Common Language Bible
ဆာလံ 124
လူစုတော်ကိုကွယ်ကာတော်မူသော ဘုရားသခင်
အကယ်၍ထာဝရဘုရားသာ
ငါတို့ဘက်၌ရှိတော်မမူခဲ့လျှင်အဘယ်သို့ ဖြစ်ပါလိမ့်မည်နည်း။
အို ဣသရေလအမျိုးသားတို့၊ဖြေကြားကြလော့။
ငါတို့အားရန်သူများတိုက်ခိုက်ကြစဉ်အခါက
ထာဝရဘုရားသာငါတို့ဘက်၌ရှိတော် မမူခဲ့လျှင်
သူတို့သည်ဒေါသအမျက်ချောင်းချောင်းထွက်၍
ငါတို့အားအရှင်လတ်လတ်ဝါးမျိုလိုက်ကြ လိမ့်မည်။
ထိုနောက်ငါတို့သည်ရေစီးရာသို့မျောပါသွား၍ ရေသည်ငါတို့ကိုလွှမ်းမိုးလိမ့်မည်။
ငါတို့သည်အဟုန်ပြင်းသည့်ရေစီးချောင်းတွင် နစ်မြုပ်သွားကြလိမ့်မည်။
ငါတို့ကိုရန်သူများအုပ်ဖမ်းကိုက်စားသည့်
အစာဖြစ်ခွင့်ပေးတော်မမူသောထာဝရဘုရား၏ ကျေးဇူးတော်ကိုချီးမွမ်းကြကုန်စို့။
ငါတို့သည်မုဆိုး၏ကျော့ကွင်းမှလွတ်မြောက် လာသော ငှက်ကဲ့သို့သေဘေးမှလွတ်မြောက်ကြလေပြီ။
ကျော့ကွင်းပြတ်၍ငါတို့လွတ်မြောက်ရကြ၏။
ငါတို့သည်ကူညီမစမှုကိုကောင်းကင်နှင့် ကမ္ဘာမြေကြီးကိုဖန်ဆင်းတော်မူသော
ထာဝရဘုရား၏ထံတော်မှရရှိကြ သတည်း။
Common Language Bible. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.