ኤፈሶና

ጳዉሎስ

ኤፈሶና አሳዉ

ጻፌዳ ኪታ

ገሉዋ

ጳዉሎስ ኤፈሶናን ደእያ አሳዉ ጻፌዳ ኪታን ኡባባፐ አደ እ ጼሌዳዌ፥ “ጾሳ ቆፋ ኦሱዋን ፔሻናዌ ሳሉዋንነ ሳኣን ደእያባይ ኡባይ እትፐ ሺቂደ፥ እት ክርስቶሳ ማታ ጋርሳን አቅያ ዎዲ ጋካና” ያግያ ቆፋ (1:10)። ሄዋ ቦላንካ ጉጃይ የሱስ ክርስቶሳና እትፐ ግዲደ፥ አሳ ዛርያ ኡባይ እቱዋ ግዳና ማላ፥ ሀ ዎልቃማ ቆፋ ኦሱዋን ፔሻናዳን ጾሳ አሳ ሀሳይሴ።

ኤፈሶና ኪታይ ኮይሮ ሳን ጻፊ እትፐተዋ ጻፋናዉ ዶሜዳዋ አሲደ፥ ጾሳይ አዉ ባረ አሳ ዎት ዶሬደንቶ፥ ኡንቱንቱካ አ ናኣ፥ የሱስ ክርስቶሳን ባረንቱ ናጋራፐ ማረቲደ፥ ዋን ላአ ከሴደንቶነ ጾሳ ዎልቃማ ህዶታ ቃላይ ጌሻ አያና ባጋና ዎት ኤረቴደንቶ ኦዴ። ላኤንያ ሻኩዋን ቃይ ጻፊ ሀ ኪታ ናባብያዋንቱ ባረንቱ እትፐተ ደኡዋን ክርስቶሳን ኡንቱንቶ ደእያ እትፐተይ ቱማ ግዳና ማላ ኡንቱንቱ ዋኒደ ደአናዉ በስንቶ ቆፍሴ።

አሳይ ክርስቶሳን ደእያ እትፐተን ዋኒደ ደአናዉ ዳንዳይንቶ ዱማ ዱማ ሂላ ሃሳያን ቆንጬዳ። አማንያ አሳይ እት አሳተ ሌምሱዋ ግድያ ዎደ፥ ክርስቶስ ሄ አሳተዉ ሁጲያ ግዴ። አማንያ አሳይ ግምቢያ ጎልያን ሌምሰትያ ዎደ፥ ክርስቶስ ሄ ግምቢያ ጎለዉ ጎዳ ጻጱዋ ምንስያ ዋና ሹቻ ግዴ። አማንያ አሳይ ማችያዳን ሌምሰትያ ዎደ፥ ክርስቶስ አስናዳን ግዴ። ጻፍያዌ ክርስቶሳ ባጋና ቆንጬዳ ጾሳ አ ኬካተ ዳሮ ቂስ ናሽ ሃሳዪደ፥ ጪማቴዳ ቆፋ ሺሼ። እ ኡባባካ ክርስቶሳ ሲቁዋን፥ እ ያርሸቶዋን፥ አ ማሮተን፥ አ አ ኬካተንነ አ ሳሮተ ባጋና ጼሌ።

ሸምፓቱዋ ኡባቶ እመቴዳ ቃን ቆፋቱዋ

ገሉዋ

ክርስቶሳነ አማንያ አሳ

ክርስቶሳን ቤትያ ኦራ ደኡዋ

ዉርሰ ቁትያ