Ishipa 142

VicuꞋu vu tsuwaꞋi tsu Dawuda. Avasa a Dawuda a makyan ma na wi a kaɓatsu.

1Vuzavaguɗu, wa̱ nu ɗa n shika̱i ka̱u,

n ɗa̱ngusa̱i ka̱la̱ka̱tsu ka̱ va̱

u Vuzavaguɗu u pana asuvayali a̱ va̱.

2M banka ta̱ m mavura ma̱ va̱ wa̱ ni ra̱ka̱,

n danai ni atakaci a̱ va̱.

3Ana utsura u va̱ u kotsoi,

avu ɗa vu yevei uye u va̱.

A uye u na mi a nwalu,

irala i va̱ i zuwakai mu maza usokongi.

4La̱na̱ku usingai u va̱ ka̱ta̱ vu ene,

ko vuza u zuwaka nu mpa ba.

mi n ubuta̱ u kusheɗeku ba,

ko vuza u la̱na̱ mu ba.

5Vuzavaguɗu, n shika̱ ta̱ wa̱ nu,

n danai, <<Avu ɗa ubuta̱ u kusheɗeku u va̱,

upecu u va̱ a iɗika ya aza a wuma.>>

6Pana ma̱shi ma̱ va̱,

adama a na mi ta̱ a kutakpa asuvu.

Isa mu ekiye aza a na i a kutakacika mu,

adama a na a laꞋa mu ta̱ utsura.

7Uta̱ka̱ mu a̱ kunu ku ugbashi,

adama a na n cikpa kula ku nu.

Aza a usuɓi i ta̱ a̱ kuka̱ra̱Ꞌa̱ mu

adama a na vi ta̱ a kuyaꞋanka mu kasingai ka̱u.