যোহন 1

বাথ্রায়া মৗদৗম জাফৈবায়

1জাগাইজেন্নায়াও বাথ্রায়া দংখায়ৗমৗন, আরৗ বাথ্রায়া ঈশ্বৗরজৗং মৗন, আরৗ বাথ্রায়ানৗ ঈশ্বৗর মৗন। 2বিয়ৗ জাগাইজেন্নায়াও ঈশ্বৗরজৗং মৗন। 3গাছেনবৗ বিজৗংনৗ সৗরজিজাদৗং, জাইয়া সৗরজিজাদৗং, বিখৌ নাগারনানৈ জেবৗ সৗরজিজায়াখৈ 4বিনেওনৗ গৗঠাঙা দংমৗন, আরৗ বি গৗঠাঙা গাছেন মানসিহারিনি স্রাং মৗন। 5আরৗ বি স্রাঙা খৗমসিয়াও স্রাং হৗয়ৗ, আরৗ খৗমসিয়া বিখৌ দেহানৗ হায়াখৈ।

6ঈশ্বৗরজৗং থৗনহৎজানায় সাছে মানসি নুজাফৈবায়, জাইনি নামমা যোহন মৗন। 7বিয়ৗ সাক্ষী জানানৈ স্রাংনি সাক্ষ্য হৗনৗ থাখৈ ফৈয়ামৗন, যেন বয়বৗ বিনি গেজেরজৗং ফৗথাইয়ৗ। 8যোহননা গাওনৗ স্রাং অৗঙা মৗন, নাথায় স্রাংনি বিষয়াও সাক্ষী জানানৈ বান বিয়ৗ ফৈদৗংমৗন। 9বিনৗ নংথারগৌ স্রাঙা জাইয়া গাছেন মানসিনৗ স্রাং হৗয়ৗ, বিয়ৗ সংসারাও নুজাফৈদৗংমৗন।

10বিয়ৗ সংসারাও দংমৗন, আরৗ বিজৗংনৗ সংসারা সৗরজিজাদৗংমৗনব্লাবৗ, নাথায় বে সংসারনি মানসিফ্রা বিখৌ ছিনাইয়াখৗছৈ। 11বিয়ৗ গাওনি মানসিফৗরনি গেজেরাও ফৈয়ামৗন নাথায় গাওনি মানসিফ্রানৗ বিখৌ নাজাওয়াখৗছৈ 12অব্লাবৗ খাইছে মানসিফ্রা বিখৌ নাজাওদৗং আরৗ জাইফ্রা বিনি নামাও ফৗথায়দৗং বিছৗরখৌ বিয়ৗ ঈশ্বৗরনি বিসা জানৗ একথিয়ার হৗবায়। 13বিছৗরৗ প্রাকৃতিজৗং অৗঙা, মানসিনি থৈ খৗলামনায়জৗং অৗঙা এবা হৌয়ানি গৗসৗজৗংবৗ অৗঙা নাথায় ঈশ্বৗরজৗং সারিজাবায়।

14বাথ্রায়া সাছে মানসি সৗমৗন্দৈ জাবায়, আরৗ বিয়ৗ জৗংনি গেজেরাও থাবায়। জৗঙৗ বিনি মহিমাখৌ নুবায়, বিফানি মহিমা মৗনছে বান আরৗ বিসাজ্লা বান, জাইয়া বিফানিফ্রায় ফৈয়ামৗন, বিয়ৗ অনুগ্রহ আরৗ নংগৌজৗং বুংফাওনায়।

15যোহননা বিনি বিষয়ৈ সাক্ষ্য হৗদৗংমৗন। বিয়ৗ গৗব্রাবমৈ বুংদৗং, বিয়ৗ বেনৗ জাইনি বিষয়ৈ আঙৗ বুংদৗংমৗন, বিয়ৗ আংনি উনাও ফৈগৌ, আরৗ বিয়ৗ আংনিখ্রুই দেৎসিন, মানৗনা আংনি সিগাংনৗ বিয়ৗ দংখায়ৗ মৗন।

16গাওনি বুংফাওনায় অনুগ্রহজৗং বিয়ৗ জৗংখৌ অনবায় আরৗ বিনিফ্রায় জৗং বাংসিননিখ্রুই বাংসিন অনুগ্রহ মৗনবায়। 17মানৗনা আইননা মোশিনি গেজেরজৗং হৗনায়জাদৗংমৗন নাথায় অনুগ্রহ আরৗ নংগৌয়া যীশু খ্রীষ্টনি গেজেরজৗং ছফৈদৗং। 18বিফা ঈশ্বৗরখৌ রাওবৗ মালাবাবৗ নুফেৎনাখৈ নাথায় সাছে আরৗ সাছে বান বিসাজ্লা, জাইয়া গাওনৗ ঈশ্বৗর আরৗ বিফাজৗং লৗগৗছে থায়ৗ, বিনৗ বিখৌ মিথিহৗবায়।

যোহন বাপ্তিস্টনি সাক্ষী হৗনায়

(মথি 3:1–12; মার্ক 1:1–8; লূক 3:1–18)

19যোহননি সাক্ষীয়া বেনৗ, জেব্লা যিহূদিয়ারি দৈদেনগিরিফ্রা যিরূশালেমনিফ্রায় যাজকফৗর আরৗ লেবীয়ারিফৗরখৌ যোহননেও বেবাদি সৗংনৗ থৗনহৎবায়, নৗঙৗ ছৗর জাখৗ?

20যোহননা স্রায়ৈ আঙৗ মসিহ1 অৗঙা হৗন্নানৈ সিমান লাদৗং।

21বিছৗরৗ বিখৌ সৗংফিনবায়, “অব্লা নৗং ছৗর জাখৗ? নৗং এলিজা নামা?”

যোহননা বুংফিনবায়, “আঙৗ এলিজা অৗঙা।”

বিছৗরৗ সৗংবাওবায়, “অব্লা নৗঙৗ নবি নামা?”

যোহননা বুংফিনবায়, অৗঙা, আং নবিবৗ অৗঙা 22বিছৗরৗ জৗবথানাইয়াও হৗনবায়, দে জৗংনৗ খৗথা, নৗংছৗর? মানৗনা জৗংখৌ সৗংনৗ থৗনহৎনায় ফৗরনৗ জৗঙৗ খৗথাহৈফিন নাংগৌ। নৗঙৗ গাওখৌ ছৗরখৌ হৗন্নানৈ লায়ৗ?

23যিশাইয় নবিনি গেজেরজৗং বে খৗথাখৌ হৗন্নানৈ যোহননা বুংফিনবায়, “আঙৗ মারু গৗরান ফৗথারবারিয়াও বেবাদি গাবজ্রিবায়দৗং,

‘ফৗরবুনি থাখৈ লামাখৌ গেবেং খৗলামদৗ।’”2

24অব্লা ফরীশীফৗরজৗং3 থৗনহৎজানায় মানসিফ্রা 25যোহনখৌ সৗংবায়, নৗং মসিহবৗ অৗঙা, এলিয়বৗ অৗঙা, এবা নবিবৗ অৗঙা, অব্লা নৗং মানৗ বাপ্তিস্মা হৗয়ৗ? 26যোহননা বুংফিনবায়, আং দৈজৗংছৗ বাপ্তিস্মা হৗয়ৗ, নাথায় নৗংছৗরনি গেজেরাও সাছে গছংনানৈ দং, জাইখৌ নৗংছৗরৗ মিথিয়া। 27বিয়ৗ বি সাছে, জাইয়া আংনি উনাও ফৈগৌ আরৗ আঙৗ বিনি সেনডেলনি ফিথাখৌ খেওনৗবৗ সমায়া।

28বে গাছেন ঘটনাফ্রা যর্দ্দন বাৎনৈ, বৈথনিয়া হৗন্নায় গামিয়াও জাদৗংমৗন, জেরও যোহননা বাপ্তিস্মা হৗদৗংমৗন।

যীশুআ ঈশ্বৗরনি মেন্ডাবিসা

29নখা নাইয়ৈ যোহননা যীশুখৌ গাওনি ঠিঙৈ ফৈনায় নুনানৈ হৗনবায়, “হোনৈ নাইহৎ, ঈশ্বৗরনি মেন্ডাবিসায়া, জাইয়া সংসারনি পাপনি বিবানখৌ বানগারৗ! 30বিয়ৗ বেনৗ জাইনি বিষয়ৈ আঙৗ বুংদৗংমৗন, বিয়ৗ আংনি উনাও ফৈগৌ, আরৗ বিয়ৗ আংনিখ্রুই দেৎসিন, মানৗনা আংনি সিগাংনৗ বিয়ৗ দংখায়ৗ মৗন। 31আং গাওনৗ বিখৌ মিথিয়ামৗন, নাথায় বিয়ৗ ইস্রায়েলফৗরনৗ মিথিহৗনৗ থাখৈ, আঙৗ দৈজৗং বাপ্তিস্মা হৗদৗংমৗন।”

32অব্লা যোহননা বে সাক্ষীখৌ হৗবায়, “আঙৗ গৗথার জিউখৌ স্বৗর্গৗনিফ্রায় ফারৌ বাদি অৗংখাৎবৗনানৈ বিনি ছায়াও থাফৈনায় নুদৗং। 33আরৗ আং গাওনৗ বিখৌ মিথিয়ামৗন, নাথায় জাইয়া আংখৌ দৈজৗং বাপ্তিস্মা হৗনৗ থৗনহৎদৗং বিনৗ আংনৗ বেবাদি খৗথাদৗং, ‘নৗঙৗ জাইনি ছায়াও গৗথার জিউখৌ অৗংখাৎবৗনানৈ থাফৈনায় নুনায়, বিনৗ বি মানসিয়া জাইয়া গৗথার জিউজৗং বাপ্তিস্মা হৗনায়।’ 34আঙৗ নুবায় আরৗ আং নৗংছৗরনৗ সাক্ষ্য হৗয়ৗ, বেনৗ ঈশ্বৗরনি বিসাজ্লায়া।” 4

যীশুনি গিবি ছেলাফৗর

35নখা নাইয়ৈ আরবাও যোহননা গাওনি সানৈ ছেলাফৗরজৗং গছংনানৈ দংমৗন। 36অব্লা বিয়ৗ যীশুখৌ থাবায়লাংনায় নুদৗং, আরৗ হৗন্দৗং, “হনৈ নাইহৎ, ঈশ্বৗরনি মেন্ডাবিসায়া!”

37বি সানৈ ছেলাফ্রা যোহননি বে বুংনায়খৌ খৗনানানৈ, যীশুনি উন উন থাংদৗং। 38অব্লা যীশুআ উন ঠিঙৈ নাইফিন্নানৈ বিছৗরখৌ গাওনি উন উন ফৈনায় নুনানৈ সৗংদৗং, নৗংছৗরৗ মা নাইগিৎদৗং? বিছৗরৗ বিখৌ বুংফিনবায়, “রব্বি” (জাইনি অৗংথিয়া “গুরু”) নৗঙৗ ববেহা থায়ৗ?

39যীশুআ বিছৗরখৌ বুংফিনবায়, “ফৈ অব্লা নৗংছৗরৗ নুনায়”। আরৗ বিছৗরৗ বিজৗং থাংফানানৈ বিনি থানায় জায়গাখৌ নুহৈদৗং, আরৗ বি দিনাও বিছৗরৗ বিজৗং লৗগৗছে থাফাদৗং। বি সমাও বেলাছিনি চারটাছৗ জাবায়মৗন।

40যোহননি বুংনায় খৗথাখৌ খৗনানানৈ যীশুনি উন উন থাংফানায় সানৈ ছেলাফৗরনি গেজেরাও সাছেয়া শিমোন পিতরনি ফংবায় আন্দ্রিয়াসমৗন। 41আন্দ্রিয়াসআ গিবিয়াও জাইখৌ মাওদৗং মৗন বি জাবায়, গাওনি বিদা শিমোনখৌ নাইগিৎদৗং আরৗ বিখৌ বুংদৗং, “জৗঙৗ মসিহখৌ লৗগৗমৗনবায়” (জাইনি অৗংথিয়া খ্রীষ্ট)। 42আরৗ আন্দ্রিয়াসআ শিমোনখৌ যীশুনিয়াও লাবৗদৗং।

যীশুআ শিমোননি ঠিঙৈ নাইনানৈ আরৗ হৗনবায়, “নৗঙৗ যোহননি বিসাজ্লা শিমোন। নাথায় নৗংখৌ কৈফাস মুংখনায় জানায়” বেনি অৗংথিয়া পিতর।5

ফিলিপ আরৗ নাথানেলখৌ যীশুনি লিংনায়

43নখা নাইয়ৈ যীশুআ গালীলয়াও থাংনৗ সানবায়, আরৗ বিয়ৗ ফিলিপখৌ লৗগৗ মৗন্নানৈ হৗনবায়, “ফৈ আংনি উন উন ফৈদৗ।” 44আন্দ্রিয় আরৗ পিতর বাদি ফিলিপমাবৗ বৈৎসৈদা নৗগৗরনি মানসি মৗন। 45ফিলিপমা নাথানেলখৌ লৗগৗ মৗন্নানৈ বেবাদি খৗথাবায়, “জাইনি খৗথা মোশিআ আইন বিজাবমাও লিৎনানৈ গালাংদৗং, আরৗ নবিফ্রাবৗ লিৎদৗং, বে মানসিখৌ জৗঙৗ মৗনবায়, বিয়ৗ যোষেফনি বিসাজ্লা নাসরৎনি যীশু।” 46নাথানেলআ সৗংবায়, “নাসরৎ নিফ্রায় জেবৗ মৗজাং ফৈনৗ হায়া না?”

ফিলিপমা হৗনবায়, “ফৈ আরৗ নাইফৈ।”

47যীশুআ নাথানেলখৌ গাওনি ঠিঙৈ ফৈনায় নুনানৈ বিনি বিষয়ৈ হৗনবায়, “নাই, বে সাছে নংথারগৌ ইস্রায়েলয়ারি, জাইনি গৗসৗয়াও জেবৗ ছৗলৈনায় গৈয়া।”

48নাথানেলআ যীশুনিয়াও সৗংবায়, “নৗং আংখৌ মাব্রৈ চিনায়খৗ?”

যীশুআ বুংফিনবায়, “ফিলিপমা নৗংখৌ লিংবৗনায়নি সিগাং, জেব্লা নৗঙৗ ডুমরি বিংফাং গাহায়াও দংমৗন, অব্লানৗ আঙৗ নৗংখৌ নুখাদৗংমৗন।”

49অব্লা নাথানেলআ বুংফিনবায়, “গুরু, নৗঙৗ ঈশ্বৗরনি বিসাজ্লা, নৗঙৗ জাবায় ইস্রায়েলনি রাজা।”

50যীশুআ বুংবায়, “আং নৗংখৌ, বৈ ডুমরি বিংফাংনি গাহায়াও নুদৗং মৗন হৗন্নানৈ বুংনায়খায়ছৗ নৗঙৗ ফৗথাইদৗং? নৗঙৗ বিনিখ্রুই দেৎসিন খামানিফৗরখৌ নুনৗ মৗন্নায়।”

51অব্লা বিয়ৗ বিছৗরখৌ বুংবায়, “নংথারগৌয়ৈ আঙৗ নৗংছৗরখৌ বুঙৗ, নৗংছৗরৗ স্বৗর্গৗখৌ গেওনায় আরৗ ঈশ্বৗরনি আরফ'ফৗরখৌ মানসিনি বিসাহৌয়ানেও 6থাংলায় ফৈলাই খৗলামনায় নুনায়।”7