Kông-vuq 23

1Tuôôy nưq, atêq tuôôy 'yo anhinq muut tayuup karôp, Phao-lô đnooy: “Wơơy khơl oh ay, wơơy khơl oh ay, gô heq riirh kangưưr Kơy Plêêk dii dêq xuum klaak pa xarêh dong truh hngơy neng.” 2Bơh thơy tơơk tưp kôt A-na-nia đnooy dăt ka khơl manih dưk jeq kơy pađa muut huuy kơy. 3Muut tuôôy neq, Phao-lô đnooy dii kơy nưq: “Apưt biq tôô ko hơq, Kơy Plêêk xarôp đnayh kơy! Kơy 'ngôôy xưh xadrah gô tyauq ganuun, đơu vlôh tanưưl xôq gô biq tiel trăk ganuun aleq?” 4Lunư, khơl manih dưk gah nưq đnooy: “Kơy đong đnooy ra ơơh thơy tơơk tưp kôt ku Kơy Plêêk ih?” 5Phao-lô đnooy: “Wơơy oh ay, gô heq leh xet đaneq kơy nưq laa thơy tơơk tưp kôt. Vii heq e valơk đaneq: ‘Xăk te đnooy varơuq xơk dii dro dưk xanok tamooy haay.’”

6Nưq yôôch, tuôôy nhonq hloq đaneq muuyq bing laa manih Sa-đu-sê, măn bing hơq laa manih Pha-ri-si, Phao-lô heq đnooy kôt apok katul Tayuup Karôp, đaneq: “Wơơy oh ay, wơơy khơl oh ay, gô laa muuyq dro Pha-ri-si, koot ku manih Pha-ri-si; Gô đong biq xưh xadrah apiq truh varơuq takôô gamưh ji varơuq riirh hlê ku adro kaxêêt.” 7Tuôôy nưq, tuôôy kơy đnooy varơuq neq, yôôych muuyq varơuq takaay tayaat xalih vlôh katul manih Pha-ri-si ji manih Sa-đu-sê, yôôch manih karôp biq aklah bing vlôh. 8Vii manih Sa-đu-sê đnooy đaneq leh e varơuq riirh hlê, kung leh e yaak plêêk long kaluh yaak, bơh manih Pha-ri-si yôôych châp nhonq dêq vaarq varơuq nưq. 9Lunưq, xarooy laa ook tachơơl tarok 'nhih xalih vlôh, ji atêq tuôôy dưk tok, muuyq sôôq thơy pato ganuun thuôk bing Pha-ri-si tagêh, đaneq: “'Wot be hloq e kadrôôp xơk kajoq aduq manih neq. Đơu xet 'leq, muuyq yaak long muuyq yaak plêêk heq xanoh kung kơy nưq …” 10Ji yôôych, tuôôy takaay tayaat kang vlôh diik miik, padrok xakaq kuun, vii biit yôq leh kheoq Phao-lô hnoq biq oot chieh chek, heq đnooy dăt ka bing kuun hooy pôôt tagoa xok kơy xing katul đom oot, katuôôy xagook kơy xuq đôôn.

11Bơh, muut klôôy hngơy atêq, tuôôy truh pi gah kơy: Lôôk xanoh: “Dayh kajưk xuum vii koot heq dơơp xanưk truh Gô đaleq aduq Jê-ru-sa-lem, yôôych varơuq duh dik ka koot kung laa dơơp xanưk đanưq aduq Rô-ma.”

12Nưq yôôch truh xaroq, atêq tuôôy xôq vih kung mamuuyq, taleq dro Jo Thaiq kadih paleek đôk, đaneq leh xa kung be hôôch dong truh tuôôy bing oot păk kaxêêt jah Phao-lô. 13Tuôôy nưq, e 'ngưng iaq poot kưl dro xôq vih neq, 14đơu tuôôy truh dii khơl thơy tơơk tưp kôt ji khơl draq lơơk, oot tơơl: “'Wot heq paleek đôk muuyq apok karoay axaap kadih 'wot xôq leh xa kajoq dong truh tuôôy 'wot păk kaxêêt jah Phao-lô. 15Vii anưq, juneq, xiin khơl kơy kung Tayuup Karôp vlôh mot kangưưr padrok xakaq kuun, đaji laa đong đinq vôôch axek dong hlolh iaq kaluh dong varơuq apiq truh ni, xôq kơy nưq hnoq ik jarooy ni pôôt ka khơl kơy. Măn 'wot yôôych karauq xôq păk kaxêêt ni adroyq tuôôy ni truh aduq.” 16Bơh koot kanau ku ay kadrê Phao-lô, vii heq tameng truh xôq vih takôô karauq, lunưq atêq tuôôy truh ji muut đom đôôn, heq tauq hêêl neq ka Phao-lô. 17Nưq laa, tuôôy heq taayh muuyq đom khơl adro padrok hlê, Phao-lô đnooy: “Xiin jarooy nhu tadăp blaay neq truh dii padrok xakaq kuun, vii nhu e varơuq padoh taboon ka kơy nưq.” 18Nưq, atêq tuôôy jarooy nhu tyauq, adro padrok heq jarooy nhu truh tavơh kơy padrok xakaq kuun ji tơơl: “Adro tu Phao-lô, atêq tuôôy taayh gô, heq gamưh gô jarooy nhu tadăp blaay neq truh ka kadraq, vii e varơuq pheq đnooy dii kadraq.” 19Nưq laa, atêq tuôôy heq rôp ti nhu ji hruy muut aduq đê đêh, dro padrok xakaq kuun vôôch: “Varơuq đơu nhu e xôq padoh tauq ka gô laa kajoq?” 20Tuôôy nưq nhu tơơl đaneq: “Khơl manih Jo Thaiq heq athêêk muuyq xuum dăt kadraq aleq ka hngơy dơh kadraq hnoq ik jarooy Phao-lô pôôt ka Tayuup Karôp, đaji đong đinq vôôch 'yo dong hlolh iaq truh kơy nưq. 21Jo nưq, xiin kadraq te xôq biq bing oot xok xuum, vii iaq poot kưl dro đom sôôq oot đong klôônq du ring kôô kơy nưq, laa khơl adro heq kadih paleek đôk leh xa kung be hôôch dong truh tuôôy păk kaxêêt jah kơy. Hloay juneq oot đong ralauq 'miêh, takôô varơuq châp nhonq xing kadraq.” 22Anưq, padrok xakaq kuun ăm nhu tadăp blaay vlôh xuq, đnooy dăt nhu: “Te ăm kơyq xet đaneq nhu heq đnooy taboon ka gô kaluh varơuq neq.” 23Atêq tuôôy taayh vaarq dro padrok hơq, kơy dăt: “Dayh palauq ralauq vaarq hreek bing kuun kung dii pơh kưl acho ôô ahleh ji vaarq hreek kuun adrơk maak dơơp aleq ka bing kuun hnoq ik dưk hooy truh Sê-sa-rê muut wat thưq pe klôôy neng,” 24katuôôy atăq ăm ôô acho xôq ka Phao-lô 'ngôôy tok, bing hnoq ik xagook kơy nưq hrok hrol truh padrok dêh Phê-lit, 25đom tuôôy heq valơk hla thư e đnooy varơuq luneq:

26“Kơ-lôt Li-sia atăq kơy padrok Phê-lit đangq vado: Apok vôôch hlơq kul vado. 27Adro neq, atêq tuôôy biq rôp xing manih Jo Thaiq ji jeq biq oot păk kaxêêt, yôôych gô heq wơơt tuôôy truh talaap kung dii bing kuun, vii xet ik đaneq adro nưq laa manih La Mah. 28Katuôôy, vii xung xet truh apok rôp kadrôôp đơu xing nưq oot rôp xadrah kơy nưq, gô heq jarooy kơy nưq pôôt ka Tayuup Karôp ku oot, 29đơu gô hloq kơy nưq biq rôp xadrah apiq truh kaluh varơuq tagêh truh ganuun ku oot, bơh be e rôp xadrah leq đangq kaxêêt long rôp karuk. 30Nưq yôôch, atêq tuôôy muuyq xôq vih hnoq xalih vlôh tachơơl dii manih neq jah tauq vlôh ka gô, gô heq vơơ hloay jarooy adro nưq truh kadraq, tuôôy kung đnooy dăt ka khơl manih atok xadrah pheq đnooy rôp xadrah adro nưq kangưưr kadraq.”

31Anưq, khơl bing kuun, tyauq apok tanưưl jah đnooy ka oot, atêq tuôôy jarooy Phao-lô tyauq, heq jarooy kơy hooy đom ka klôôy truh An-ti-ba-tri. 32Yôôch hngơy atêq, oot wiit xuq đôôn, tuôôy heq xôq bing kuun ôô ahleh hooy đnoyq kung kơy, 33đơu bing kuun neq, tuôôy heq muut đom theng Sê-sa-rê ji atăq hla thư ka padrok dêh, yôôych kung heq xagook vlôh Phao-lô ka kơy nưq. 34Tuôôy nưq, atêq tuôôy đok thư ji vôôch kơy e pa iir xing dêh leq, yôôch tuôôy heq xet laa katu măn Si-li-si, 35padrok dêh đnooy: “Gô hnoq xưh xadrah kơy tyauq ganuun tuôôy khơl manih rôp xadrah kơy kung truh đnen”, yôôch dăt xôq kơy jah karuk jư đom hnhư vuua ku Hê-rôt.