Hosiya

Hosiya

Kuɓa̱yuwa̱

Keniki Hosiya u yaꞋan ta̱ ulinga u ni a uɓon u gaɗi wi iɗika ya aza a Isaraila, ana Keneki Emosu u kotsoi ulinga u ni a ayin a atakaci kafu Samariya u yikpa̱ a̱ ka̱ya̱ ka 721 BC. Ili i na u zuwakai katsura kudansa i ɗaɗa ukuna u kutono ka̱ a̱ma̱li ku uma a nanlo koɓolo n ukpa̱ɗi u kuneke a̱ɗu u le u Ka̱shile. Hosiya u gisanki ukpa̱ɗi u kuneke wa̱ a̱ɗu u nampa derere n yolo i ni i na u yaꞋin n vuka vu ukpa̱ɗi u kushiya kaci. Derere tsu na vuka vi ni Goma u kpa̱ɗa̱i kusuɓa̱ yi, nannai ɗa uma a̱ Ka̱shile a̱ ka̱sukpa̱i Vuzavaguɗu. Adama a ukuna u nampa, afada i ta̱ a̱ kuta̱wa̱ wa aza a Isaraila. N nannai dem a kubana a uteku, ucigi u gbayin u Ka̱shile wi ta̱ a kuyaꞋan ulinga, ka̱ta̱ u bonoko iɗika ya kpamu wa̱ ni ali ucigi wa u lyaꞋa kelime feu. Ucigi u nampa u yotsongu ta̱ u ɗa a̱ ubuta̱ u kuyaꞋan kadanshi, <<Nini ɗai n kuka̱sukpa̱ ɗa̱, a̱ɗa̱ aza a Isaraila? Ka̱ɗu ka̱ va̱ ka̱ kuka̱sukpa̱ mu n yaꞋan nannai ba. Ucigi u va̱ a kubana wa̱ ɗa̱ wi ta̱ n utsura ka̱u.>> 11:8.

Ukuna u Katagarda ka nampa

Yolo i Hosiya n limata i ni 1:1-3, 5 Akaka a wuya a kubana wa aza a Isaraila 4:1-1; 3:16 Akaka a kucinukpaka ku unushi n uzuwakpani 14:1-9.