2 Samaila

Katagarda ka Ire ka

SAMAILA

Kuɓa̱yuwa̱

E yeve vuza na u ɗanai katagarda ka nampa ka ba. Ama o goɗumo o yotsongu ta̱ a ɗana ta̱ kaꞋa a̱ya̱ amangatawunkuci n kamangankupa (930) kafu umaci u Yesu, megeshe kenu ana Dawuda u kotsoi tsugono.

Ana Dawuda u lyaꞋi Urushelima n kuvon, ɗa u bonokoi likuci ya yo okpoi likuci i gbayin yi iɗika yi Isaraila. Ɗa kpamu u ɗikai Akpati vu Uzuwakpani vu Ka̱shile u zuwai punu.

Katagarda ka ka shamgba adama a ukuna wu ulyaꞋi u Dawuda koci ba, ama ɗa ka lyaꞋi kelime n kadanshi ku ukuna wa atakaci a na a̱ ciya̱i Dawuda, a̱ ubuta̱ wu unushi u na u yaꞋin m Betusheba vuka vu Uriya koɓolo n ugbamukaci u na Abusalom kolobo ka̱ ni ka yaꞋankai ni. 15:1--18:18.

Ili i gbangam i na katagarda ka ka yaꞋin kadanshi i ɗaɗa ukuna u tsumani tsu Dawuda mogono. Ko a na wo okpoi Dawuda mogono maꞋa, a ayin a na baci de dem u yaꞋin unushi, u tsu dakaka ta̱ adama a na u shika̱ unushi u ni ka̱ta̱ kpamu wu ushuku n atakaci a̱ Ka̱shile.

Ili i na yi punu udari a katagarda ka nampa.

Tsugono tsu Dawuda wa aza a Yahuda 1:1--4:12.

Tsugono tsu Dawuda wa aza a Isaraila ra̱ka̱ 5:1--24:25.

a. A̱ ka̱ya̱ ku ugiti 5:1--10:19.

b. Dawuda m Betusheba 11:1--12:25.

c. Igbandarishi n atakaci a Dawuda 12:26--20:26.

b. A̱ya̱ a na a lazai o tsugono tsu Dawuda 21:1--24:25.