মথি 11

যীশু আরৗ যোহন বাপ্তিস্ট

(লূক 7:18–35)

1যীশুআ গাওনি বারোজন ছেলাফৗরখৌ ফৗরৗংখাংনায়নি উনাও বিয়ৗ খাঠি খালা নৗগৗরফৗরনি মানসিফৗরখৌ ফৗরৗংনৗ আরৗ বিছৗরনিয়াও খৗথাবায়নৗ বে জায়গানিফ্রায় অৗংখাৎলাংদৗং। 2-3যোহননা জৗবথেসালিয়াও মসিহনি মাওনায়ফৗরখৌ খৗনানানৈ গাওনি ছেলাফৗরখৌ থৗনহৎনানৈ বিখৌ বুংহৎদৗং। “জাইয়া ফৈনাংগৌ বিয়ৗ নৗংনৗ নামা? না, জৗং ছৗরখৌবা লামা নাইবাওনৗ?” 4যীশুআ বুংফিনবায়, “থাংফিনদৗ আরৗ নৗংছৗর জেখৌ নুবায় আরৗ খৗনাবায়, বেখৌনৗ যোহননৗ খৗথাহৈদৗ; 5খানাফ্রা গুনু জাদৗং, লেংগ্রাফ্রা থাবাইফিনদৗং, খুরিয়া রগ জাজানায়ফ্রা গাদৗং, বেংগাফ্রা খৗনাফিনদৗং, গৗথৈফ্রা ফৗঠাংফিনজাদৗং, আরৗ হাওরিয়াফৗরনৗ মৗজাং খবরখৌ খৗথানায় জাদৗং। 6ধন্য বি মানসিয়া, আংনি সম্বন্ধৈ জাইনি গৗসৗয়াও জেবৗ গৗনৗ গৗথৗ গৈয়া।”

7জেরৈ বাদি যোহননি ছেলাফ্রা নাগারনান থাংদৗংছৈমৗন, যীশুআ ভিড়ফৗরনৗ যোহননি খৗথা বুংনৗ হমদৗং: “নৗংছৗরৗ মারু গৗরান ফৗথারবারিয়াও যোহনেও মাখৌ নাইনৗ থাদৗংমৗন? বারজৗং ছৗমাওজানায় নৗলৗখৌ? 8বেফৗরখৌ অৗঙাব্লা, নৗংছৗরৗ মাখৌথৗ নাইনৗ অৗংখাৎলাঙা মৗন? না, সাছে জৗংব্লাও মাব্লাও মিস মিস সি' গান্নায় মানসিখৌ? নাই, জাইফ্রা বেবাদি দাম গৗছা সি' গান্নৗ, বিছৗরৗ রাজমহলফৗরাওছৗ থায়ৗ। 9অব্লা নৗংছৗরৗ মাখৌ নাইনৗ থাঙামৗন? সাছে নবিখৌ নাইনৗ থাখৈ? আং নৗংছৗরৗখৌ রাইঠিয়ৗ, বিয়ৗ নবিনিফ্রায়বৗ দেৎসিন। 10মানৗনা বি মানসিয়া যোহননানৗ, জায়নি খৗথা শাস্ত্রআও বেবাদি লিৎনায় দং:

‘আঙৗ নৗংনি সিগাং আংনি খবরিয়াখৌ থৗনহৎনায়,

জাইয়া নৗংনি সিগাংনৗ লামাখৌ ঠাম ঠিম1 খৗলামনায়।’

11নংথারগৌয়ৈ আঙৗ নৗংছৗরখৌ বুঙৗ, হিন্জাওসাফৗরনি গৗর্বৗনিফ্রায় সারিজানায় মানসিমানিনি গেজেরাও যোহন বাপ্তিস্টনি খুরৈ রাওবৗ দেৎসিন জিখাংয়াখৈ। নাথায় স্বৗর্গৗ রাইজৗয়াও জাইয়া লৈসিন, বিয়ৗ বিনিফ্রায়বৗ দেৎসিন। 12যোহন বাপ্তিস্টনি সমনিফ্রায় দাসিম, স্বৗর্গৗনি রাইজৗয়া ব্রা ব্রায়ৈ নাছয়জানানৈ দং, আরৗ নাছয়গ্রাফ্রা বেখৌ বৗলৗজৗং সেনৗ হাস্থায়দৗং। 13মানৗনা যোহননি আমৗলসিম গাছেন নবিফৗর আরৗ মোশিনি আইননা বে রাইজৗনি খৗথাখৌ ভাববাণী বুংবৗদৗং। 14আরৗ নৗংছৗরৗ নাজাওনৗ গৗসৗ জায়ৗব্লা, অব্লা মিথিনায়, যে এলিয়নেনৗ ফৈনাংগৌ দংমৗন, বিয়ৗ বে মানসিয়ানৗ। 15খৗনাছংনৗ জাইফৗরহা খৗমা দং, বিছৗরৗ খৗনাছংথৗং।

16অব্লা, আং বে ফিরিনি মানসিফৗরখৌ ছৗরজৗং তুলনা খৗলামবাওনৗ? বিছৗরৗ গথ'ফৗর বাদি জাইফ্রা হাঠাইসালিয়াও জিরাইনানৈ গাওজৗং গাও লিংহৎজৗলায়নানৈ বুঙৗ:

17‘জৗঙৗ নৗংছৗরনি থাখৈ সিফুং দামবায়,

নাথায় নৗংছৗরৗ মৗসায়াখৗছৈ,

জৗঙৗ দুঃখনি মেথায় খৗনবায়,

নাথায় নৗংছৗরৗ গাবমাখৗছৈ।’

18যোহন বাপ্তিস্টআ ফৈনানৈ জায়াখৈ আরৗ লৗঙাখৈ, আরৗ বিছৗরৗ হৗন্দৗং, ‘বিনেও ভুত দং।’ 19মানসিনি বিসাহৌয়াআ ফৈনানৈ জাদৗং আরৗ লৗংদৗং, আরৗ নৗংছৗরৗ হৗন্নৗ, বে মানসিখৌ নায়, ‘বিয়ৗ জাসুলা আরৗ লৗংসুলা, বিয়ৗ খাজনা খাংগ্রা আরৗ পাপীফৗরনি লৗগৗ।’ নাথায় গিয়ান্না যে ঠিক বিখৌ বিনি মাওনাইয়ানৗ ফৗরমান হৗয়ৗ।”

ধীকার গৗসৗ সৗলাইয়ি নৗগৗরফৗর

(লূক 10:13–15)

20অব্লাহায় যীশুআ যে যে নৗগৗরফৗরাও বাংসিন সৗমৗ গৗনাং খামানিফৗর মাওয়ামৗন, বিয়ৗ বি গাছেন নৗগৗরখৌ নাগারনৗ হমবায়, মানৗনা বি নৗগৗরনি মানসিফ্রা গৗসৗ সৗলাইয়াখৈমৗন। 21“ও কোরাসীন নৗগৗর, ধিক্কার নৗংখৌহায়! ও বৈৎসৈদা, ধিক্কার নৗংনেবৗ! নৗংছৗরনি গেজেরাও মাওনায় সৗমৗ গৗনাং খামানিফৗরখৌ সোর আরৗ সীদোনাও2 মাওয়ৗমৗনব্লা, বি নৗগৗরফৗরনি মানসিফ্রা গৗবাও দিননি সিগাংনৗ বস্তা গান্নানৈ আরৗ হাথৎফ্লায়াও জিরাইনানৈ গৗসৗ ফিনফিনগৌমৗন। 22নাথায় বিচারনি দিননাও নৗংছৗরনি অবস্থানিফ্রায় বরং সোর আরৗ সীদোননি3 অবস্থায়া রাসিন সহায় জাথাওথাও জানায়। 23আরৗ ও কফরনাহুম, মা কি নৗঙৗ স্বৗর্গৗসিম ফৗজৌ জানায়? নৗঙৗ গাহাইজৗং গৗথৈ থাগ্রা জায়গায়াওছৗ থাংনায়! মানৗনা নৗংছৗরনি নৗগৗরাও মাওনায় সৗমৗ গৗনাং হাবাফৗরখৌ সদোমাও মাওনায়মৗনব্লা, বি নৗগৗরা দিনৈসিমবৗ থাগৌমৗন। 24নাথায় বিচারনি দিননাও নৗংছৗরনি অবস্থানিফ্রায় বরং সোর আরৗ সদোমনি হাদৎনি অবস্থায়া রাসিন সহায় জাথাওথাও জানায়।”

বিফাআ বিসা হৌয়া নৗ মিথিহৗনায়

(লূক 10:21–22)

25বি সমাও যীশুআ বাখ্নাইনানৈ হৗন্দৗং, “ও আফা, স্বৗর্গৗ আরৗ বুহুমনি ফৗরবু! আং নৗংখৌ বাখ্নায়ৗ, মানৗনা নৗং জেখৌ জ্ঞানী আরৗ বুদ্দিমান ফৗরনিফ্রায় দৗনখৗমাদৗং, বেখৌনৗ গথ'ফৗর বাদি ফৗথায়গ্রাফৗরনৗ নুজাহৗবায়। 26নৗংগৌ আফা, বেখৌ বেবাদিয়ৈ মাওনাইয়া নৗংনি নৗজৗররাও মৗজাং জাবায়।

27গাছৈখৌবৗ আংনি আফায়া আংনৗ গথাইবায়। বিসাজ্লায়া ছৗর বেখৌ বিফাখৌ নাগারনান রাওবৗ মিথিয়া, আরৗ বিফায়া ছৗর বেখৌবৗ বিসাজ্লাখৌ নাগারনান রাওবৗ মিথিয়া, আরৗ জাই মানসিফৗরখৌ বিসাজ্লায়া সাইখয়ৗ বিছৗরনৗ বিফাখৌ নুজাহৗয়ৗ।

28আংনিয়াও ফৈ, নৗংছৗর গাছেন মাবখ্রুবগ্রাফৗর আরৗ বিবান গিলিৎ বাননাংনানৈ মেংগ্লিনায়ফৗর, আরৗ নৗংছৗরখৌ আং জিরাই হৗনায়। 29আংনি জুয়াখৌ গাওছৗরনি ছায়াও বান্নানৈ লাদৗ, আরৗ আংনিফ্রায় ছৗলৗংদৗ। মানৗনা আঙৗ গুরৈ আরৗ গৗসৗয়াওবৗ নম্র; আরৗ নৗংছৗরৗ নৗংছৗরনি জিউয়াও জিরাইনায় মৗননায়। 30মানৗনা আংনি জুয়া বান্নৗ আল্টুয়া, আরৗ আংনি বিবানা রেজেং।”