Mga Salmo 120

1Sa akong pag-antos gitawag ko si Yahweh, ug iya akong gitubag. 2Luwasa ang akong kinabuhi, O Yahweh, gikan niadtong namakak uban sa ilang mga ngabil ug naglimbong gamit ang ilang mga dila. 3Unsaon man kamo niya pagsilot, ug unsa pa gayod ang iyang buhaton kaninyo, kamong adunay bakakon nga mga dila? 4Silotan kamo niya inubanan sa pana sa manggugubat nga gipahait pinaagi sa nagbagang oling. 5Pagkaalaot ko tungod kay nagpuyo ako sa makadiyot sa Mesec; nagpuyo ako kaniadto taliwala sa tolda sa Kedar. 6Kay sa dugay nga panahon nagpuyo ako uban niadtong nagdumot sa kalinaw. 7Ako alang sa kalinaw, apan sa dihang magsulti ako, sila alang sa gubat.