጌ፤ አባይካ ታናና ግደና ጌ።

“አዳ ኤራተይ ዎርቃን ሻመተና፤ አ ጋቲካ ብራን ጌዳረተና። አዳ ኤራተይ በርተ ዎርቃን፥ ማርግድያነ ሳምፔርያ ጌተትያ አልኦ ሹቻን ሻመተና። ዎርቃይነ ማስቶትያ ኦሰቴዳ ሚሻቱዋ ጋቲ አናና ልከተና፤ ዎርቃፐ ኦሰቴዳ አልኦባንካ ላመተና። አዳ ኤራተ ጋቲ የሌሉዋፐ፥ አልማዝያፐነ እንቁዋ ኡባፐ አ። ቶጳዝዮንያ ግያ ቶጵያ እንቁካ አናና ልከተና፤ በርተ ዎርቃንካ ሻመተና።

“ያትና፥ አዳ ኤራተይ ሀቃፐ ዪ? አኬካይ ቤትያ ሳአይ ሀቄ? ፓጻ ደእያ መታ ኡባፐ ጌም ኡቴዳ፤ ሳሉዋ ካፎቱካ አ ደምክኖ። ባሻይነ ሀይቁ፥ ‘ኑን አዳ ኤራተዉ ኦዶ ጻላላ ኑ ሀይን ስሴዶ’ ያጊኖ።

“አዳ ኤራተኮ አፍያ ኦግያነ እ ደእያ ሳኣ ኤርያዌ ጾሳ ጻላላ። አያዉ ጎፐ፥ ጾሳይ ሳኣ ጋጻ ኡባ ጼሌ፤ ሳሎቱዋፐ ጋርሳና ደእያዋ ኡባ በኤ። ጾሳይ ጫርኮ ዎልቃ እሜዳ ዎደነ ሻርያ ሃ ልኬዳ ዎደ፥ እራይካ ሀቃን ቡካነንቶ፥ ዋልቃንይካ ሀቃን ዎነንቶ ዎጋ ዎዳ ዎደ፥ እ ሄ ዎደ፥ አዳ ኤራተ በኢደ ፓጬዳ፤ ሎአ ጌዳ። ሄዋፐ ጉይያን፥ ጾሳይ አሳዉ ኦዲደ፥ ‘ጾሳዉ ያይያዌ አዳ ኤራተ፤ ኢታፐ ሃክያዌካ አኬካ’ ያጌ” ያጌዳ።1

Source notes (1)
  1. Cross-reference ማዝ. 111:10፤ ሌም. 1:7፤ 9:10

Dawro Full Bible Ethiopic. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.