মথি 13

বিগৎ ফৗনায়নি দৃষ্টান্ত

(মার্ক 4:1–9; লূক 8:4–8)

1বি দিননাওনৗ যীশুআ ন্ব'নিফ্রায় অৗংখাৎনানৈ লৈথৗ জিঙাও জিরাইহৈদৗং। 2গেদেৎ হান্জায়া বিনি সৗরগিদিং জ'জানাইখায় বিয়ৗ গংছে নাওয়াও গাখৗনানৈ জিরাইহৈদৗং, আরৗ গাছেন মানসিফ্রা লৈথৗ জিঙাও গছংদৗং। 3বি সমাও যীশুআ বিছৗরখৌ গৗবাং খৗথা দৃষ্টান্তজৗং বুংদৗং: “সাছে আবাদ মাওগ্রায়া হুয়াও বিগৎ ফৗনৗ থাংদৗং। 4বিনি বিগৎ ফৗনায়াও খাইছে বিগৎফ্রা লামায়াও গৗগ্লাইদৗং, আরৗ দাওছেনফ্রা ফৈনানৈ বেখৌ খনজাগারদৗং। 5খাইছেয়া হ্বা গৗবানি সিঙাও গেদেৎ অন্ঠাই থানায় জাইগায়াও গৗগ্লাইদৗং। আরৗ বেফৗরৗ হ্বা গৗবাখাই ঠাবনৗ বেৎখাংদৗং। 6নাথায় সাননা জেব্লা অৗংখাৎবৗয়ৗ, অব্লা বিংফাংফ্রা সানদুংজৗং দুংগ্লাবনান গৗথৌয়ৈ রৗদা সুনৗ হায়িয়াও গৗখ্রৈনৗ রানলাংদৗং। 7খাইছে বিগৎফ্রা সু-বারি গেজেরাও গৗগ্লাইদৗং, আরৗ সু বিংফাঙা দেৎনানৈ বিফাংফৗরখৌ ছেখঠাবনাইখায় বেফৗরৗ বিথাইফৗর থাইনৗ হায়াখৗছৈ। 8খাইছে বিগৎফ্রা হ্বা মৗজাঙাও গৗগ্লাইদৗং, আরৗ ফৗহৈনায় বিগৎফৗরনিফ্রায় একশ গুন, ষাট গুন এবা ত্রিশ গুন বিথাইফৗর থাইবায়।

9জাইফৗরনে খৗনাছংনৗ খৗমা দং বিছৗরৗ খৗনাছংথৗং।”

দৃষ্টান্ত বুংনায়নি কারণ

(মার্ক 4:10–12; লূক 8:9–10)

10ছেলাফ্রা বিনিয়াও ফৈনানৈ সৗংদৗং, “মানৗ নৗঙৗ মানসিফৗরজৗং দৃষ্টান্তফৗরখৌ বাহাইনানৈ রাইজ্লাইয়ৗ বুঙৗ?” 11যীশুআ বুংফিনবায়, “স্বৗর্গৗ রাইজৗনি থাখমানায় বিষয়খৌ মিথিনৗ থাখৈ নৗংছৗরনৗ জ্ঞানখৌ হৗনায় জাবায়, নাথায় বিছৗরনৗ অৗঙা। 12জাইহা ইছে দং, বিনৗ বাংসিন হৗনায় জানায়, আরৗ বিছৗরনে আগ্লায় বিগ্লায় জানায়। আরৗ জাইহা গৈয়া, বিনিফ্রায় বিনিয়াও ইছে দংনায়খৌবৗ লাফিন্জানায়। 13বিনিখাইনৗ আঙৗ নৗংছৗরখৌ দৃষ্টান্তজৗং বুঙৗ, জাহাথে, বিছৗরৗ নুব্লাবৗ নুয়ি বাদি। আরৗ খৗনাব্লাবৗ খৗনায়ি বাদি এবা বুজিয়ি বাদি। 14বিছৗরনি থাখৈ যিশাইয়া নবিনি ভাববাণী বুংনাইয়া জাফুংবায়:

‘নৗংছৗরৗ খৗনাবায় থানায়,

নাথায় মালাবাবৗ বুজিনায় অৗঙা,

নৗংছৗরৗ নুবায় থানায়, নাথায় মালাবাবৗ নুনায় অৗঙা,

15মানৗনা বে মানসিফৗরনি গৗসৗয়া বত্রা জাবায়,

বিছৗরনি খৗমাফ্রা ঠসা জাবায়,

আরৗ বিছৗরৗ গাওছৗরনি মগনফ্রাখৌ মৗখ্ছেবায়,

অৗঙাব্লা বিছৗরৗনি মগনফৗরজৗং নুগৌমৗন,

খৗমাজৗং খৗনাগৌমৗন,

বিছৗরনি গৗসৗয়াও বুজিনৗ হাগৌমৗন,

আরৗ বিছৗরৗ আংনি ঠিঙৈ গিদিংগৌমৗন

আরৗ আঙৗ বিছৗরখৌ1 ছৗখানায়মৗন।’

16নাথায় নৗংছৗরনি মগনফ্রা ধন্য মানৗনা বিছৗরৗ নুয়ৗ, আরৗ নৗংছৗরনি খৗমাফ্রা ধন্য মানৗনা বিছৗরৗ খৗনায়ৗ। 17মানৗনা নংথারগৌয়ৈ আঙৗ নৗংছৗরনৗ বুঙৗ, গৗবাং নবিফ্রা আরৗ ধৗরৗমিয়া মানসিফ্রা নৗংছৗরৗ জেখৌ নুবায় বেখৌ নাইনৗ লুবৈব্লাবৗনৗ, বিছৗরৗ নুনৗ মৗনাখৈ আরৗ নৗংছৗর জেখৌ খৗনাবায়, বেখৌ খৗনানৗ লুবৈব্লাবৗনৗ বিছৗরৗ খৗনানৗ মৗনাখৈ।

বিগৎ ফৗনায়নি ফিদিংনায় (উপমা) খৗথাখৌ যীশুআ বিজিৎনানৈ হৗনায়

(মার্ক 4:13–20; লূক 13:18–19)

18“বিনিখাইনৗ নৗংছৗরৗ বিগৎ ফৗনায়নি দৃষ্টান্তনি মানেখৌ খৗনাছংদৗ। 19জেব্লা ছৗরবা স্বৗর্গৗ রাইজৗনি খৗথাখৌ খৗনায়ৗ নাথায় বিখৌ বুজিনৗ হায়া, বিয়ৗ ফৗনায়াও লামা সেরাও গৗগ্লৈনায় বিগৎ বাদি। শয়তানা বে ফৗনায় বিগৎখৌ বিছৗরনি গৗসৗনিফ্রায় সেনানৈ লাঙৗ। 20অন্ঠাইবারিয়াও গৗগ্লৈনায় বিগৎনা বেবাদি, বিছৗরৗ মৗজাং খৗথাখৌ খৗনাছঙৗ আরৗ রংজা বাজা ঠাবনৗ নাজাওয়ৗ; বিয়ৗ খৗথাখৌ খৗনানানৈ রংজানায়জৗং নাজাওয়ৗ। 21নাথায় বিছৗরনে রৗদা গৗয়িখায়, বিছৗরনি গৗসৗয়াও দান্দিছে সমায়নি থাখৈ বান থায়ৗ। জেব্লানৗ মৗজাং খবরনি থাখৈ বিছৗরনি দুঃখ আরৗ নাছয়জানায় ছৗফৈয়ৗ, অব্লানৗ বিছৗরৗ গৗখ্রৈনৗ উনফিনৗ। 22সু-বারি গেজেরাও গৗগ্লৈনায় বিগৎনা বেবাদি জাইফ্রা খৗথাখৌ খৗনাছঙৗ, নাথায় বুহুমনি জিংগাসিনায়, ধৗনি জানৗ হাস্থাইনায় আরৗ বাইদিসিনা লুবৈনাইয়া বিছৗরনিয়াও ছফৈব্লা বিছৗরৗ ছেখঠাবনাইখায় বিছৗরৗ বিথাই থাইনৗ হায়ি জায়ৗ। 23নাথায় মৗজাং হ্বায়াও বিগৎ গৗগ্লৈনায়া বেবাদি জাইফ্রা খৗথাখৌ খৗনাছংনানৈ বুজিনানৈ নাজাওয়ৗ। বিছৗরৗ বিথাইফৗর থাইয়ৗ, বেফৗরনি খাইছেয়া একশ গুণ, খাইছেয়া ষাট গুণ আরৗ খাইছেয়া ত্রিশ গুণ বিথাইফৗর থাইয়ৗ।”

গারুয়া হাগ্রানি দৃষ্টান্ত

24যীশুআ বিছৗরনৗ গুবুন দৃষ্টান্ত বুংবাওবায়, “স্বৗর্গৗ রাইজৗয়া সাছে মানসি গাওনি হুয়াও মৗজাং বিগৎ ফৗনায় বাদি। 25নাথায় বয়বৗ উন্ডুলাংনায় সমাও বিসারুয়া গমবারিয়াও ফৈনানৈ গারুয়া হাগ্রানি বিগৎখৌ ফৗদেৎনানৈ গালাংবায়। 26জেব্লা গময়া বেদনানৈ বিডাং খায়ৗ অব্লা গারুয়া হাগ্রাফ্রাবৗ লৗগৗছে নুজাফায়ৗ। 27আরৗ দাসফ্রা বৈগৗমানিয়াও ফৈনানৈ বুংবায়, ‘ও মালিক নৗঙৗ নৗংনি হ্বায়াও মৗজাং বিগৎ ফৗয়াখৈমৗন খৗমা? অব্লা ববেনিফ্রায় গারুয়া হাগ্রাফ্রা ফৈখৗ?’ 28বিয়ৗ বুংবায়, ‘বেখৌ বিসারুয়ানৗ মাওদৗং।’ অব্লা দাসয়া বিখৌ সৗংদৗং, ‘নৗঙৗ গৗসৗ জায়ৗ নামা জৗঙৗ থাংনানৈ বেফৗরখৌ ফুহৈনৗ?’ 29বিয়ৗ বুংফিনবায়, ‘অৗঙা, মানৗনা জেব্লা নৗংছৗরৗ গারুয়া হাগ্রাখৌ ফুনায় অব্লা নৗংছৗরৗ গমখৌবৗ ফুফ্নাংনৗ হাগৌ। 30হানায়নি সম ছৗফৈয়াগৌসিম মৗননৈখৌবৗ দেৎনৗ হৗদৗ। আরৗ হানায় বৗথৗরাও আং বুথুমগ্রা মানসিফৗরখৌ বুংনায়, সিগাঙাও গারুয়া হাগ্রাখৌ আটি সৎদৗ বেফৗরখৌ বুথুমনানৈ সাওদৗ আরৗ গম মায়খৌ বুথুমনানৈ আংনি বাখ্রিয়াও দৗনহৈনায়।’”

বিসর বিগৎনি দৃষ্টান্ত

(মার্ক 4:30–32; লূক 13:18–19)

31যীশুআ গুবুন মৗনছে দৃষ্টান্ত বিছৗরনৗ বুংবাওবায়, “স্বৗর্গৗ রাইজৗয়া বিসর বিগৎ বাদি যে মানসিয়া বিগৎখৌ লানানৈ গাওনি হুয়াও ফৗহৈদৗং। 32বিসর বিগৎনা বুহুমনি গাছেন বিগৎফৗরনি খুরৈ দুইসিন, নাথায় জেব্লা দেৎনৗ, অব্লা বিয়ৗ বাগাননি গুবুন মৈগং বিংফাংফৗরনিখুরৈ দেৎসিন জায়ৗ, আরৗ বিয়ৗ গেদেৎ বিংফাং জায়ৗ, আরৗ নখ্রাংনি দাওছেনফ্রা ফৈনানৈ ডালাইফৗরাও বাসা বৗনায়নানৈ থায়ৗ।”

33যীশুআ বিছৗরনৗ আরবাও গুবুন মৗনছে দৃষ্টান্ত বুংবাওবায়, “স্বৗর্গৗ রাইজৗয়া বেবাদি, সাছে হিন্জাওয়া ইছে সোডা 2 লানানৈ মহনছে ময়দাও হৗনানৈ নাদৗং আরৗ গাছৈনবৗ বুগাজৗবদৗং।”

34যীশুআ বেফৗর গাছেনখৌ দৃষ্টান্তনি গেজেরজৗং হান্জানৗ খৗথাদৗং। দৃষ্টান্ত বাহাইয়ামানৎনিন বিয়ৗ বিছৗরনৗ জেবৗ বুঙামৗন। 35বেবাদিনৗ নবিজৗং বুংজাখানায় খৗথায়া জাফুংবায়, “আঙৗ দৃষ্টান্তনি গেজেরজৗং আংনি খগাখৌ খুলিনায়, সংসারখৌ সৗরজিনায়নিফ্রায় থাখৗমানান থানায় জিনিসখৌ আঙৗ বিজিৎনানহনায়।”3

গারুয়া হাগ্রানি দৃষ্টান্তখৌ বিজিৎনায়

36অব্লা যীশুআ ভিড়খৌ নাগারনানৈ ন্ব'সিঙাও হাবহৈবায়। বিনি ছেলাফ্রা বিনিয়াও ফৈনানৈ হৗনবায়, “হুয়াও থানায় গারুয়া হাগ্রানি দৃষ্টান্তখৌ জৗংনৗ বিজিৎনান খৗথাদৗ।”

37যীশুআ বুংফিনবায়, “জাইয়া মৗজাং বিগৎ ফৗবায় বি জাবায়, মানসিনি বিসাহৌয়া। 38হুয়া জাবায় সংসার, আরৗ মৗজাং বিগৎনা জাবায় রাইজৗনি বিসাফৗর, গারুয়া হাগ্রায়া জাবায় শয়তাননি বিসাফৗর, 39আরৗ জাই বিসারুয়া গারুয়া হাগ্রাখৌ ফৗদৗং, বিয়ৗ জাবায় শয়তান। আবাদ হানাইয়া জাবায় জৗবনাইনি বৗথৗর, আরৗ আবাদ হাগ্রাফৗরা জাবায় আরফ'ফৗর। 40জেরেই গারুয়া হাগ্রাফৗরখৌ বুখুনানৈ অয়াৎনাও সাওদৗং, বেবাদিনৗ জৗবনাইনি বৗথৗরা জানায়। 41মানসিনি বিসাহৌয়াআ গাওনি আরফ'ফৗরখৌ থৗনহৎনায় আরৗ বিছৗরৗ বিনি রাইজৗনিফ্রায় গাছেন পাপ মাওহৗগ্রা সাফ্রৗমবৗ আরৗ গাছেন গাজ্রি মাওগ্রাফৗর। 42বিছৗর বিছৗরখৌ বুখুনানৈ জৗংবায় থানায় অয়াৎনাও গারসননায় আরৗ বিহা গাবখ্রাওনায়জৗং হাথায় অফ্রেনায় জানায়। 43আরৗ ধার্মিকফ্রা গাওনি বিফানি রাইজৗয়াও সান বাদি মৗদাননায়। জাইফৗরহা খৗমা দং বিছৗরৗ খৗনাছংথৗং।

থাখৗমানান থানায় ধৗন আরৗ মুক্তানি দৃষ্টান্ত

44“স্বৗর্গৗ রাইজৗয়া হুয়াও দৗনখৗমানান মৗনছে ধৗন বাদি, জেব্লা সাছে মানসিয়া বিখৌ মৗনদৗং, আরবাও বিয়ৗ দৗনখৗমাবাওবায়, উনাও বিয়ৗ রংজা বাজা থাংনানৈ গাওনি দংনায়মানিখৌ ফাননানৈ আরৗ বি হুয়াখৌ বায়দৗং।

45আরবাও, স্বৗর্গৗ রাইজৗয়া এরইবাদি মৗজাং মুক্তা নাগিৎবাইনায় সাছে ফাইখারি। 46আরৗ বিয়ৗ জেব্লা দাম গৗছা মুক্তাখৌ মৗনদৗং, অব্লা বিয়ৗ থাংনানৈ গাওনি দংনায়মানিখৌ ফানদৗং আরৗ বিখৌ বায়দৗং।

জে'নি দৃষ্টান্ত

47“আরবাও, স্বৗর্গৗ রাইজৗয়া মৗনছে জে'বাদি যে লৈথৗয়াও জে'খৌ সাৎনাইয়াও বাইদিসিনা জাতনি না' নাংদৗং। 48জেব্লা জে'য়া নাঃজৗং বুংফাওদৗং জে' সাৎগ্রা মানসিফ্রা সাগৗর হাগুংয়াও বিখৌ বৗখাংদৗং। বিছৗরৗ জিরাইনানৈ আরৗ মৗজাং নাঃফৗরখৌ সাইখনান খবায়াও লায়ৗ, নাথায় গাজ্রি না' ফৗরখৌ গাহৎনৗ। 49বেবাদিনৗ জৗবনাইনি বৗথৗরা জানায়। আরৗ আরফ'ফ্রা ফৈনানৈ ধার্মিকফৗরনি গেজেরনিফ্রায় গাজ্রিফৗরখৌ আলাদা খৗলামনায়, 50আরৗ জৗংব্লৗওনায় অৎনাও গারসননাই আরৗ বিয়াও গাবনায় আরৗ হাথায় অফ্রেনায়।”

গৗদান আরৗ গৗজাম ফৗরৗংনাইনি খৗথা।

51যীশুআ বিছৗরখৌ সৗংবায়, “নৗংছৗরৗ বেফৗর গাছেনখৌবৗ বুজিজৗবায়দা?” বিছৗরৗ বুংফিনবায়, “অৗ।” 52যীশুআ বিছৗরখৌ হৗনবায়, “বিনিখাইনৗ আইন গুরু আরৗ স্বৗর্গৗ রাইজৗনি থাখৈ ছেলা জানায় সাফ্রৗমবৗ, বিয়ৗ সাছে ন্ব'নি বৈগৗমা বাদি জাইয়া গাওনি বাখ্রিনি গৗদান আরৗ গৗজাম ধৗনফৗরখৌ বয়ৗননৗ।”

নবিনি মান গৈজায়ৈ

(মার্ক 6:1–6; লূক 4:16–30)

53জেব্লা যীশুআ বেফৗর দৃষ্টান্তফৗরখৌ ফৗজৗবদৗং, বিয়ৗ বি জায়গানিফ্রায় গাওনি নৗগৗরাও থাংবায়। 54আরৗ বিয়ৗ মানসিফৗরখৌ সিবিগ্রা ন্ব'য়াও ফৗরৗংদৗং আরৗ বিনি ফৗরৗংনাইয়াও বিছৗরৗ সৗমৗ নাংদৗং, “বিয়ৗ বে জ্ঞানখৌ ববেনিফ্রায় মৗনখৗ আরৗ ববেনিফ্রায় বেবাদি সৗমৗ গৗনাং খামানি মাওনৗ বৗলৗ মৗনখৗ? 55বিয়ৗ কি মা মিস্ত্রিনি বিসাহৌয়া অৗঙা? বিনে কি বিমাআ মরিয়ম অৗঙা, আরৗ যাকোব, যোষেফ, শিমোন, আরৗ যিহূদা বিনি ফংবায়ফৗর অৗঙা? 56বিনি গাছেন বিনানাওফ্রা কি মা জৗংজৗং লৗগৗছে অৗঙা? অব্লা বি মানসিয়া বেফৗর গাছেনখৌবৗ মহাইনিফ্রায় মৗনখৗ?” 57আরৗ বিছৗরৗ যীশুখৌ অপমান খৗছাইয়াছৈ। নাথায় যীশুআ বিছৗরখৌ বুংবায়, “গাওনি নৗগৗরাও, আরৗ গাওনি ন্ব'খরখৌ নাগারনান, নবিআ জেরেওবৗ মান মৗন্নৗ,” 58আরৗ বিয়ৗ জেবৗ সৗমৗ গৗনাং খামানিফৗর বিছৗরনিয়াও মাওয়াখৗছৈ, মানৗনা বিছৗরনি ফৗথায়নায় গৗয়িখায়।