Mech
রোমীয় 12
ঈশ্বৗরখৌ দাও দাও খৗলামনায়
বিনিখাইনৗ, বিদা-ফংবায়ফৗর আরৗ বিবো-বিনানাওফৗর আং খাওলাইয়ৗ, মানৗনা গৗবাং সমাও ঈশ্বৗরা জৗংনি প্রতি দয়া দিন্ঠিবায়, নৗংছৗরনি দেহাফৗরখৌ গৗঠাং হিসাবমৈ বাওনৗ, গৗথার আরৗ ঈশ্বৗরখৌ খুশি খৗলামনৗ, নৗংছৗরনি নংথারগৌ সিবিনাংগৌয়া বেনৗ। বে সংসারনি মহরাও দাগৗরৗবফা, নাথায় গৗসৗখৌ গৗদান খৗলামনৗনৈ আখল সৗলাইদৗ। অব্লা নৗংছৗরৗ পরীক্ষা খৗলাম আরৗ নৗংছৗরনি জুনৈ ঈশ্বৗরনি ইচ্ছা মা গনায়থি খৗলাম, জেয়া মৗজাং, গৗজৗননায় আরৗ গৗরৗন্ঠিগৈয়ি।
খ্রীষ্টনি দেহাও গুরৈ সেবা।
মানৗনা আংনৗ যে অনুগ্রহখৌ হৗবায় বেজৗং আং নৗংছৗর সাফ্রৗমখৌবৗ বুঙৗ, নৗংছৗর গাওখৌ জেরৈ সাননাগৌ বিনিখ্রুই বাংসিন জৌসিন সান্নানৈ দালা, নাথায় গাওখৌ দদ্র খৗলাম বিছৗরজৗং, ফৗথাইজানায় বাদি ঈশ্বৗরা নৗংছৗর সাফ্রৗমনৗ রানানৈ হৗবায়। মানৗনা জেরৈ জৗংনি দেহাও গৗবাং অজ্ঞফৗর দং, আরৗ বে অজ্ঞফ্রা গাছেনবৗ মৗনছে জৗং নাংস্টাফনায়। বিখাইনৗ, খ্রীষ্টনিয়াও জৗঙৗ গৗবাংব্লাবৗ দেহায়াও মৗনছে আরৗ মৗনফ্রৗমবৗ অঙ্গফ্রা মৗনছে মৗনছেনি সমন্ধ। জৗংনৗ হৗনায় অনুগ্রহ অনুজায়ৈ জৗংহা আলাদা আলাদা দান হৗবায়। যদি নৗংনি দাননা ভাববাণী জায়ৗ, অব্লা নৗংনি ফৗথাইনায় অনুজায়ৈ ভাববাণী বুঙৗ, যদি সেবানি দান মৗনদৗং, অব্লা বি সেবা খৗলামথৗং, যদি ছৗরবা ফৗরৗংগ্রাব্লা, অব্লা বিয়ৗ ফৗরৗংথৗং, যদি উৎসাহ হৗয়ৗ, অব্লা উৎসাহ হৗথৗং; জাইয়া দান হৗয়ৗ বিয়ৗ উদার গৗসৗজৗং হৗথৗং, জাইয়া শাসন খৗলামৗ, বিয়ৗ জৗথৗনজৗং লৗগৗছে, জেয়া দয়া খৗলামৗ, বিয়ৗ রংজানায়জৗং খৗলামথৗং।
অন্নায়া গৗসৗ সিংনিফ্রায় জাথৗং। গাজ্রিখৌ মুগৈ; জেয়া মৗজাং বিহা গৗরায়ৈ হমঠাবনান থা। বিদা বিনানাওফৗর গাওজৗং গাও অনজ্লাইদৗ, গাওছৗরনি জৌসিননাও গাওজৗং গাও মান হৗজ্লায়দৗ। মাব্লাবাবৗ গৗসৗজানায়খৌ অভাব দাখৗলাম, নাথায় নৗংনি জিউয়াও তুলুংগানায়খৌ দৗন, ফৗরবুখৌ সেবা খৗলাম। আশায়াও রংজা, কষ্টয়াও সহায়নৗ হাগ্রা জা, প্রার্থনাও ফৗথাইসুলা জা। ফৗরবুনি মানসিফৗর জাইনে নাংগৌ বিছৗরজৗং ভাগৗ জা। আলাসি সিবিগ্রা জা।
জাইফ্রা নাছয়গ্রা বিছৗরখৌ আশীর্ব্বাদ খৗলাম, আরৗ সাও দাহৗ1। জাইফ্রা রংজায়ৗ বিছৗরজৗং রংজাফা, জাইফ্রা দুঃখু খৗলামৗ বিছৗরজৗং দুঃখু খৗলামফা। গাওজৗং গাও গৗরৗবজ্লায়নানৈ থা, ডুগা দাজা, নাথায় গাহাই থাখৗনি মানসিফৗরজৗংবৗ লৗগৗ জানৗ ইছ্ছা জা। গাওনি জ্ঞানাও বুদ্ধিমান দাজা2। রাওখৌবৗ গাজ্রিনি থাখৈ গাজ্রি পালটা দালা, সাফ্রৗমবৗনি নৗজৗররাও জেয়া সাবসিন বিখৌনৗ সানথ্র হুথ্রৌ খৗলাম। হাগৌমানি সাফ্রৗমজৗংবৗ শান্তিয়াও থা। পালটা দালা, আংনি আংগৗ লৗগৗফৗর, নাথায় ঈশ্বৗরনি রাগনি থাখৈ খঠ্রা নাগারনানৈ হৗ, মানৗনা লিৎনায় দং, “পালটা লানায়া আংনি খামানি, আংনৗ পালটা হৗফিননায়3” ফৗরবুআ বুংদৗং। বরং, “নৗংনি বিসারুয়া উখৈয়ৗব্লা, বিখৌ আহার জাহৗ, যদি বিয়ৗ গাংঙৗ, বিখৌ লৗংহৗ, বেখৌ খৗলামৗব্লা নৗঙৗ বিনি খরনি ছায়াও জৗংব্লাওনায় অৎখিখৌ দৗন্নায়।”
নৗঙৗ গাজ্রিজৗং দাফেজেনজা, নাথায় গাজ্রিখৌ মৗজাংজৗং4 ফেজেন।
Source notes (4)
- Cross-reference মথি 5:44; লূক 6:28
- Cross-reference বৗচৗন বিজাব 3:7
- Cross-reference হূদা বিজাব 32:35
- Cross-reference বৗচৗন বিজাব 25:21–22
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.