Dawro Full Bible Ethiopic
1 ኦዱዋ 25
ጌሻ ጎልያን የጽያዋንታ
ዳዊተነ ኦላ ጋዳዋቱ አሳፋ ናናቱዋፐ፥ ሄማና ናናቱዋፐነ ይዱቱና ናናቱዋፐ ማስንቁዋን ዲንነ ዳላን ትምቢትያ ኦድያዋንቱ ኦሶ ኦናዳን ዱማዬድኖ። ባረንቶ እመቴዳ ኪታ ኦና፥ ሱንይ ማዝጋበቴዳ አሳቱ ሀዋንታ።
አሳፋ ናናይ ዛኩራ፥ ዮሴፎ፥ ናታንያነ አሳርኤላ። አሳፋ ናናይ ካቲ አዛዝና፥ ትምቢትያ ኦድያ አሳፋፐ ጋርሳና አዛዘቲኖ።
ይዱቱና ናናይ ጋዳልያ፥ ጻራ፥ ይሻእያ፥ ሽምአ፥ ሀሻብያነ ማቲትያ። ሀ ኡሱፑናቱ ማስንቁዋን ትምቢትያ ኦዲደ፥ መና ጎዳ ጋላቲድነ ቦንቺደ፥ ባረንቱ አዉዋ ይዱቱናፐ ጋርሳና አዛዘቴድኖ።
ሄማና ናናይ ቡቂያ፥ ማታንያ፥ ኡዝኤላ፥ ሻቡኤላ፥ ያርሞታ፥ ሀናንያ፥ ሀናና፥ ኤልኣታ፥ ግዳልታ፥ ሮማምትኤዘራ፥ ዮሽባቃሻ፥ ማሎታ፥ ሆቲራነ ማህዝኣታ። ሀዋንቱ ኡባይ ካትያዉ ትምቢትያ ኦድያ ሄማና ናና። ጾሳይ ካሰ እማና ጌዳዋዳን፥ ሄማና ቁ ቁ ኦና ማላ፥ ሀ ታማነ ኦይዱ አቱማ ናናነ ሄዙ ማጫ ናና አዉ እሜዳ። ሀዋንቱ ኡባይ መና ጎዳ ጌሻ ጎልያን ዳላ ቃናዉ፥ ዲነ ማስንቁዋ ዲጺደነ የጺደ ጎይናናዉ፥ ባረንቱ አዉዋፐ ጋርሳና ደኢኖ።
አሳፈ፥ ይዱቱንነ ሄማን ካትያ አዛዙዋን ደኢኖ። ሀዋንቱ ላታማነ ኦይዱ አሳቱ ዳሮ ኤራይ ደእያ አሳቱዋ። ኡንቱንቱ ዳቦቱ፤ መና ጎዳዉ የን ሎሄዳዋንታ፤ ኡንቱንቱ ኡባና ላኡ ጼታነ ሆስፑን ታማነ ሆስፑና። ኡንቱንቱ ባረንቱ ኪታ ሻክ ኤራናዉ ዳሩ ጉይ፥ አስታማሪ ታማሪ፥ ኡባይካ ላገ ሳማ የጌድኖ።
ኮይሮ ሳማይ አሳፋ ናኣ ዮሴፎ ጋኬዳ፤ እ፥ አ ናናይነ አ ዳቦቱ ኡባና ታማነ ላኡዋ። ላኤን ሳማይ ጋዳልያ ጋኬዳ፤ እ፥ አ ናናይነ አ ዳቦቱ ኡባና ታማነ ላኡዋ። ሄዛን ሳማይ ዛኩራ ጋኬዳ፤ እ፥ አ ናናይነ አ ዳቦቱ ኡባና ታማነ ላኡዋ። ኦይደን ሳማይ ጻራ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። እቼሸን ሳማይ ናታንያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ኡሱፑን ሳማይ ቡቂያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ላፑን ሳማይ አሳርኤላ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ሆስፑን ሳማይ ይሻእያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ኡዱፑን ሳማይ ማታንያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ታማን ሳማይ ሽምአ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ታማነ እተንያ ሳማይ ኡዝኤላ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ታማነ ላኤን ሳማይ ሀሻብያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ታማነ ሄዘን ሳማይ ሻቡኤላ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ታማነ ኦይደን ሳማይ ማቲትያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ታማነ እቼሻን ሳማይ ያርሞታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ታማነ ኡሱፑን ሳማይ ሀናንያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ታማነ ላፑን ሳማይ ዮሽባቃሻ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ታማነ ሆስፑን ሳማይ ሀናና ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ታማነ ኡዱፑን ሳማይ ማሎታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ላታማን ሳማይ ኤልኣታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ላታማነ እተንያ ሳማይ ሆቲራ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ላታማነ ላኤን ሳማይ ግዳልታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ላታማነ ሄዘን ሳማይ ማህዝኣታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። ላታማነ ኦይደን ሳማይ ሮማምትኤዘራ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
Dawro Full Bible Ethiopic. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.