Hê-bơ-rơ 6

1Vii anưq, tuôôy heq ka'lăk pi atêq apok đaauq duh dik truh Lôôk Wơơt Dêh, haay duh pheq tawaak truh varơuq kôt xet, leh lâp hlê varơuq kahnier truh varơuq rawiit xuum chuh klơlh kaluh varơuq dơơp kaxêêt, truh xuum tuôq aduq Kơy plêêk, 2pato dayq truh pheep bap-tem, kaah varơuq xôq ti hloay varơuq riirh hlê ku adro kaxêêt, ji varơuq xưh xadrah đơơy đơơy. 3Haay hnoq dơơp varơuq nưq atoh Kơy Plêêk ăm pheep. 4Vii nưq laa varơuq leh dơơp ik — đôôyq dii khơl adro heq hmưq jah luh tađnah, kung dii hmưq nhonq vanong kaxay xing plêêk, jêêk vlôh dro jưq phon đom Lôôk Phool Hiel 5ji nhemq xet apok tolh kaxay ku Kơy Plêêk kung kaluh taay yaak ku đơơy xanưm jeq truh 6đơu gưlh lôp — xôq laay 'meq hlê khơl adro nưq wih truh varơuq wiit xuum, tuôôy đongq đing Koot Kơy Plêêk ka oot muuyq yưk tra, ji ăm hloq dơơp kamưưl Kadraq. 7Vii muuyq wơơng vari, tuôôy heq 'nharum voq daak jit 'ngưng yưk jit pôôt tol ni ji vlok vlôh raak play tolh kaxay ka khơl kadrơy, 'ngưq laa ăm khơl leq dơơp pêêt ni, yôôych e phon đom vanong kaxay xing Kơy Plêêk, 8Măn tuôôy vlok gay jaliê ji rek, yôôych wơơng vari nưq laa thưq vih ka'lăk ji jeq đaji muuyq varơuq karoay axaap, đơu aduq lôôch dik ku ni laa deng ka ôôlh vuh jaq.

9Bơh truh oh ay, khơl dro jah xung xiaq, hloay kaah tuôôy đnooy đanưq, 'wot heq jah tuôq kajưk truh kaluh varơuq kaxay tamaq iaq ji ham tađnưk vanong wơơt xok. 10Vii Kơy Plêêk leh aalq laa leh hyioh jăk xôq yôôch tawol varơuq dơơp ku oh ay, kung xuum xung xiaq đơu oh ay heq kahnoq vlôh ka yal Kadraq, tuôôy hmưq hơu varơuq khơl vah ji juneq kung măn hơu varơuq oot. 11Bơh 'Wot thier trôôch tôôy dro đom oh ay kahnoq vlôh xuum talăng jăk đanưq, wih truh varơuq tuôq kajưk dêq hloay truh xuum takôô gamưh ku oh ay dong truh lôôch dik, 12xôq ka oh ay leh jêêk vlôh khơl adro alah, bơh laa khơl dro dơơp tyauq kaluh ramil gamưh xuum tuôq ji xuum atuq đơu nhonq jah apok tavek.

13Vii Kơy Plêêk, tuôôy tavek dii Ap-ra-ham, bơyh kơq Kadraq be e kơyq kôt iaq xôq gamưh muut đơu paleek, yôôych heq paleek gamưh muut kadih Kadraq, 14đaneq: “Vii kajưk dik laa atoh kahniq vanong, Gô hnoq uk vanong pôôt tol koot, ji atoh ja athêêp, Gô hnoq khienq koot athêêp 'ngưng tok.” 15Jo nưq, atêq tuôôy xuum atuq takôô, kơy heq nhonq jah apok tavek nưq. 16Vii khơl kadrơy paleek bơơn kach gamưh muut muuyq akơyq nưq kôt iaq oot, ji đôôyq dii oot, aduq payôôch tôôy varơuq tagoa jarooy truh aduq 'yo nhonq jơq laa apok paleek, 17vii kach nưq, tuôôy xung kahnoq vlôh kach raah jôh iaq đnoyq ka khơl dro dưk katôôl apok tavek truh varơuq leh tađôôy ku iq đinq Kadraq, yôôych Kơy Plêêk heq dơơp xanưk muut bơơn muuyq apok paleek 18xôq ka gamưh vaarq varơuq be tađôôy nưq, truh vaarq varơuq nưq leh kach leq xôq Kơy Plêêk đnooy pa ôôh, haay, laa khơl dro charơơk truh aduq du moq, hnoq ik e jah varơuq ahmưk nhăk kalh paraat xôq jư kajưk xok xuum takôô gamưh đong xôq kangưưr haay; 19'ngưq laa xuum takôô gamưh đơu haay jah xok đaji muuyq poop neeo ka phool hiel, vơơ hrok hrol vơơ kajưk dik, ji hooy muut pi 'lăp bơk maang, 20aduq đơu Lôôk Jê-xu heq hooy muut đaji muuyq Kơy hooy adroyq thay ka haay, atêq tuôôy jêêk vlôh thơy tơơk tưp kôt dong truh đơơy đơơy tyauq adrơơk Mên-chi-xê-đeek.