Mga Salmo 121

1Iyahat ko ang akong mga mata sa kabukiran. Asa man maggikan ang akong panabang? 2Ang akong panabang naggikan kang Yahweh, nga maoy nagbuhat sa langit ug kalibotan. 3Dili niya itugot nga madalin-as ang imong mga tiil; siya nga nagpanalipod kanimo dili magduka. 4Tan-awa, ang magbalantay sa Israel dili magduka ni matulog. 5Si Yahweh ang imong magbalantay; si Yahweh ang landong sa imong tuong kamot. 6Ang adlaw dili makapasakit kanimo sa panahon sa adlaw, ni ang bulan panahon sa kagabhion. 7Si Yahweh ang manalipod kanimo sa tanan nga kasakitan, ug panalipdan niya ang imong kinabuhi. 8Si Yahweh ang manalipod kanimo sa tanan nimong buhaton sukad karon ug hangtod sa kahangtoran.