মথি 4

যীশুনি আনজাৎ লাজানায়

(মার্ক 1:12–13; লূক 4:1–13)

1বিনি উনাও যীশুআ জিউজৗং মারু গৗরান ফৗথার বারিয়াও দৈদেনলাংজানানৈ শয়তানজৗং আনজাৎ লাজাদৗং। 2আরৗ চল্লিশ দিন চল্লিশ হর বিয়ৗ উপবাস থানায়নি উনাও উখৈদৗং মৗন। 3বি সমাও আনজাৎলাগ্রায়া বিনিয়াও ফৈনানৈ বিখৌ হৗনদৗং, “নৗং ঈশ্বৗরনি বিসাহৌয়াব্লা, দে বে অন্ঠাইখৌ সিঠাও জানৗ থৗন।” 4নাথায় যীশুআ বুংফিন্দৗং, “শাস্ত্রয়াও বেবাদি লিৎনায় দং, ‘মানসিয়া সিঠাওজৗংবান ঠাংনানৈ থায়া, নাথায় ঈশ্বৗরনি খৗগানিফ্রায় অৗংখাৎনায় ফংফ্রৗমবৗ বাক্যজৗংছৗ ঠাংনানৈ থায়ৗ।’”1

5বিনি উনাও শয়তানা যীশুখৌ গৗথার নৗগৗরাও লাংনানৈ মন্দিরনি ঠিখিনিয়াও ফছংদৗং। 6আরৗ বিখৌ হৗনদৗং, “নৗং ঈশ্বৗরনি বিসাহৌয়াব্লা বেনিফ্রায় বাজ্রুুমদৗ। মানৗনা শাস্ত্রয়াও লিৎনায় দং, ‘ঈশ্বৗরা নৗংখৌ রক্ষাখৗলামনৗ থাখৈ গাওনি আরফ'ফৗরখৌ আদেশ খৗলামনায়, আরৗ নৗংনি আঠেংফ্রা অন্ঠাইফৗরাও ছৗখ্ঠুয়াবাদি বিছৗরৗ নৗংখৗ গাওনি আখাইফৗরজৗং দিখাংনানৈ লানায়।’”2

7যীশুআ বিখৌ উত্তর হৗফিনবায়, “বেবাদি লিৎনায় দং, নৗঙৗ গাওনি ফৗরবু ঈশ্বৗরখৌ আনজাৎ দালা”3 8আরবাও, শয়তানা বিখৌ বিরাঠ গৗজৌ হাজৗ ঠিখিনিয়াও লাংনান থাংদৗং আরৗ সংসারনি গাছেন রাইজৗফৗরখৌ আরৗ বেফৗরনি সমায়নাইখৌ দিন্ঠিনানৈ 9“বিখৌ হৗনবায়, নৗঙৗ আংখৌ গংনানৈ খুলুমৗব্লা আঙৗ বেফৗর গাছেনখৌবৗ নৗংনৗ হৗনায়।” 10অব্লা যীশুআ বিখৌ হৗনবায়, “শয়তান, নৗং আংনিফ্রায় গৗজান জা মানৗনা বেবাদি লিৎনায় দং, নৗঙৗ গাওনি ফৗরবু ঈশ্বৗরখৌ খুলুম আরৗ বিখৌ বান সিবি!”4 11অব্লা শয়তানা যীশুখৌ নাগারনান থাঙাছৈ আরৗ আরফ'ফ্রা ফৈনানৈ বিখৌ জৗথৗন লাখিদৗং।

গালীলয়াও যীশুনি মাওজেননায়

(মার্ক 1:14–15; লূক 4:14–15)

12উনাও যোহন বাপ্তিস্টখৌ জৗবথেসালিয়াও জৗবজানায় খৗনানানৈ যীশুআ গালীলয়াও থাংফিনদৗং। 13আরৗ বিয়ৗ নাসরৎখৌ নাগারনানৈ সবূলূন5 আরৗ নপ্তালি ফৗলেরনি হাদৎ গালীল লৈথৗ সেরনি কফরনাহুমাও থাংনানৈ থাহৈদৗং, 14জাহাথে যিশাইয় নবিনি গেজেরজৗং বুংনায় খৗথায়া জাফুংঙৗ।

15“সবূলূন হাদৎ আরৗ নপ্তালি হাদৎ,

লৈথৗ ঠিঙৈ থাংনায় লামা, যর্দ্দন বাদনৈ গুবুনহারিফৗরনি হাদৎ গালীল,

16খৗমসিয়াও থানায় মানসিফ্রা গেদেৎ স্রাংখৌ নুনৗ মৗনবায়।

আরৗ থৈনায়নি সাইখ্লৗম হাদৎনাও থানায়ফৗরনি ছায়াও স্রাংয়া6 নুজাফৈবায়।”

17বি সমনিফ্রায়নৗ যীশুআ প্রচার খৗছামজেনদৗং, “নৗংছৗরৗ গৗসৗ ফিনফিনদৗ, মানৗনা স্বৗর্গৗ রাইজৗয়া খাঠিয়াও ছফৈবায়।”

সাব্রৈ ছেলাফৗরখৌ লিংজেননায়

(মার্ক 1:16–20; লূক 5:1–11)

18সানছেখালি যীশুআ গালীল লৈথৗ জিং জিং থাবায়লাংনায় সমাও, সানৈ ফংবায়ফৗরখৌ নুদৗং, শিমোন জাইখৌ পিতর মুংখয়ৗমৗন, আরৗ বিনি ফংবায় আন্দ্রিয়খৌ। বিছৗরৗ লৈথৗয়াও জে'সাৎদৗং মৗন। মানৗনা বিছৗরৗ না' হমগ্রাফৗর মৗন। 19আরৗ যীশুআ বিছৗরখৌ হৗনবায়, “নৗংছৗরৗ আংজৗং ফৈ, আং নৗংছৗরখৌ মানসি হমগ্রা মাছুয়া খৗলামনায়।” 20বি সমাওনৗ বিছৗরৗ গাও গাওনি জে'ফৗরখৌ নাগারনানৈ যীশুজৗং লৗগৗছে থাংফাদৗং। 21বি জায়গানিফ্রায় গুবুন জায়গাসিম ছ'ছে দাওগালাংনাইয়াও, যীশুআ গুবুন সানৈ ফংবায়ফৗরখৌ, সিবদিয়নি বিসাজ্লা যাকোব আরৗ বিনি ফংবায় যোহনখৌ নুবায়, বিছৗরৗ গাওছৗরনি নাওয়াও বিফাজৗং জে'ফৗরখৌ রুথিবায় থাদৗংমৗন। আরৗ যীশুআ বিছৗরখৌ লিংহৎবায়, 22আরৗ ঠাবনৗ বিছৗর নাওখৌ আরৗ বিফাখৌ গালাংনানৈ যীশুজৗং থাংফাবায়।

যীশুনি ফৗরৗংনায় আরৗ জব্রাফৗরখৌ ছৗখানায়

(লূক 6:17–19)

23যীশুআ গালীল হাদৎনি গাছেন জায়গানি সিবিগ্রা ন্ব'ফৗরাও, থাংনানৈ স্বৗর্গৗ রাইজৗনি মৗজাং খবরখৌ খৗথাবাইনানৈ ফৗরৗংদৗং আরৗ মানসিফৗরনি গেজেরাও বাইদিসিনা রগ'বিয়াৎ আরৗ জব্রাফৗরখৌ ছৗখাদৗং। 24যীশুনি বেফৗরবাদি মাওনায় খবররা সিরিয়া হাদৎয়াও মিথিসাৎজাবায়, আরৗ বাইদিসিনা রগ'বিয়াৎ ফৗরজৗং জব্রাজানায়, ছানাইজৗং কষ্ট মৗনছৗনায়, ভুত হমজানায়, মৃগী রগ'গৗনাং আরৗ ঘৈলি জাজানায় মানসিফৗরখৌ বিনিয়াও লাবৗদৗং, আরৗ যীশুআ বিছৗরখৌ ছৗখাদৗং। 25বেবাদিনৗ গালীল, দিকাপলি, 7 যিরূশালেম, যিহূদিয়া, আরৗ যর্দ্দন বাৎনৈনিফ্রায় ভিড়য়া বিজৗং লৗগৗছে থাংফাদৗং।