2 ቆሮንቶሳ

ጳዉሎስ

ቆሮንቶሳ አሳዉ

ጻፌዳ ላኤን ኪታ

ገሉዋ

ጳዉሎስ ቆሮንቶሳ አሳዉ ጻፌዳ ላኤን ኪታይ ጻፈቴዳዌ፥ ጳዉሎሳዉ ቆሮንቶሳን ደእያ አማንያ አሳና ደእያ ጋከይ ዳሮ መቱዋ ግዶ ገል ኡቴዳ ዎድያና። እት እት አማንያ አሳቱ እት እት ቶሽያ ጳዉሎሳ ቦላ ዎድኖ፤ ግዶፐነ ጳዉሎስ ስጋተ መናዉ ላሞታይ ባረዉ ደእያዋ በሲደ፥ ሄዌ ሀንያ ዎደ ዎልቃማ ናሸቻ ናሸታናዉ ዳንዳይያዋ ቆንጭሴ።

ሀ ኪታ ኮይሮ ዶመን ጳዉሎስ ቆሮንቶሳን ደእያ አማንያዋንቱና ባረዉ ደእያ ጋኮተ ቆንጭሲደ፥ አማንያዋንቱ ግዶን ደንዴዳ ቶሽያስነ ጳልቀዉ፥ እ ኡንቱንቶ አያዉ ምኖ ዛሩዋ እሜደንቶ ኦዴ። ሄዋናካ ጋደ ሀዌ አ ሴራይ ኡንቱንታ ናጋራፐ ስማዉነ ስጋተዉ ካለዳ ድራዉ፥ ስሰቴዳ ናሸቻ ኡንቱንቶ ቆንጭሴ። ካሊደ ቃይ ይሁዳን ደእያ አማንያዋንታ ማድያዋ ባረንቱዋፐ ጮ እማና ማላ፥ ኡንቱንታ ሀሳይሴ። ዉርሰ ሸምፓቱዋን ጳዉሎስ የሱሳፐ ኪተቴዳዋ ግድያዋ ቦላ ሺቄዳ ሞቶ ዛሩዋ ቃላ እሜ። አያዉ ጎፐ፥ ቆሮንቶሳ አማንያዋንቱ ግዶን እት እት አሳቱ ባረንታ ቱሙ የሱስ ኪቴዳዋንታ ከሲደ፥ “ጳዉሎስ የሱስ ኪቴዳዋ ግደና፤ እ ዎርዱዋ” ያጊደ፥ አ ሞቲኖ።

ሸምፓቱዋ ኡባቶ እመቴዳ ቃን ቆፋቱዋ

ኡባፐ ስንትያ የዉዋ

ጳዉሎሳነ ቆሮንቶሳን ደእያ አማንያዋንታ

ይሁዳን ደእያ አማንያዋንቶ እመቴዳ ማዱዋ

ጳዉሎስ ባረ ኪተቴዳ ማታዉ ኤቀታናዉ ሺሼዳ ቃላ ማርካ

ዉርሰ ቁትያ