Sam 1

Tami kathout hoi tamikalannaw e lamthung

Kasakkung: Panuekhoeh

1Tamikathoutnaw e khokhangnae koe ka cet hoeh e tami,

tamikayonnaw e lamthung dawk kangdout hoeh e tami,

kadudamnaw e kamkhuengnae koe hai ka tahung hoeh e tami,

2BAWIPA e lawk ka ngâi niteh,

a kâlawknaw hah karum khodai luepluep ka pouk e tami teh a yawhawi.

3Ahni teh tui teng vah ung e,

a tue a pha torei ka paw niteh,

a hna hai kamyai hoeh e thingkung hoi a kâvan.

A tawksak e naw dawk hawinae a hmu han.

4Tamikathoutnaw teh, hottelah laipalah,

kahlî ni a palek e cahik hoi a kâvan awh.

5Hatdawkvah, tamikathoutnaw teh, lawkcengnae hnin navah kangdout thai awh mahoeh.

Tamikayonnaw hai tami kalannaw e kamkhuengnae dawk bawk thai mahoeh.

6Bangkongtetpawiteh, BAWIPA ni tami kalannaw e lamthung teh a panue.

Tamikathoutnaw e lamthung teh rawknae koe a pha han.