Biblica® Open Chhattisgarhi Contemporary Version
भजन-संहिता 125
आरोहन के एक गीत।
जऊन मन यहोवा ऊपर भरोसा रखथें, ओमन सियोन पहाड़ सहीं अंय,
जेला हलाय नइं जा सकय पर येह सदा अटल बने रहिथे।
जइसे कि पहाड़मन यरूसलेम ला चारों कोति ले घेरे हवंय,
वइसे ही यहोवा ह अपन मनखेमन ला
अब अऊ सदाकाल तक घेरे रहिथे।
दुस्टमन के राजदंड ह धरमीमन ला
दिये गय भुइयां ऊपर हमेसा बने नइं रहिही,
काबरकि तब धरमीमन
अपन हांथ दुस्ट काम करे म लगा सकथें।
हे यहोवा, ओमन के भलई कर, जऊन मन सीधवा मनखे अंय,
ओमन के भलई कर, जेमन के मन ह ईमानदार अय।
पर जऊन मन बेईमानी के रसता ला धरथें
यहोवा ह ओमन ला दुस्टमन के संग निकाल दीही।
इसरायल ला सांति मिलय।
Biblica® Open Chhattisgarhi Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.