1 Samuel

SAMUEL

LEKHABU KHATNA

Samuel Lekhabu Khatna Sung Thu Umdan

Samuel lekhabu tenia hin, tukhang idinmun utoh kitoh in thil phabep aum'in ahi. Hatsahna le lungsatna ato hou na simdoh akon nangman jong thil tampi na lamdoh thei ding—chule hinkhoa hin Pathen beijin ima ahi theipoi, ti nahetdoh ding ahi. Chujongleh Pakai, Pathen hi amite chunga akitah jinge, ti Samuel lekhabu khatna hin aphong doh e.

Hiche lekhabu nasim akon a hi Israel te chunga vaihom lamkai chu Pathen mi ham ahilouleh Pathen mi hilou ham, ti na hetdoh ding ahi. Hiche lekhabua hin Saul lengpa le David lamkai ahina lhon akibah louna aum'e, ti kicheh tah in aseijin ahi. Hinlah ani lhon’a Pathen thaonu chang ahi lhon'in chule thil tampi jong atongdoh lhon'in ahi. Chujongleh ani lhon'in alosam kit lhon'in, chonset achun alhalut lhon tai. Hiche lamkai teni kah a akikhehna lhon hi ipi pen ham? Saul chun achonset aselmang kigon, David chun kisih a lunghei ding, atin ahi.

Koima achamkim aumpon, ibonchauvin ilhasam sohkeiyun, ahin hiche lhahsamna chu hinkhoa thusim achaina ahipoi. David banga lungput dalha a Pathen henga kile kit ding phajo ham, ahilouleh Saul banga mihem maivea chonset phondoh louding phajo ham? Hiche teni lah a hi hoiche pen nalhen ding ham? Hiche ivetkah teni uva kon a hi hoiche nalhen’a chule hoiche pen na peldoh ding ham?

Lekhabu Jihpa Chule Akijih Kum

Koipen in ajih ham ti akimin phah pon ahi. Hinlah Samuel themgao, Nathan le Gad in hiche thucheng jouse hi ana khol khom uva (1Chro. 29:29), hichu Samuel Khatna le Samuel Nina a kigom khom ahi.

Hiche lekhabu hi 925 BC vel’a kijih hidin ginchat ahin, chule sahlam le lhanglam kihop khen jou 930 BC vel’a ana kijih ahi.