Biblica® सुतंतर समकालीन छत्तीसगढ़ी अनुवाद
भजन-संहिता 136:1
Verse 1 is marked below, with the whole chapter around it. Read from the start
यहोवा ला धनबाद देवव, काबरकि ओह बने अय।
ओकर मया हमेसा बर बने रहिथे।
ईस्वरमन के परमेसर ला धनबाद देवव।
ओकर मया हमेसा बर बने रहिथे।
परभूमन के परभू ला धनबाद देवव:
ओकर मया हमेसा बर बने रहिथे।
ओकर छोंड़ अऊ कोनो बड़े-बड़े अद्भूत काम नइं करंय,
ओकर मया हमेसा बर बने रहिथे।
जऊन ह अपन समझ से अकास ला बनाईस,
ओकर मया हमेसा बर बने रहिथे।
जऊन ह पानी के ऊपर धरती ला फईला दीस,
ओकर मया हमेसा बर बने रहिथे।
जऊन ह बड़े-बड़े अंजोरमन ला बनाईस—
ओकर मया हमेसा बर बने रहिथे।
जऊन ह दिन म परभूता करे बर सूरज ला बनाईस,
ओकर मया हमेसा बर बने रहिथे।
जऊन ह रथिया ऊपर परभूता करे बर चंदा अऊ तारामन ला बनाईस;
ओकर मया हमेसा बर बने रहिथे।
ओला धनबाद देवव, जऊन ह मिसर देस के पहिलऊठामन ला मार डारिस,
ओकर मया हमेसा बर बने रहिथे।
अऊ ओमन के बीच ले इसरायलीमन ला निकाल लानिस
ओकर मया हमेसा बर बने रहिथे।
सक्तिसाली हांथ अऊ बढ़े हुए बाहां के दुवारा निकाल लानिस;
ओकर मया हमेसा बर बने रहिथे।
ओला धनबाद देवव, जऊन ह लाल-समुंदर ला अलग-अलग कर दीस
ओकर मया हमेसा बर बने रहिथे।
अऊ इसरायलीमन ला येकर बीच म ले पार करवा दीस,
ओकर मया हमेसा बर बने रहिथे।
पर फिरौन अऊ ओकर सेना ला लाल-समुंदर म बुड़ा दीस;
ओकर मया हमेसा बर बने रहिथे।
ओला धनबाद देवव, जऊन ह निरजन प्रदेस म अपन मनखेमन के अगुवई करिस;
ओकर मया हमेसा बर बने रहिथे।
ओला धनबाद देवव, जऊन ह बड़े-बड़े राजामन ला मार डारिस,
ओकर मया हमेसा बर बने रहिथे।
अऊ सक्तिसाली राजामन ला घलो मार डारिस—
ओकर मया हमेसा बर बने रहिथे।
याने कि अमोरीमन के राजा सीहोन ला मार डारिस
ओकर मया हमेसा बर बने रहिथे।
अऊ बासान के राजा ओग ला मार डारिस—
ओकर मया हमेसा बर बने रहिथे।
अऊ ओमन के देस ला निज भाग के रूप म दे दीस,
ओकर मया हमेसा बर बने रहिथे।
अपन सेवक इसरायलीमन ला निज भाग के रूप म दे दीस।
ओकर मया हमेसा बर बने रहिथे।
ओह हमन ला हमर गिरत दसा म सुरता करिस
ओकर मया हमेसा बर बने रहिथे।
अऊ हमन ला हमर बईरीमन ले छोंड़ाईस।
ओकर मया हमेसा बर बने रहिथे।
ओह हर एक परानी ला जेवन देथे।
ओकर मया हमेसा बर बने रहिथे।
स्वरग के परमेसर ला धनबाद देवव।
ओकर मया हमेसा बर बने रहिथे।
Biblica® सुतंतर समकालीन छत्तीसगढ़ी अनुवाद. Copyright © 2012, 2016, 2021, 2024 Biblica, Inc. Licensed under CC BY-SA 4.0. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.