La Amɛ 6

Yayami pami kɛ tsami he sɔlemi

1Dabi, Nutsɔ, mo ko sa ye tue kɛ abofu. 2Moo na mi mɔbɔ, Nutsɔ, ejakaa i gbɔjɔ. Mo tsa mi, ejakaa ye nɔmlɔ tso ɔ be he wami. 3I hao nɛ i pee basaa. Ye juɛmi futu. Oo Nutsɔ, o he nɛ pee oya nɛ o tsa mi.

4Ba koo, Nutsɔ, nɛ o ba tsa mi. Mo he mi koo ngɛ o mi mi jɔmi ɔ he. 5Ejakaa ke i gbo ɔ, i be o yi nyɛe ma je ngɛ ye huɛmɛ a hɛ mi kɛ wo o hɛ mi nyami. 6I gbɔjɔ kɛ hiɔ. Nɛ ye sɔnue tsuo pɔ kɛ vo nyu, ejakaa ya nɔ nɛ i ngɛ nyɔnyɔɔnyɔ daa. 7Ya kɛ kɔmɔ kɛ haomi ha nɛ ye hɛ ngmɛ bɔni yumi; nɛ kulaa je ye he nyɛli a dɛ mi.

8Se jehanɛ ɔ lɛɛ nyɛɛ ho se ya, nimli yayamihi, ejakaa Nutsɔ ɔ nu ye ya fomi ɔ, 9kɛ kɔmɔ yemi ɔ. Nɛ e ma ha ye sɔlemi ɔ tsuo heto. 10E maa wo ye he nyɛli ɔmɛ fo nɛ e maa gbɛ mɛ ngɔ fĩa tlukaa. E ma ha a hɛ mi ma pue si nɛ a maa kpale a se kɛ zo.