Mech
রোমীয় 13
হাদৎ বেংগ্রাফৗরখৌ মানিনায়
শাসন খৗলামগ্রাফৗরনৗ সাফ্রৗমবৗ গথাইনাংগৌ, মানৗনা ঈশ্বৗরনি একথিয়ারখৌ নাগারনানৈ জেবৗ লুখাংজায়া। আরৗ একথিয়ারফ্রা জেয়া ঠাংনান দং ঈশ্বৗরজৗং লুখাংজানায়। বিনিখাইনৗ, জাইফ্রা একথিয়ারনি বিরুদ্ধ খৗলামৗ, বিয়ৗ ঈশ্বৗরনি আদেশ হৗনায়নি বিরুদ্ধ খৗলামৗ, আরৗ বিছৗরৗ গাওছৗরনি ছায়াও বিচারখৌ লাবৗয়ৗ। মানৗনা জাইফ্রা মৗজাংখৌ মাওয়ৗ বিয়ৗ শাসনগিরিফৗরখৌ দাগি, নাথায় জাইফ্রা গৗরৗন্ঠি মাওয়ৗ। নৗঙৗ মা কি লুবৈয়ৗ একথিয়ারখৌ গিনায়নিফ্রায় গহৗজানৗ? অব্লা জেয়া ঠিক বিখৌনৗ খৗলাম আরৗ নৗঙৗ সাবাইস হৗজানায়। মানৗনা নৗংনি থাখৈনৗ বিয়ৗ ঈশ্বৗরনি দাস নৗংনি মৗজাংখৌনৗ মাওয়ৗ। যদি নৗঙৗ গাজ্রিখৌ মাওয়ৗ, গিদৗ, মানৗনা বিছৗরৗ সাজা হৗনৗ হাগ্রা আরৗ বিছৗরৗ খৗলামৗ। বিছৗরৗ ঈশ্বৗরনি দাস, গাজ্রি মাওগ্রানি ছায়াও সাজা লাবৗনৗ রাগনি থানদৈফৗর। বিনিখাইনৗ, একথিয়ারখৌ গথায় নাংগৌ ঈশ্বৗরনি সাজাখৌ গিনানৈ বান অৗঙা নাথায় বিবেকনি বিষয়ৈ। 1
বিনি থাখৈনৗ নৗংছৗরৗ খাজনাফৗরখৌ হৗয়ৗ, মানৗনা বিছৗরৗ ঈশ্বৗরনি সেবাকারি, বিছৗরনৗ ফুরা সমখৌ শাসন খৗলামনৗ হৗয়ৗ। নৗংছৗরৗ সাফ্রৗমনৗ বি হৗনাংগৌফৗরখৌ হৗ, নৗং খাজনাফৗর হৗনাংগৌব্লা, খাজনাফৗর হৗ, মাসুল হৗনাংগৌব্লা, মাসুল হৗ, সনমান হৗনাংগৌব্লা, সনমান হৗ, মান হৗনাংগৌব্লা, মান হৗ।
বে আইননাও ফুরায়ৈ অন্নায় দং
নৗংছৗরৗ রাওনিবৗ দাহারাও দাথাথৗং, জেব্লাইবৗ গাওজৗং গাও অনজ্লাইনায়নি দাহার জা, মানৗনা জাইফ্রা গুবুনফৗরখৌ অন্নৗ, আইনখৌ ফুরা খৗলামৗ। আদেশফ্রা বেনৗ, “নৗঙৗ জিনাহারি দাখৗলাম,” “নৗঙৗ মানসি দাসিথাৎ,” “নৗঙৗ সিখাও দাখাও,” “নৗঙৗ গুবুনফৗরনি মৗঙাখৌ দালুবৈ,” বেফৗর গাছেন আদেশফৗর আরৗ গাছেন গুবুন আদেশফৗরখৌ, বে মৗনছে আদেশাও জ' খৗলাম: “নৗঙৗ গাওনি পারাফুরুসিখৌ গাওখৌ বাদি অন2।” অন্নায়া পারাফুরুসিখৌ হানি খৗলামা, বিনিখাইনৗ অন্নায়া আইনখৌ ফুরা খৗলামৗ।
বে দিননা খাঠৈছৈ
আরৗ বেবাদি খৗলাম, বে বর্তমান সমখৌ বুজিয়ৗ, বে সমমা নৗংছৗরনি উন্ডুলাংনায় সমখৌ সিরিমৗনহৗনায়নি জাবায়, মানৗনা জৗংনি উদ্ধারনি সমমা দা খাঠৈসিন, জেব্লা জৗঙৗ সিগাঙাও ফৗথাইদৗং। বে হররা জৗবথারনায়ছৈ, সানা নখানায়থারনাইছৈ। বিনিখাইনৗ ফৈ জৗঙৗ খৗমসিনি খামানিখৌ দৗনদৗনি, আরৗ স্রাংনি অস্ত্র গানদৗনি। দে জৗংবৗ স্রাংয়াও থাবায়নায় বাদি মৗজাং আখললৈ থাবায়নি, দাওরাওফৗর অৗঙা, ফেগ্লুংনায় আরৗ লৗংগ্লুংনায় অৗঙা, জিনাহারি অৗঙা, লাজিথাও খামানিফৗরনিফ্রায়, খৗথাও নাংজ্লাইগ্রা অৗঙা আরৗ হিংসা খৗলামগ্রা অৗঙা। বরং, নৗংছৗরৗ ফৗরবু যীশু খ্রীষ্টখৌ সি' বাদি গানদৗ, আরৗ বে মৗদৗমনি লুবৈনায়খৌ খুশি খৗলামনৗ দাসান।
Source notes (2)
- Cross-reference মথি 22:2; মার্ক 12:17; লূক 20:25
- Cross-reference অৗংখাৎলাংনায় 20:13–15,17
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.