PATHEN LEKHABU THENG
La Bu 150
Yahweh Pakai Vahchoijun
Yahweh Pakai chu thangvah na peuvin! Pathen chu Hou-In'ah thangvah'un, Avan chung thahatna mun nah thangvah'un!
Athilbol thahatna kidangtah jeh in ama chu thangvah'un, aletna seijoulou jeh in thangvah'un!
Sumkon gin kithong pum'in vahchoijun, theile mut selangdah saito thon thangvah'un!
Khopi ginleh lam pum'in vahchoijun, kuli leh tumging theito thon thangvah'un!
Khong gintoh thon thangvah'un, Khong gin kithong gimneitah chuto thon vahchoi jun,
Haina hu neijousen Yahweh Pakai thangvah na la sauvin! Yahweh Pakai chu thangvah'in umhen!
PATHEN LEKHABU THENG. Copyright © 2020 Chongthu Bible Translation Team. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.