La Amɛ 5

Mɔtu Sɔlemi

1Oo Nutsɔ, moo bu ye kɔmɔ yemi kɛ pɛɛ kpami ɔ tue, ye Matsɛ kɛ ye Mawu. 2Ejakaa mo pɛ nɛ i ma sɔle ma tsɛ. 3Mo nɛ i ma wo ye hɛ mi nɔ ma sɔle anɔkuale mi ma tsɛ daa mɔtu ngɛ ye hiami ni ɔmɛ a he.

4I le kaa o pi Mawu nɛ naa yi mi wami níhi a he suɔmi, ejakaa o sume yayami. 5Nɛ lɔ ɔ he je ɔ, nimli yayamihi be o hɛ mi nyɛe maa da, ejakaa o hiɔ a ni yayami ɔmɛ. 6O ma kpata a hɛ mi ngɛ a lakpa a he, ejakaa o hiɔ nɔ gbemi kɛ he nɔ womi kɛ sisimi.

7Ami lɛɛ o mɔbɔ nami kɛ o suɔmi kɛ o dloomi ɔ maa bu ye he, nɛ e ma kpaka mi kɛ ba o we ɔ. Nɛ gbeye yemi kɛ suɔmi mi nɛ i ma ja mo ngɛ.

8Nutsɔ, moo tsɔɔ mi nanema he; moo tsɔɔ mi o dami blɔ ɔ ngɛ o si womi ɔ nya, konɛ he nyɛli ɔmɛ a nine nɛ ko su ye nɔ. 9Ejakaa anɔkuale kake be a mi; a tsui mi hyi kɛ yi mi wami níhi, nɛ yayami kɛ gbenɔ ga se a woɔ. Nɛ nɔ hɛ mi pɛ a mlɔɔ, bɔ nɛ pee nɛ a nine nɛ su nɔ nɛ a ngɛ hlae ɔ nɔ. 10Oo Mawu, moo wo mɛ hiɔ; mo ha nɛ a musu nɛ tloo mɛ; mo ha nɛ mɛ nitsɛmɛ a klama amɛ nɛ a tsɔ ɔ nɛ du mɛ, ejakaa mo nɛ a te si kɛ si ɔ nɛ.

11Se mo ha nɛ nɔ tsuaa nɔ nɛ woɔ e hɛ kɛ fɔɔ o nɔ ɔ nɛ e na bua jɔmi; e nya, ejakaa mo nɛ o ngɛ e he bue. Mo ha nɛ o bua jɔmi ɔ nɛ e hyi o suɔli ɔmɛ tɔ. 12Ejakaa mo, Nutsɔ, o jɔɔ dalɔ nɛ o kɛ o suɔmi ɔ poo piɛ kɛ woɔ e he.