Ishipa 54

Avasa a̱ kula̱nsa̱ uɓa̱nki ekiye a irala i va̱

Kadanshi a kubana u vuza vu kelime vi ishipa: A yaꞋan vu ɗa n aꞋin a umolu. VicuꞋu vu tsuwaꞋi tsu Dawuda. Ana vuza va aza a Zefata u banai u danai Shawulu <<Dawuda ɗa wi usheɗeki wa̱ tsu ba?>>

1Ka̱shile, wawa mu n utsura u kula ku nu,

vu bonuko mu vuza vu babu unushi

n utsura u nu.

2Ka̱shile, Pana avasa a̱ va̱,

vu pana kadanshi ka una̱ ka̱ va̱.

3Omoci a̱ tuka̱ mu ta̱ n kuvon.

uma a gbani-gbani i ta̱ a̱ kula̱nsa̱ mu una.

ele ɗa aza a na e yevei a na Ka̱shile ki lo ba. Kuvuka

4N yeve ta̱ Ka̱shile kaꞋa ka̱ɓa̱nki ka̱ va̱.

Vuzavaguɗu ɗa wi a̱ kula̱na̱ mu.

5Ka̱shile ki ta̱ a kutakacika irala i va̱ tsu ka gbani-gbani ke le,

Wi ta̱ a ku una le adama a na a̱yi vuza vu usuɓi ɗa.

6N ucigi u ka̱ɗu mi ta̱ e kuneke wu alyuka,

mi ta̱ a kucikpa wu, Vuzavaguɗu,

adama a na ta ugaꞋin nannai.

7Adama a na wu ere mu ta̱ a̱ ubuta̱ wa atakaci a̱ va̱ ra̱ka̱,

ɗa me enei o lokoi irala i va̱.