Skip to content
BibleKenya

Cua Bible Literal Text

1 Kô-rinh-tô 12

Măn truh kaluh vanong danưng kooy, wơơy oh ay, gô leh xung oh ay be xet kajoq. Oh ay xet đaneq tuôôy oh ay măn laa manih koq tuôq, oh ay heq biq jarooy tyauq kach leq nưq, tuôôy biq adô aluut wih truh kaluh vangưl hôp. Vii anưq, gô kahnoq ka oh ay xet đaneq leh kơyq đnooy vlôh bơyh Kơy Phool Hiel ku Kơy Plêêk đơu laay đnooy: “Jê-xu laa adro đangq karoay axaap!”, ji atoh leh bơyh Kơy Phool Hiel, be kơyq hnoq ik xưng nhonq “Lôôk Jê-xu laa Lôôk.”

Panưh kadrơy, e 'ngưng varơuq đêh raa truh kaluh vanong, bơh kung muuyq Kơy Phool Hiel. E 'ngưng varơuq đêh raa truh kaluh varơuq hơu varơuq, đơu kung muuyq Lôôk. E 'ngưng varơuq đêh raa truh kaluh varơuq dơơp, đơu kung muuyq Kơy Plêêk, laa Kơy dơơp tôôy varơuq đom tôôy adro. Bơh varơuq kahnoq vlôh ku Kơy Phool Hiel jah kahniq ka tôôy adro xôq taway hlê ich lơơy achung. Vii gamưh Kơy Phool Hiel, apok khôôt xet jah kahniq ka adro neq, măn apok hlolh xet jah kahniq ka adro hơq tyauq kung muuyq Kơy Phool Hiel nưq; bơyh kung muuyq Kơy Phool Hiel xuum tuôq jah kahniq ka adro neq, măn vanong payơh bingq jah kahniq ka adro kadrơy bơyh muuyq Kơy Phool Hiel nưq, yôôch ăm adro neq, kaluh varơuq dơơp taay yaak; ăm adro hơq, apok đnooy hlit; ăm adro kadrơy, e paraat kahra xet kaluh yaak; ăm adro kadrơy, kaluh kiêuh thưq apok xarooy đêh mamuuyq; đơu ăm adro kadrơy đnoyq, varơuq padoh hlolh kaluh thưq apok. Bơh vơ muuyq heq ji kung muuyq Kơy Phool Hiel dưk dơơp tôôy varơuq nưq, tuôôy ahlook kaluh nưq kach đêh raa ka tôôy adro xatyauq iq Kadraq trôôch.

Vii dang đaji xăk laa muuyq đơu e 'ngưng chi thêêh, măn dêq hloay kaluh chi thêêh ku xăk, ju e 'ngưng, yôôych vơ laa muuyq xăk; Lôôk Wơơt Dêh kung đanưq. Vii dik bơyh muuyq Kơy Phool Hiel, dêq hloay haay jah dơơp bap-tem muut đom muuyq xăk, ju laa manih Jo Thaiq long manih Hi Lap, ju laa xapok long rayơh rayơơy, yôôych dêq hloay jah khienq ăm hôôch muuyq Kơy Phool Hiel. Jo xăk leh aalq laa muuyq chi thêêh, bơh laa 'ngưng chi thêêh. Atoh jôôk đnooy: “Vii gô leh aalq laa ti, lunưq gô leh thuôk xuq xăk,” yôôych leh ik vii kơq nưq ni leh thuôk xuq xăk. Ji atoh đaji tôôr đnooy: “Vii gô leh aalq laa mot, lunưq gô leh thuôk xuq xăk,” yôôych leh ik vii kơq nưq đơu ni leh thuôk xuq xăk. Atoh padêq xăk laa kalook mot, yôôych varơuq tameng măn 'leq? Atoh padêq xăk laa troop tôôr, yôôych varơuq hiip măn 'leq? Lunưq, wih hlê, Kơy Plêêk heq ralauq xôq kaluh chi thêêh đom xăk, tưng poop muuyq đom sôôq oot, xatyauq iq Kadraq trôôch. Măn atoh dêq hloay 'miêh laa muuyq chi thêêh, yôôych xăk măn 'leq? Đơu bơyh đanưq, long 'ngưng chi thêêh, bơh vơ muuyq xăk. Panưh kadrơy, mot be hnoq ik đnooy dii ti: “Gô leh e varơuq duh truh ay”, long akoq kung anưq đôôyq dii jôôk: “Gô leh e varơuq duh truh ay.” Wih hlê, kaluh xăk xamơk đom xăk e veeh đaji laa pơh pơơl iaq yôôych laa varơuq duh kang iaq; Ưng phon leq đom xăk đơu haay hloq e veeh laa tâm thương iaq yôôych haay deng ka oot varơuq vado kôt iaq; ji kaluh chi thêêh leh kaxay ku haay yôôych e varơuq tadi rayoa 'ngưng iaq, măn kaluh chi thêêh heq tamaq ku haay yôôych leh e varơuq duh nưq. Lunư, Kơy Plêêk heq gariit hlê xăk dii mamuuyq, kahniq athêêp varơuq vado ka apoop leq axit jah vado, xôq ka leh e varơuq aklah vlôh đom xăk, bơh đơu kaluh chi thêêh kung tabông truh mamuuyq. Atoh muuyq chi thêêh biq jiq, yôôych dêq hloay kaluh chi thêêh kung chiuq; atoh muuyq chi thêêh jah vado, yôôych tôôy chi thêêh kung hlah dii ni. Panưh kadrơy, oh ay laa xăk xamơk ku Lôôk Wơơt Dêh, ji laa kaluh chi thêêh ku tưng phon đêh raa. Kơy Plêêk heq đinq xôq muuyq sôôq adro đom tayuup vah, adroyq dik laa khơl jah rơơlh, thưq vaarq laa khơl hlit, thưq pe laa khơl thơy pato, yôôch truh kaluh pheep akêh, atêq nưq laa kaluh vanong payơh bingq, waak, dưk 'yo xakaq, ji kaluh kiêuh thưq apok xarooy đêh mamuuyq. Be aleq dêq hloay laa khơl jah rơơlh? Be aleq dêq hloay laa khơl hlit? Be aleq dêq hloay laa thơy pato? Be aleq dêq hloay raay dơơp pheep akêh? Be aleq dêq hloay e vanong payơh bingq? Be aleq dêq hloay đnooy apok akêh? Be aleq dêq hloay padoh hlolh ik? Bơh dayh dêq xuum xung trôôch kaluh vanong kôt lơyq iaq. Măn hloay juneq, gô pato ka oh ay hloq muuyq poop trôôk tơơl dal iaq.

Cua Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.