1 ኦዱዋ

ሀኔዳባ ኦድያ ኮይሮ ማጻፋ

ገሉዋ

ሀኔዳባ ኦድያ ማጻፋቱ፥ ሳሜላ ማጻፋቱዋንነ ካተቱዋ ማጻፋቱዋን ጻፈቴዳ ታርከቱዋ ዱማ ኦግያን ኦሞዱዋን ደእያዋንቶ ላኤንደ ኦዲኖ። ሀኔዳባ ኦድያ ማጻፋቱዋን እስራኤልያ ካተቱዋ ካዉተ ታርኪ ላኡ ሁጰ ሁጰ ሻኩዋን ሻከቲደ ኦደቴዳ።

1. እስራኤላነ ይሁዳ ካዉተቱ ባይዙዋን ኩንዴዳዋንታ ግዶፐነ፥ ጾሳይ ባረ አሳዉ ገሌዳ ቃላ ኡባ ናጌዳዋነ ይሁዳን ደእያዋንቱ ባጋና ባረ አሳዉ ባረ ሀልቼዳ ሀልቹዋ ፖሌዳዋ በሳናሳ። ሀዌ ቱማ ግድያዋ ኤርሳናዉ፥ ሀ ማጻፋ ጻፌዳዌ ዳዊተነ ሶሎሞነ ኦዳ ዎልቃማ ዎልቃማ ኦሳቱዋ፥ ዮሳፌጸ፥ ህዝቂያስነ ዮስያሰ አሳ ደኡዋ ኦራጽሴዳ ኦራጽሱዋነ ጾሳዉ ምኒደ አማነቴዳ አሳ ሀኖታ ሎይደ ጼሌዳ።

2. የሩሳላመን ደእያ ጌሻ ጎልያን ጾሳዉ ጎይንያ ጎይናይ ዋኒደ ዶመቴደንቶ ኦዳናሳ። ቃይ ሄ ዎደ ጎይኑዋ ዎጋ ካለያዋንቱ ቄሳቱ ዋ ግድያ ድራዉ፥ ኡንቱንቱ ካለያ ኦሱዋ ኬይ ዋኒደ ዶመቴደንቶነ ቆንጭሳናሳ። ጌሻ ጎልያ ኬጼዳዌ ሶሎሞና ግዶፐነ፥ ጌሻ ጎልያነ ጎይኑዋ ዎጋ ኮይሮ ኤሴዳዌ ዳዊታ ግድያዋ ኦዳናሳ።

ሸምፓቱዋ ኡባቶ እመቴዳ ቃን ቆፋቱዋ

አዳማፐ ካትያ ሳኦላ ጋካናዉ

ሳኦላነ አ ናናቱዋ ሀይቁዋ

ዳዊተ ካተቱሳነ የሩሳላመ ኦይቁሳ

ዋርያና ደእያ ዳዊታ ዎታዳራቱዋ

ቃላ ጫቁዋ ታቦታይ የሩሳላመ ቡሳ

ጌሻ ጎልያ ኬጽያዌ ሶሎሞና ግዱሳ

ዳዊታ ኦላ ጾኑዋ

ዳዊተ አሳ ፓይድና ዬዳ ጾሳ ሀንቁዋ

ጌሻ ጎልያ ኬጻናዉ ሀኔዳ ጊጉዋ

ሶሎሞነ ካተቱሳ

ዳዊታ ሀይቁዋ