Biblica® सुतंतर समकालीन छत्तीसगढ़ी अनुवाद
भजन-संहिता 137
बेबिलोन देस के नदीमन के तीर म हमन बईठेंन
अऊ सियोन ला सुरता करके रोए लगेंन।
उहां चिनार रूखमन म
हमन अपन बीना ला टांग देंन,
काबरकि जऊन मन हमन ला बंधुवा बनाके ले गे रिहिन,
ओमन उहां हमन ला गीत गाय बर कहिन,
हमन ला सतानेवालामन हमन ला आनंद के गीत गाय बर कहिन;
ओमन कहिन, “हमर बर सियोन के एक गीत गावव!”
एक आने देस म
हमन यहोवा के गीत कइसे गा सकत हन?
हे यरूसलेम, यदि मेंह तोला भूल जावंव,
त मोर जेवनी हांथ अपन योग्यता ला भूल जावय।
यदि मेंह तोला सुरता नइं करंव,
यदि मेंह यरूसलेम ला
अपन सबले बड़े आनंद नइं मानंव,
त मोर जीभ ह मोर तालू ले चपक जावय।
हे यहोवा, सुरता कर कि ओ दिन एदोमीमन का करिन,
जब यरूसलेम ला गिराय गीस।
ओमन चिचियाके कहिन, “येला फोरके गिरा दव,
येला येकर नीव ले गिरा दव!”1
हे बेटी बेबिलोन, तोर बिनास होवय,
ओ मनखे ह खुस रहय, जऊन ह ओ अतियाचार के मुताबिक
तोर ले बदला लेथे, जेला तेंह हमर ऊपर करे हस।
ओ मनखे ह खुस रहय, जऊन ह तोर लइकामन ला पकड़के
चट्टान ऊपर पटक देथे।
Source notes (1)
- Footnote देखव ओब 10‑14; यहे 25:12‑14; 35:5‑9
Biblica® सुतंतर समकालीन छत्तीसगढ़ी अनुवाद. Copyright © 2012, 2016, 2021, 2024 Biblica, Inc. Licensed under CC BY-SA 4.0. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.