Biblica® Open Chhattisgarhi Contemporary Version
भजन-संहिता 124
आरोहन के एक गीत। दाऊद के गीत।
कहूं यहोवा ह हमर कोति नइं होतिस—
त इसरायल ह कहय—
कहूं यहोवा ह हमर कोति नइं होतिस
जब मनखेमन हमर ऊपर हमला करिन,
त ओमन हमन ला जीयत लील ले रहितिन
जब ओमन के गुस्सा हमर ऊपर भड़किस;
बाढ़ के पानी म हमन बुड़ गे रहितेंन,
पानी के बहाव म हमन बह गे रहितेंन,
भयंकर पानी के धारा ह
हमन ला बहाके ले गे रहितिस।
यहोवा के परसंसा होवय,
जऊन ह हमन ला ओमन के दांत के दुवारा फाड़े जाय ले बचाय हवय।
हमन चिड़ीमार के जाल ले बचे
एक चिरई के सहीं अन;
जाल ह फट गे हवय,
अऊ हमन बच गे हवन।
हमर मदद यहोवा के नांव म होथे,
जऊन ह अकास अऊ धरती ला बनाय हवय।
Biblica® Open Chhattisgarhi Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.