Mech
3 যোহন 1
গৗজৗন্নায় লানায়
বে প্রাচীন, জাইখৌ আং মৗজেন অন্নৗ, বিয়ৗ নংথারগৌ আংনি লৗগৗ গায়াস। আংনি আংগৗ লৗগৗ, আঙৗ প্রার্থনা খৗলামৗ নৗংহা গাছৈয়াওবৗ মৗজাং জাথৗং, আরৗ আং মিথিনায় বাদি নৗঙৗ জেরৈ জিউয়াও মৗজাঙৈ দং বেবাদিনৗ মৗজাং দেহা থাথৗং। বে আংখৌ গেদেৎ রংজাহৗবায় যে, খাইছে ফৗথায়গ্রা ফংবায়ফ্রা ফৈনানৈ নৗংনি সত্যনি বিষয়ৈ সাক্ষ্য হৗদৗং, মাব্রৈ নৗঙৗ নংথারগৌয়াও থাবায়দৗং। আংনি বিসাফ্রা ঈশ্বৗরনি নংগৌয়াও থাবায়নায়খৌ মিথিনানৈ রংজানায়নিখুরৈ আংহা আরবাও গুবুন দেৎসিন রংজানায় গৈবাওয়া।
গায়সখৌ বাখ্নাইনায়
আংগৗ লৗগৗ, ফংবায় আরৗ বিনানাওফৗরনি থাখৈ নৗঙৗ যে মাওদৗং বিহা নৗঙৗ ফৗথায়সুলা, যদিও বিছৗরৗ নৗংনি থাখৈ গুবুনারি মানসি মৗন। বিছৗরৗ নৗংনি অন্নায়নি সাক্ষী মন্ডলীয়ারিফৗরনৗ খৗথাদৗং, বেয়ৗ মৗজাং জানায় যদি নৗঙৗ বিছৗরখৌ বেবাদি থৗনহৎনৗ জেন ঈশ্বৗরা সন্তুষ্ট জায়ৗ। মানৗনা বি মুংনি থাখৈ বিছৗরৗ অৗংখাৎলাংবায়, গুবুন হারিফৗরনিফ্রায় মৗংবৗ হেফাজাব লায়া। বিনিখাইনৗ জৗং বে মানসিফৗরনি হেফাজাব হৗথারনাংগৌ, বিনিখাইনৗ জৗঙৗ নংথারগৌনি থাখৈ লৗগৗছে খামানি মাওনৗ হায়ৗ।
দিয়ত্রিফি আরৗ দীমীত্রিয়াস
আঙৗ মন্ডলীয়ারিফৗরনৗ বে লাইজামখৌ লিৎহৎদৗংমৗন, নাথায় দিয়ত্রিফিআ মন্ডলীয়াও দৈদেনগ্রা জানৗ হাস্থাইয়ৗখায় আংনি বুংনায়খৌ খৗনাছঙা। বিনিখাইনৗ আং জেব্লা ফৈনায়, বিনি মাওনায়ফৗরখৌ গৗসৗখাং হৗনায়, বিয়ৗ জৗংনি বিরুদ্ধ দুষ্টু গৗবাংথার নংখাই খৗথাফৗর বুংদৗং, আরৗ বেফৗরখৌ বুংনানৈ গৗসৗয়াও ঠৗনায় গৈয়া মৗন, আরৗ ফংবায়ফ্রা নাজাওয়া আরৗ গুবুনফৗর নাজাওনৗ হাস্থাইনায়খৌবৗ রাইফৗথায়ৗ আরৗ বিছৗরখৌ মন্ডলীনিফ্রায় হৌয়নহৎনৗ। আংগৗ লৗগৗ, জাই মানসিফ্রা গাজ্রি মাওয়ৗ বিছৗরনি দাছৗলৗং নাথায় জাইফ্রা মৗজাং মাওয়ৗ বিছৗরনি ছৗলৗং। জাইয়া মৗজাংখৌ মাওয়ৗ, বিয়ৗ ঈশ্বৗরনি মানসি আরৗ জাইয়া গাজ্রিখৌ মাওয়ৗ, বিয়ৗ ঈশ্বৗরখৌ নুয়াখৈ। সাফ্রৗমবৗ দীমীত্রিয়াসখৌ বাখ্নায়ৗ, ঈশ্বৗরনি নংথারগৌয়াও বিখৌ মৗজাং হৗন্নানৈ সাক্ষ্য হৗয়ৗ। জৗংবৗ সাক্ষ্য হৗয়ৗ, আরৗ জৗংনি মৗজাং সাক্ষ্য হৗনায়াবৗ নংথারগৌ হৗন্নানৈ নৗংছৗরৗ মিথিগৌ।
জৗবনায়নি গৗজৗন্নায় লাহৎনায়
আংহা নৗংছৗরনৗ গৗবাংথার বুংনাংগৌ দংমৗন, নাথায় আঙৗ কলম আরৗ কালিজৗং লিৎনৗ লুবৈয়া। আঙৗ নৗংছৗরখৌ গৗখ্রৈনৗ নাইহৈনৗ আশা দং, আরৗ বে সমাও জৗঙৗ গাছৈখৌবৗ মৗখাংজৗং মৗখাং রাইজ্লাইনায়। নৗংছৗরনাও শান্তি জাথৗং। নৗংছৗরনি গাছেন লৗগৗফ্রা নৗংছৗরখৌ গৗজৗন্নায় লাহৎদৗং। নৗংছৗরনিয়াও থানায় জৗংনি লৗগৗফৗর সাফ্রৗমনৗবৗ জৗংনি মুঙৈ গৗজৗন্নায়খৌ হৗদৗ।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.