Mech
যিহূদা 1
যিহূদা, যীশু খ্রীষ্টনি দাস, আরৗ যাকোবনি ফংবায়, জাইফ্রা বিফা ঈশ্বৗরজৗং লিংহৎজাবায়, অনজাবায় আরৗ যীশু খ্রীষ্ট গেজেরজৗং দৗনজানায়, বিছৗরনৗ আঙৗ বে লাইজামখৌ লিৎহৎদৗং। দয়া, শান্তি আরৗ অন্নায়া নৗংছৗরনিয়াও দেৎলাংথৗং।
ঈশ্বৗরহারা মানসিফৗরনি পাপ আরৗ সংহার
আংনি অনজাগ্রা লৗগৗফৗর, জৗং বাহাগৗ লানায় উদ্ধারনি বিষয়ৈ আঙৗ নৗংছৗরনৗ লিৎহৎনৗ বিমাইনৗ গৗসৗ জাদৗং মৗনব্লাবৗ, দা আঙৗ লিৎনৗ গৗনাং সান্নানৈ, হাজাছে জুজিনায়াও গৗহৗ হৗনৗ থাখৈ নৗংছৗরখৌ বৈ ফৗথাইনায়খৌ লাখিনৗ জেখৌ সানছে সমাও ঈশ্বৗরনি মানসিফৗরনৗ অরাইবৗনি থাখৈ গথায়নান হৗনায় জাদৗং। মানৗনা খাইছে মানসিফ্রা জাইফৗরনি বিচারনি খৗথা গৗডৗনৗ লিৎনায় জাখাদৗং বিছৗরৗ সিরি সিরিয়ৈ নৗংছৗরনি গেজেরাও হাবখৗমাবায়। বিছৗরৗ অধৗরৗমিয়া মানসিফৗর, জাইফ্রা ঈশ্বৗরনি অনুগ্রহখৌ গাজ্রি লামাঠিং বৗখেলাঙৗ আরৗ বেখৌ গাজ্রি আখলনি জুনৈ বাহানা হিসাবমৈ বাহাইয়ৗ আরৗ জৗংনি সাছে বান বৈগৗমা আরৗ ফৗরবু যীশু খ্রীষ্টখৌ বিছৗরৗ অস্বীকার খৗলামৗ। নৗংছৗরৗ সিগাংয়াওনৗ মিথিখাগৌব্লাবৗ আঙৗ নৗংছৗরনৗ গৗসৗখাংহৗনৗ হাস্থায়ৗ যে ফৗরবুআ সানছে সমাও গাওনি মানসিফৗরখৌ মিশর দেশনিফ্রায় উদ্ধার খৗলামদৗং মৗন, নাথায় উনাও জাইফ্রা ফৗথাইয়াখৈমৗন বিছৗরখৌ সংহার খৗলামদৗং। আরৗ জাই আরফ'ফ্রা গাওছৗরনি একথিয়ারনি সীমাখৌ রৈখা খৗলামাখৈ নাথায় গাওছৗরনি থানায় জায়গাখৌ নাগারনানৈ থাদৗংমৗন, বিছৗরখৌ বিয়ৗ গৗথৌ খৗমসিয়াও গেদেৎ দিনাও বিচারনি থাখৈ মাব্লাবৗনৗ জয়ৈ জিনজ্রিজৗং খানানৈ দৗনদৗং। বেবাদিনৗ সদোম, ঘমোরা আরৗ বিনি খাঠি খালা থানায় নৗগৗরফৗরনি মানসিফ্রা গাওছৗরখৌ অধৗরৗমিয়া জিনাহারি আরৗ গাজ্রি লামাঠিং গথায়দৗং। বিছৗরৗ অরাইবৗ গৗমৗৎনি অৎনি শাস্তি ভোগ খৗলামৗ বিছৗরনি মৗনছে দৈখৗন্থি হিসাবৈ সেবা খৗলামৗ। বেবাদিনৗ, বে অধৗরৗমিয়া মানসিফৗরনি সিমাং নুনায়ফ্রাবৗ বিছৗরখৌ গাওছৗরনি মৗদৗমখৌ গাজ্রি পাপ মাওহৗয়ৗ, একথিয়ারখৌ গারৗ আরৗ জাইফ্রা স্বৗর্গৗয়ারি বিছৗরনি ছায়াও নিন্দিয়ৗ। নাথায় এমন কি গাহায় আরফ' মাইকেলআ জেব্লা বিয়ৗ মোশিনি মৗদৗমখৌ লানানৈ শয়তানজৗং বিচারনি থাখৈ নাংজ্লায়ৗ, অব্লা বিয়ৗ গাওনৗ বিখৌ দায়নি থাখৈ নিন্দিনৗ গৗহৗ মৗনাখৈ বরং বিখৌ বেবাদি হৗন্দৗং, “ফৗরবুআ নৗংখৌ ছৗংখারিথৗং!” নাথায় বে মানসিফ্রা গাওছৗর বুজিয়া মাৎনিন নিন্দিয়ৗ, আরৗ জুনারফৗরবাদি গাওছৗর সান্নায়খৌনৗ মাওয়ৗ, আরৗ বেজৗংনৗ বিছৗরৗ সংহার জায়ৗ। ধিক্কার বিছৗরহা! বিছৗরৗ কয়িননি লামাখৌ লাবায়; বিছৗরবৗ বালামনি গৗরৗন্ঠিয়াও মুনাফানি থাখৈ দাওগালাংবায়; কোরহনি বিগ্রায়নায়াও বিছৗরৗ ফৗজৗবস্রাংজাবায়1। বে মানসিফ্রা নৗংছৗরনি প্রেম ভোজয়াও দায় গৗনাং, ইছেবৗ লাজিয়া ফাংসিয়া মাৎনিন নৗংছৗরজৗং জাফায়ৗ-বিছৗরৗ বেবাদি লাওখার জাইফ্রা গাওছৗরখৌ বান জাহৗয়ৗ। বিছৗরৗ বারজৗং বুবিথিংজানায় অখা হারৗঙৈ গৗরান জৗমৈ বাদিছৗ; বিছৗরৗ উদাং বৗথৗরনি বিথাই থাইরৗঙি রৗদায়ৈনৗ বুখুজানানৈ ঠাল্লায়ৈ খেবনৈ থৈনায় বিংফাংফৗর বাদিছৗ। বিছৗরনি লাজ্জিগৗনাং মাওনায়া সাগৗর গিথাওথাও ঢেউনি ফেংফনা বাদি নুজায়ৗ। বিছৗরৗ খাৎবাইবায়নায় হাথৎখিফৗর, জাইফৗরনি থাখৈ গৗথৌসিন খৗমসিয়া অরাইবৗনি থাখৈ ঠিনানৈ দৗনখাবায়। আরৗ আদমনিফ্রায় সাত পুরুষ যে হনোক, বিছৗরনি বিষয়ৈ বেবাদি ভাববাণী বুংদৗংমৗন, নাই, ফৗরবুআ গাওনি সানথ্রহায়ি গৗথার আরফ'ফৗরখৌ লানানৈ ফৈগৌ, বয়নিবৗ ছায়াও বিচার খৗলামনৗ থাখৈ, আরৗ গাছেন ঈশ্বৗরহারা জাইফ্রা ঈশ্বৗরহারা খামানি মাওবায় বেফৗরৗ মৗনছে ঈশ্বৗরহারা উপায় আরৗ ঈশ্বৗরনি বিরুদ্ধনাও গৗরা সৗদৗব বুংবায় বিছৗর সাফ্রৗমখৌবৗ দায়নিগিরি খৗলামনৗ। বে মানসিফ্রা আপত্তি খৗলামগ্রা আরৗ গৗরৗন্ঠি নাগিৎগ্রা; বিছৗরৗ গাও গাওনি গাজ্রি লুবৈনায় বাদি থাবায়ৗ, বিছৗরৗ গৗগ্গা বাথ্রাফৗর রাইয়ৗ আরৗ গাওছৗরনি সান্নায়খৌ জাফুংহৗনৗ গৗদৈ গৗদৈ বাথ্রাফৗর বুঙৗ।
নাংঠাবনান থানৗ থাখৈ লিংহৎজানায়
নাথায়, আংনি অনজাগ্রা লৗগৗফৗর, জৗংনি ফৗরবু যীশু খ্রীষ্টনি প্রেরিতফৗরনি সিগাংনি খৗথা বুংলাংনায় ভাববানী ফৗরখৌ নৗংছৗরৗ গৗসৗখাং। বিছৗরৗ নৗংছৗরখৌ বেবাদি হৗন্দৗংমৗন, জৗবনায় সমাও এরৈ বাদি নিন্দিগ্রাফৗর নুজানায় জাইফ্রা গাওছৗরনি অধৗরৗম লুবৈনায়াও থাবায়নায়। বিছৗরনৗ বি মানসিফ্রা, জাইফ্রা নৗংছৗরখৌ গাওজ্লাইহৗয়ৗ, জাইফ্রা সংসারনি স্বাভাবিক লুবৈনায়ফৗরজৗং বান থাবাইগ্রা, আরৗ বিছৗরনে ঈশ্বৗরনি জিউ গৈয়া। নাথায় নৗংছৗর, আংগৗ লৗগৗফৗর, নৗংছৗর গাওছৗরনি গৗথার ফৗথাইনায়নি ছায়াও গাও গাওখৌ লুখাংনায়নি গেজেরজৗং গৗথার জিউনি বৗলৗজৗং প্রার্থনা খৗলামনানৈ, গাও গাওখৌ ঈশ্বৗরনি অন্নায়াও দৗন, আরৗ জৗবনৗ গৈয়ি গৗঠাংখৌ মৗন্নৗ থাখৈ জৗংনি ফৗরবু খ্রীষ্টনি দয়াখৌ লামা নাইবায় থা। জাইফ্রা সন্দেহ খৗলামৗ, বিছৗরনৗ দয়াখৌ দিন্ঠিদৗ; গুবুনফৗরখৌ অৎনিফ্রায় থাব সেখ'নানৈ রৈখা খৗলামদৗ। গুবুনফৗরখৌ গিনায়জৗং দয়া দিন্ঠি, নাথায় বিছৗরনি জীবনখৌ মৈলা খৗলামৗ বেবাদি পাপফৗরখৌ মুগৈনানৈ সাংগ্রাং থা।
বাখ্নাইনায়নি প্রার্থনা
জাইয়া নৗংছৗরখৌ ছৗখ্ঠুনায়নিফ্রায় হমথানৗ আরৗ বিনি মহিমানি সিগাংয়াও দায় গৈয়ি খৗলামনৗ আরৗ গেদেৎ রংজানায়জৗং, জাইয়া সাছে বান ঈশ্বৗর জৗংনি বাছাইগিরি, জৗংনি ফৗরবু খ্রীষ্টনি দ্বারৈ বিনিনৗ মান, মহিমা, বৗলৗ, আরৗ একথিয়ারা, গাছেন ফিরিনি সিগাং, বেবাদিনৗ দাবৗ আরৗ অরাইবৗ জাথৗং! আমেন।
Source notes (1)
- Cross-reference জাগাইজেন্নায় 4:8; বিচন বিজাব 22:24; 31:16; 16:1–3
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.