Skip to content
BibleKenya

Dhankavi Bible

यहोसु 16

एपरेम आरु मनश्शे गोत्राक आपला गया भाग

पछा युसुफक सन्तानक भाग चीट्ठी न्हाखने सी ठरायो गयो, ओकान सीमा योरीहो क जु यरदन नदी सी, मतलब पुर्वक तरफ योरीहो क पाणी सी सुरुवात होईन ओका बोयड़ा परला देश सी होयता, जा जंगक मा छे, बेतेलक पुगी; बेतेल सी चो लुज तक पुगी, आरु एरेकीया क सीमा सी होयता अतारोत पर जाय निकळी; आरु पश्चीम क तरफ यपलेतीयान सीमा सी उतरीन पछा नेड़ली बेथोरोन क सीमा सी होईन गेजेरक पुगी, आरु दरीया पर निकळी। तव मनश्शे आरु एपरेम नावन युसुफक दुयु पोर्‍याक भाग लेदा।

एपरेमक भाग

एपरेमियो क सीमा उनाक कुलक अनसारे यी ठरी; मतलब उनाक भाग क सीमा पुर्व सी सुरुवात होईन अत्रोतदार सी होयता होया ऊपरवाळा बेथोरोन तक पुगी; आरु उत्तरी सीमा पश्चीमक तरफ मिकमतात सी सुरुवात होईन पुर्व क तरफ फिरीन तानतशीलक पुगी, आरु ओ हकान जु होयत यानोह तक पुगी; पछा यानोह सी चो अतारोत आरु नारा क उतरीन हुई योरीहो क जु होईन यरदन पर निकळी। पछी ची सीमा तप्पुह सी निकळीन, आरु पश्चीमक तरफ जाईन, काना क नाला तक होईन दरीया पर निकळी। एपरेमियोक गोत्राक भाग उनाक कुलक अनसारे यी ठरी। आरु मनश्शेइयोक भागक वीचमा भी कोय एक नगर आपना आपना गाव समेत एपरेमियोक करता अलग कर्‌या गया। पुन जु कनानी गेजेर मा रयता हुता उनाक एपरेमिया चा रईन नी निकाळ्या; एरकरता चा बेगारी मा दासक समान काम करता छे।

Dhankavi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.