Mech
যোহন 9
সাছে খানাখৌ গুনু খৗলামনায়
যীশুআ থাঙৈ থাঙৈ সাছে জৗনৗমনিফ্রায়নৗ খানা মানসিখৌ নুদৗং। বিনি ছেলাফ্রা বিনিয়াও সৗংদৗং, “ও গুরু, মানৗ বে মানসিয়া জৗনৗম নিফ্রায় খানা? বে মানসিনি পাপনি জুনৈ না বিমা বিফানি জুনৈ?” যীশুআ বুংফিনদৗং, “বি মানসি এবা বিনি বিমা বিফা পাপ খৗলামনাইনি জুনৈ অৗঙা, নাথায় ঈশ্বৗরনি বৗলৗয়া বিনি ছায়াও নুজানাংগৌখায় বিয়ৗ খানা জাদৗং। জাইয়া আংখৌ থৗনহৎদৗং, জৗঙৗ বিনি হাবাখৌ সান থানায়াওনৗ মাওনাংগৌ, হর ফৈগৌ রাওবৗ হাবাখৌ মাওনৗ হানায় অৗঙা। আঙৗ সংসারাও থাসান্দি, আংনৗ সংসারনি স্রাং।” বেখৌ বুংনানৈ যীশুআ হায়াও মুজুনানৈ জুমুদৈজৗং ইছে হাব্রু খৗলামদৗং, আরৗ খানা মানসিনি মগন থাইনৈনি ছায়াও ফুননানৈ হৗদৗং। বিয়ৗ বিখৌ হৗনবায়, “থাং, শীলোহনি ফুখ্রিয়াও মৗখাংখৌ ছুগারহৈদৗ।” (বে শীলোহনি অৗংথিয়া জাবায়, থৗনহৎজানায়।) থৗনহৎজানায় বাদি বিয়ৗ থাংদৗং আরৗ ছুগারহৈদৗং, আরৗ গুনু জানানৈ ন্ব' য়াও ফৈফিন্দৗং। বিনি ফারা ফরুসিফৗরা আরৗ বিখৌ সিগাঙাও জাইফ্রা বিবাইনায় নুদৗং মৗন, বিছৗরৗ হৗন্দৗং, “বিয়ৗ জিরাইনানৈ ভিক্ষা মাংগিগ্রায়ানৗ অৗঙা না?” খাইছেয়া হৗন্দৗং, “বিয়ৗ বিনৗ।” গুবুনফ্রা হৗন্দৗং, “অৗঙা, বি অৗঙা; নাথায় বিবাদিনৗ নুয়ৗ।” নাথায় ভিক্ষা বিগ্রা গাওনৗ হৗন্দৗং, “আংনৗ বি মানসিয়া।” বিছৗরৗ অব্লা বিখৌ সৗংদৗং, “নৗংনি মগনফ্রা মাব্রৈ গুনু জাখৗ?” বিয়ৗ বুংফিন্দৗং, “যীশু মুংনি মানসিয়া ইছে হাব্রু খৗলামনানৈ আংনি মগন থাইনৈয়াও ফুননানৈ বিয়ৗ আংখৌ হৗন্দৗং, ‘থাং শীলোহনি ফুখ্রিয়াও ছুগারহৈদৗ!’ অব্লা আং থৗনজানায় বাদি ছুগারহৈদৗং, আরৗ আং নুনৗ মৗনদৗং।” বিছৗরৗ সৗংদৗং, “বি মানসিয়া মহাই?” বিয়ৗ বুংবায় আং মিথিয়া।
গুনু খৗলামজানায় মানসিখৌ ফরীশীফৗরনি অনুসন্ধান খৗলামনায়
জাই মানসিয়া সিগাঙাও খানা মৗন, বিখৌ মানসিফ্রা ফরীশীফৗরনিয়াও লাবৗবায়। যীশুআ হাব্রু খৗলামনানৈ যে দিনাও বি মানসিনি মগনফৗরখৌ গুনু খৗলামদৗং, বি দিননা সাব্বাথ মৗন। বিনি উনাও ফরীশীফ্রাবৗ সৗংবাওদৗং, “নৗং মাব্রৈ গুনু জাখৗ?” বিয়ৗ বুংফিন্দৗং, “বিয়ৗ আংনি মগন থাইনৈয়াও হাব্রু ফুননানৈ হৗদৗং, আরৗ আং ছুগারহৈদৗং আরৗ দা আং নুয়ৗ।” খাইছে ফরীশীফ্রা হৗন্দৗং, “বে মানসিয়া ঈশ্বৗরনিফ্রায় জানৗ হায়া, মানৗনা বিয়ৗ সাব্বাথনি নিয়মখৌ মানিয়া।” অব্লাবৗ গুবুনফ্রা হৗন্দৗং, “সাছে পাপী মানসিয়া মাব্রৈ বেফৗরবাদি সৗমৗ গৗনাং চিহ্নফৗরনি হাবাখৌ মাওনৗ হানায়?” নাথায় বেখৌ লানানৈ বিছৗরনি গেজেরাও গাওজৗলাইবায়। বিনি উনাও বি খানা মানসিখৌ ফরীশীফ্রা সৗংবাওবায়, “নৗঙৗ হৗনবায়, বি মানসিয়া নৗংখৌ গুনু খৗলামবায়, অব্লা নৗঙৗ দা বিখৌ মা সাননৗ?” বি মানসিয়া বুংফিনবায়? “বিয়ৗ সাছে নবি।” বি মানসিয়া সিগাঙাও খানা মৗন হৗন্নানৈ বিনি বিমা বিফানেও সৗংনৗ মৗনাগৌমানি যিহূদি দৈদেনগিরিফ্রা ফৗথাইয়াখৗছৈ; বিছৗরৗ বিনি বিমা বিফানিয়াও সৗংবাওবায়, “বিয়ৗ নৗংছৗরনি বিসাজ্লা না? মা নৗংছৗরৗ হৗন্নৗ, বিয়ৗ জৗনৗমনিফ্রায়নৗ খানা মৗন, অব্লা দা বিয়ৗ মাব্রৈ নুখৗ?” বিনি বিমা বিফায়া বুংফিন্দৗং, “জৗঙৗ মিথিগৌ, বিয়ৗ জৗংনি বিসাজ্লা, আরৗ জৗঙৗ মিথিগৌ, বিয়ৗ জৗনৗমনিফ্রায়নৗ খানা মৗন। নাথায় জৗঙৗ মিথিয়া, দা বিয়ৗ মাব্রৈ গুনু জাখৗ; এবা ছৗর গুনু খৗলামখৗ, বিনিখাইনৗ বিনেও সৗংদৗ; বিয়ৗ দেৎখাবায়, বিয়ৗ গাওনৗ বুংনৗ হানায়!” বিনি বিমা বিফায়া যিহূদিয়ারি দৈদেনগিরিফৗরখৌ গিনানৈ বেবাদি বুংদৗং, মানৗনা সিগাংনৗ যিহূদিয়ারি দৈদেনগিরিফৗরা বেবাদি ফৗসাওদৗং মৗন, জাইনৗ যীশুখৌ মসিহ হৗন্নানৈ মিথিসাৎহৗনায়, বিখৌনৗ সিবিগ্রা ন্ব' নিফ্রায় বাইরাও দৗন্না জানায়। বিনিখাইনৗ বিনি বিমা বিফায়া হৗন্দৗং, “বিয়ৗ দেৎবায়, বিনেওনৗ সৗং!” যে মানসিয়া জৗনৗমনিফ্রায় খানা মৗন, বিখৌ লিংহৎফিন্নানৈ খেবনৈনি সৗংবাওবায়, আরৗ বিছৗরৗ বুংবায়, “নৗঙৗ নংগৌখৌ বুংনানৈ ঈশ্বৗরখৌ মহিমা হৗ, জৗঙৗ মিথিগৌ, জাইয়া নৗংখৌ গুনু খৗলামদৗং, বি মানসিয়া পাপী।” বিয়ৗ বুংফিনদৗং, “বিয়ৗ পাপী নামা, বিখৌ আং মিথিয়া আঙৗ বিখৌ বান মিথিগৌ; আং খানা মৗন, নাথায় দা আং নুয়ৗ।” অব্লা বিছৗরৗ সৗংবায়, “বিয়ৗ নৗংনি থাখৈ মা খৗলামা? আরৗ বিয়ৗ নৗংনি মগনখৌ মাব্রৈ গুনু খৗলামখৗ?” বিয়ৗ বেবাদি উত্তর হৗফিনদৗং, “আঙৗ নৗংছৗরনৗ খৗথাখাবায়, আরৗ নৗংছৗরৗ খৗনাছঙাখৈ। মানৗ আরবাও খৗনাছংনৗ লুবৈয়ৗ? নৗংছৗরবৗ বিনি ছেলাফৗর জানৗ লুবৈয়ৗ নামা?” অব্লা বিছৗরৗ বে মানসিখৌ বৗরাবনানৈ অপমান খৗলামদৗং আরৗ হৗন্দৗং: “নৗংছৗ বি মানসিনি ছেলা; নাথায় জৗঙৗ মোশিনিছৗ ছেলাফৗর। জৗঙৗ মিথিগৌ যে ঈশ্বৗরা মোশিজৗং রাইজ্লায়ৗ মৗন; নাথায় বে মানসিয়া ববেনিফ্রায় ফৈখৗ, বেখৌ জৗং মিথিয়া!” মানসিয়া উত্তর হৗদৗং, “দা মা এছে নামজাদা খৗথা! বিয়ৗ ববেনিফ্রায় ফৈদৗং, বেখৌ নৗংছৗরৗ মিথিয়া! অব্লাবৗ বিয়ৗ আংনি মগনখৌ গুনু খৗলামবায়। জৗঙৗ মিথিগৌ, ঈশ্বৗরা পাপীফৗরনি বুংনায়খৌ খৗনাছঙা; নাথায় জাইয়া ঈশ্বৗর ভক্ত আরৗ বিনি ইচ্ছা বাদি মাওয়ৗ, বিনিখৌছৗ ঈশ্বৗরা খৗনাছঙৗ। জৗনৗমনিফ্রায় খানাখৌ মগন গুনু খৗলামনায়খৌ সংসার জাজেন্নায়নিফ্রায় রাওবৗ খৗনাফেৎনাখৈ। বি মানসিয়া ঈশ্বৗরনিফ্রায় ফৈয়াখৈ মৗনব্লা, বিয়ৗ মৗংবৗ মাওনৗ হানায় অৗঙা মৗন।” বিছৗরৗ বুংফিন্দৗং, “নৗঙৗ পাপমাওনৗ জৗনৗম জাদৗং আরৗ নৗং এছেগ্রাব সাহসি, দিনৈ জৗংখৌ ফৗরৗংনৗ হাস্থাইনায়া নৗং ছৗর?” আরৗ বিছৗরৗ বি মানসিখৌ সিবিগ্রা ন্ব' নিফ্রায় বাইরাও হৌয়নহৎদৗং।
জিউয়াও খানা
যীশুআ খৗনাবায়, বিছৗরৗ বি মানসিখৌ বাইরাও গাহৎবায় হৗন্নানৈ, আরৗ জেব্লা বিখৌ লৗগৗ মৗন্নৗ, অব্লা বিনিয়াও সৗংদৗং, “মা নৗঙৗ মানসিনি বিসাহৌয়াখৌ ফৗথাইয়ৗ?” মানসিয়া বুংফিন্দৗং, “ও গুরু, বিয়ৗ ছৗর? আংনৗ খৗথা, যেন আংবৗ বিখৌ ফৗথায়নৗ হায়ৗ।” যীশুআ বিখৌ হৗনবায়, “দা নৗঙৗ বিখৌ নুখাবায়, আরৗ বিয়ৗ নৗংজৗং রাইজ্লায়িন দং।” অব্লা বি মানসিয়া হৗনবায়, “ও ফৗরবু, আং ফৗথাইয়ৗ” বেবাদি হৗন্নানৈ বিয়ৗ যীশুখৌ খুলুমদৗং। যীশুআ হৗনবায়, “খানাফ্রা নুনায় বাদি, আরৗ জাইফ্রা নুয়ৗ বিছৗরৗ খানা জানায়, বে সংসারাও আং বিচারনি থাখৈ ফৈবায়।” যীশুজৗং থাফানায় ফরীশীফৗরনি খাইছেয়া বিনি বুংনায়খৌ খৗনানানৈ সৗংদৗং, “মা? জৗংবৗ খানা খৗমা?” যীশুআ হৗনফিনবায়, “নৗংছৗরৗ খানা মৗনব্লা, নৗংছৗরৗ পাপনি দায়নিগিরি জানায় অৗঙা মৗন, নাথায় দা নৗংছৗরৗ গাওছৗরখৌ নুয়ৗ হায়ৗ হৗন্নানৈ দাবি খৗলামৗ, দায়নিগিরিয়া দাবৗনৗ দং।”
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.