La Bu 3

Pathen'a Kingaina Le Bitna

David lengpa'n achapa Absolom'a konna ajammanga alasem

1O Yahweh Pakai, idia eisulam vaiding mi pung jing hitam! eidou din mi tamtah akipandoh tauve.

2Ama kihuhdoh na hi Pathen a aumpoi tin kalungthim in mi tamtah in aseijui. Selah.

3Ahinlah Yahweh Pakai, nang hi eiveng tup, kalum'a kisoung nahi; Ka loupina le khodah ngam-a, gal jona eipeh jing nahi.

4Keima O sangtah in Yahweh Pakai henga kataovin, Aman alhang thenga kon'in eihin donbut tai. Selah.

5Keima kalum'in ka-imu jin; Yahweh Pakaijin eichin tup'a eihoidam jeh in, kajing-thou kit tai.

6Keima doudin mihem sangsom sangjan ei umkimvel jongleh kichakit taponge.

7Hung thoudoh in O Yahweh Pakai; neihuhdoh'in, Pathen ka Pathen: Eidou hojouse khagu eivohchipeh in; nangma migilou ho hahemtah jong vopul soh ji nahi.

8Huh hingna hi Yahweh Pakai a kon bou ahi: Na phattheina jong namite chunga aum'e.